كيف تحب تلعب ؟؟

[AOD]

مسا الخير
البارحه وانا جالسه العب فاتيل فارم 3 اما انها مرعبه وبجانبي كيك ساريتا يميم
وقهووة على كيفك
ما دريت عن نفسي الا والفجر مأذن
ياترى كيف انتم تلعبوا هل تحبوا تكونوا لوحدكم ام تحبوا الحماس مع اخوانكم واصحابكم
اي الاوقات تفضل
تحب تاكل او تشرب شيء وانت تلعب تلعب جالس والا نصف نايم
تحبوا الظلمه علشان متعه اللعب ام تخافوو ا
ما احلاها من اوقات اللعب على البلاي ستيشوون

[shinji mikami j]

هل تحبوا تكونوا لوحدكم

نعم أفضل الوحدة خصوصا مع ألعاب الرعب ..

تحب تاكل او تشرب شيء وانت تلعب

لاأحب أن أفعل أي شيءأثناء اللعب ..

^^

[! غــريــب !]

ما احلاها من اوقات اللعب على البلاي ستيشوون

عز الله ما أحلاها ههههههههههههه ..

عني أنا أحب أللعب وأنا منبطح على بطني ورجولي متعوكفه على بعض

وجنبي حليب نياق بالشوكولا وبسكوت أبو ميزان ( وجه بيسوي انه ولد نعمه بس ماهوب عارف كيف )

AOD ياخي مواضيعك فله .. إنني أحوووبك في الله ولذلك تجدني أوطوط في مواضيعك

[Electro M]

من زمان عن البلاي ستيشوون
لكن ان لعبت فغالبا ويننج اليفن مع الشباب لذا ما في مجال لا للانبطاح و لا لشرب اي شي لان الحماس ممكن يخليك تندم على وجود اي شي ساخن حولك

إنني أحوووبك

وش بينك و بين موزع البوسات !؟

[xunknownx]

عني انا احب اكون العب لوحدي بس اذا في حد جنبي عادي

ما احب العب في وقت متاخر

اذا في جالكسي وبيبسي مع العب يكون احسن >>> يموت فيهم

لي وضعيات كثير في الجلوس يوم العب

اكيد اخاف من الظلمة يوم العب.... لا امزح بس يعني شوي اخاف >>> للعلم اني ما احب العاب الرعب

[! غــريــب !]

( صورة وجه للموهوب في المسن يقول ياخي وش فيك ناشب للبنت في موضوعها )

طلعت بنت الله يرجك << آخر جمله كان يتوقع يقولها في حياته هههههههههه

عمومتاً خلاص ماعاد أحووبك في الله .. خايف تجيبين لي اخوانك ويصير

فيه ثأر ودلال وعلوم رجال

وايه صح انا بعد أموت في الجالكسي << يقاله يرقع خخخخخخ

أكترونيات آخر واحد يتكلم انت اسكت بس هههههههه

[Pr.Game]

أنا أفضل الوحدة إذا كانت اللعبة فردية ..
أما لعبة جماعية ويننج الفن .. مصارعة .. إلخ .. طبعاً الشغل الجماعي ولا بلاشي ..
بالنسبة للأكل وقت اللعب ما أحبذه .. لأنه يد السوني إما ينكب عليها عصير أو تصير مصيبة ..
بالنسبة للجو أفضله مظلم .. سواءاً لعبة رعب أو غيره ..
تحس إنك مركز في اللعبة بس أما إذا الغرفة أنوار وصخب بصير كذا >> ..

[Electro M]

أكترونيات آخر واحد يتكلم انت اسكت بس هههههههه

ليه شايفني اوزع حبي على الفاضي و المليان مثلك !؟

[Master ArNab]

والله من زمان عن اللعب

الحين اللعب صار تصانيف

الأربعاء اللي فات خلصت Resident Evil 4 ..
طبعاً بعد مده من الزمن وإلييين ما أزعجوني اثنين في الدوام عليها ..
بس فيها شيء محيرني باللعبة
في نهاية القصة فيه شيء يفرفش بسط خيشه بحاوية ؟؟ مدري وش قصته



غالباً أخواني الصغار يجون عندي بالغرفة ويتفرجون ويعلقون

هالأيام .. بالعاده , إذا ماعندي شيء ,, ألعب بعد العصر

أمس جربت Devil May Cry 1 ساعة .. ماش , تووو متش hack & slash وعلى غير سنع

اليوم جربت Glass Rose ساعة .. ماش مرتن أخرى ,, اللعب بطييييييء والشخصية تقهر .. تقل بصله

بكرا يمكن أجرب onimusha 4 أو Monster Hunter

[Son_OF_Liberty]

