اول شي نبدا بالخبر القوي
الممثل ادم ساندلر اللي عمل فلم click مؤخرآ قرر اهداء 400 جهاز ps1+ps2+ pre-order ps3
لأطفال وشباب اسرائيل المتضررين من الحرب الاخيره
ومدير فرع سوني في اسرائيل Ehud Danoch ذكر انه قابل ممثلين ومخرجين ومنتجين..الخ وتناقشو حول خسائر الشركه في اسرائيل خلال الحرب الاخيره وكيف سيساعدون في ارجاع الفرحه لقلوب الاطفال والمنكوبين في اسرائيل
والممثل ادم ساندلر اتخذ قراره بعد نصيحه من احد اقربائه بمساعدة ابناء جلدته ((لانه يهودي))
ولم يحدد حتى الآن اي بلاي ستيشن بيتبرع فيها لكن الاحتمال الارجح انه ps2
شخصيـآ: ماتفاجأت لاني ادري فيه يهودي ويموت بأسرائيل
=============================================
دراجون كويست
اللعبه اللي تعتبر الاكثر شهره وطلبآ فاليابان
اللعبه اللي بسبتها عيال المدارس يشردون عشان يشترونها
اللعبه اللي الموظفين مايروحون الدوام عشان يشترونها
اللعبه اللي صدر بخصوصها قانون يمنع سكوير اينكس تصدرها خلال ايام الاسبوع
اللعبه اللي يتجرء المراهقين انهم يسرقونها من بعض حتى لو بالقوه فاليابان
تم الاعلان عن تطوير جزء جديد لها وبيصدر على احد اجهزة بلاي ستيشن
لكن منتج اللعبه horii صديق مقرب لرئيس ننتندو Satoru Iwata وفالواقع من اوائل الاشخاص الي جربو الويموت وهووري كان يقول ان الجرافيك في دراجون كويست 8 هو قريب جدآ من الجرافيك اللي بباله وبما ان الوي اقوى بشوي من الps2 فما عنده مشكله انها تصدر عليه لان الرسوم بتكون افضل بقليل والجرافيك بيكون انعم ومحسن اكثر ليتوافق مع احلامه ومخيلته 100% وبرأيه ان جميع العاب دراجون كويست الجرافيك فيها يكون مشابه او افضل بقليل للجزء الثامن
سكوير ماعندها مشكله تصدر اللعبه على الوي او السوني لكن اذا صدرت هاللعبه على الوي
شعبية البلاي ستيشن فاليابان ماراح تكون الاولى بالتأكيد مع ان فاينل فانتسي 13 سبب كافي لجعله الاول بلا منازع لكن دراجون كويست الاقرب لقلوب جميع اليابانيين ومبيعات الجهازين بتكون متقاربه جدى جدآ ومب أكيد ان السوني يكون الاول
وفووق هذا كله لاتفقدون الامل لانه احتمال يغير رايه ويختار الPs3 ونشووف مبيعات الجهاز تتصدر قوائم المبيعات فاليابان
للعلم دراجون كويست تعتبر اقوى لعبة Anime-RPG فالتاريخ والسبب يعود للشركه اللي وافقه وراها square enix
