رحت شركة سوني عشان اشتري عدسة وشوفو ا شنو قالو لي

[Man msn]

السلام عليكم ورحمة الله وبركاته

امس رحت شركة سوني عشان اشتري عدسة ما رضو يعطوني العدسة قالو لي لازم تجيب الجهاز معاك عشان نسوي فحص عليها وعلى اي سي

اليوم رحت وعطيتهم الجهاز، بعد ساعات اتصلوا علي وقالو لي ان الجهاز مالك قديم (39004) والعدسة اللي فيه ماعندنا مثلها, واحنا عندنا عدسة اذا حطيناها على جهازك مارح تشغل الديفيدي الكوبي بس تشغل الاصلي، والعدسة اللي لازم تركب على جهازك اسمها DVD NINEمادري Len Nine عشان تشغل الديفيدي نسخة كوبي، وقلت لهم عدسة K400C تصير تحطونها قلو لا ماتركب عليها وقالو لي روح حق المحلات العادية يمكن يقدرون يصلحونها لك.

قلت لهم يعني مافي امل صح! قالو لي مافي امل

ليش مع انه موديل الجهاز قطع غيارة متوفرة O.o يافرحة ماتمت

في احد منكم مر في نفس مشكلتي ؟

[Man msn]

توني راد من محلين بس النتيجة صفر

اول محل قالي ما تشغل عدسة جديد

ثاني محل قالي تشغل العدسة ركب العدسة الجديدة قعد يلعب بالعدسة وبالوزنية والترس الابيض وقامت تشتغل معاه يعني طلع له كلمة بلاي ستيشن 2 بس

بعدين قالي ما تتصلح وقالي قطها واشتري وحده ثانية

مستغرب والله اكيد اهو ما يعرف دام ان كلمة البلاي ستيشن 2 اطلعت يعني الجهاز تمام بس يجوز شكله موفاضي يقعد يوزن كل شوي وانا واقف على راسة

ودمتم بود

[apo3awad2005]

السلام عليكم

اخ Man msn ماعليك من كلام المحلات
انا عندي واحد من الاهل عندة بليستيشن 2 من اول صنعه النسخه القديمة
ومن كم شهر راح عن واحد من المحلات وبدل العدسة 25 دينار بحريني وركب عدسه جديده
وللحين شغاله وكل شيئ تمام

تحياتي

[Man msn]

وعليكم السلام ورحمة الله وبركاته

شكراً لك اخوي على المشاركة وانا اوافقك الراي^^
بس الحين خلاص ركبت هارد دسك وفكيت نفسي^_^

[النورس المعلا]

الاخ صاحب الموضوع

مالك من شركة سوني ولا يحزنون

طالما جهازك موديل 39004

ركب علية عدسة 400C

وانا مسئول على كلامي واعتمد على شركة النورس وطز في شركة سوني

[Man msn]

مشكور اخوي النورس على الرد

بس للاسف خلاص من زمان ركبت هارد دسك

والمشكلة سبق وان حطيت موضوع ابي اعرف موديل جهازي بعدين ضعت بالطوشة ما ادري شنو الموديل الحقيقي لها، وخفت اشتري عدسة وابتلي فيها ^^

والسلام عليكم ورحمة الله وبركاته