كل لعبها ولها جوها الخاصه
مثلا ميتل جير سوليد الثالث اكييد احب ألعبها وجنبي واحد بربيكان وجالسكي

اما الالعاب الثانيه أحب اشرب القهوه تخليني احس بشوية نشاط

أما لعبة ديفل ماي كراي الثالث هاللعبه ألعبها وانا جالس وشاد ضهري
لأنها حماسيه وازد وازد وبالاخص يوم تقاتل فيرجل
=========
ماصطر أرنب شكلك جاي من العصر الحجري انت وألعابك القديمه هاذي
الحين بالله توك تلعب رزدنت ايفل الرابع وديفل مي كراي الاول؟؟

بس فيها شيء محيرني باللعبة
في نهاية القصة فيه شيء يفرفش بسط خيشه بحاوية ؟؟ مدري وش قصته

نهايتها بايخه مثل الجزء نفسه بصراحه أخس جزء باللعبه الرابع لكن اذا تبي نصيحتي جرب تلعب رزدنت ايفل كود فيرونيكا صدقني متعه لأبعد الحدود

أمس جربت Devil May Cry 1 ساعة .. ماش , تووو متش hack & slash وعلى غير سنع

والله اللعبه روعه لكن النقطه السلبيه الوحيده فيها ان الوحوش ضعاف وحتى يوم تقاتل فيرجل الي يعتبر أقوى شخصيه دانتي يواجهها مايجلس قدامك دقيقه وحده من ضعفه (ماكأنه ولد ليجندري دارك نايت سباردا )

وألف شكر لك أخت أنجيل على الموضوع

[SILENCE.98]

ههههههههه ذكرت يومي ألعب فانتال فريم 3 ... كنت جايب بطاطس برينجلز كبير حارررر ... وبايسون علبة حديد ... حتى البايسون ماكمل معي باللعبه كل ماطلع وحش طاح البايسون ... ترا بيتنا عند مقبره .. يعني لاتستبعدوا أن فيه جن قاعدين يناظروني وأنا ألعب أو يكبون البايسون ... المره الثانيه إذا جيت أبلعب أبعزمهم على كوكا كولا وكل واحد تسالي ... أزين شيء

[سفاح جدة الدموي]

أنا عن نفسي ماأعرف ألعب الإ بعد الساعة 1 الليل

ولمبات غرفتي مقفلة كلها

ماأدري كيف بعض الناس يلعبون واللمبات مشغلة

وأحياناً ماأعرف ألعب الإ إذا كان جنبي كاس شاي أو بيبسي

لو حتى قارورة موية

أهم شي يكون جنبي في الغالب أي نوع من المشروبات


سفحا لا دمويتا....

[Master ArNab]

ما قدرت أنام
بكرا بروح مواصل للدوام لااااااااااااااااااااااااااا

بالنسبه للمشروبات والحلويات .. يعني إذا فيه شيء حولي أوفره الى وقت اللعب

ماصطر أرنب شكلك جاي من العصر الحجري انت وألعابك القديمه هاذي
الحين بالله توك تلعب رزدنت ايفل الرابع وديفل مي كراي الاول؟؟

ايه أنا من عصر رزدنت ايفل الأول وعصر وايلد أرمز الأول ولونر إس إس إس سي

معك كل الحق .. الجزء الرابع ناقصة أهم شيء .. القصة !
و كود فيرونيكا .. عندي نسخة الدريم كاست .. الى الحين ما خلصتها , تونا في البدايه

والله اللعبه روعه لكن النقطه السلبيه الوحيده فيها ان الوحوش ضعاف

بصراحة أنا تعبت وأنا أقاتل يمين يسار فوق تحت .. نبي شيء مثل هيردي قيردي أو لعبة بقصة قويه أو أساليب لعب جديده


تحرير:
خلاص .. قررت , غداً سأشتري Resident Evil Code: Veronica X ..
لو فيه محلات فاتحه الحين ( الأن الساعة 4 ونص الفجر XD ) كان رحت شريتها ... غداً متحمس جداً جداً جداً

[maxvan]

احب اللعب ومعى على الاقل شخص

اللعب يكون فى الظلام

لا افضل اكل اى شىء مع اللعب
مشكورين اخوكم
max van

[سفاح جدة الدموي]

أوه

نسيت شي مهم أحب أسويه يوم ألعب

أنا ماأحب ألعب والصوت واصل بره الغرفة

عشان كذا أركب سمعات للأذن عشان الصوت يوصل لي أنا بس وأنا قاعد ألعب

عشان ماأزعج أحد في الليل


.....