لأول مرة PS3 يعرض فيلم Blu-Ray

[Raykonen]

السلام عليكم

لأول مرة يستعمل ال PS3 لعرض أفلام Blu-Ray ( طبعا لأن الجهاز ما نزل للأسواق لحد الآن ) , يعني لأول مرة استعمل ال PS3 ك Blu-Ray Player , والصور اللي تحت رح توضحلكم هذا الشي .

انا اعتذر يا شباب لأن الصور صغيرة ومو واضحة لكن لم أجد غيرها , للأسف هذه الصور ليست دليل كافي أن ال PS3 هو اللي يعرض الفيلم !!!!!!!

لكن أظن الموضوع ما يحتاج لدليل قاطع ابدا , لأنه تشغيل الأفلام ليس ذلك الأمر العظيم اذا ما قورن بتشغيل الالعاب , لكن اللي يخوف يا شباب عدم التوافق , يعني تخيلوا بعد ما أدفع 600 $ ثمن الجهاز يطلع يشغل بعض أقراص Blu-Ray دون الأخرى مثل ما كان يصير مع PS2 اللي ما كان يشغل جميع أنواع أفلام DVD

إن شاء الله ما يصير هذا الشي , لأن PS3 أرخص مشغل بلوراي وهذه من أهم نقاط تسويقه في العالم

المصدر : Max PS3

[الجام العربي]

الي يبين إن هذا بلاي ستيشن3 !!!!

دقق أخوي باليد تجدها لاسلكية !!!

وشكراً

[AJ.M]

طيب ورونا ايش هو الفلم

انا شايف انه شي عادي ...يعني باالله مشغل بلو راي مايشغل افلام

[hamad_007]

القائمة الصراحة مرة بايخة .
يعني على الاقل لو يحطون عداد أو يخلونه مثل برنامج real player مب أحسن .

مشكور اخوي على الموضوع و أصلا ما يباله انك تثبت ان البلايستيشن3 يشغل أفلام لأنه شي طبيعي هم قالوا ان البلايستيشن3 يشغل الأفلام يعني معقولة يكذبون

[hamad_007]

, يعني تخيلوا بعد ما أدفع 600 $ ثمن الجهاز يطلع يشغل بعض أقراص Blu-Ray دون الأخرى مثل ما كان يصير مع PS2 اللي ما كان يشغل جميع أنواع أفلام DVD

اخوي البلايستيشن2 يشغل أفلام الديفيدي حسب النظام .
اذا كان PAL يعني يشغل أفلام PAL اما اذا كان NTSC يعني يشغل أفلام NTSC
أنا عندي بلايستيشن2 PAL و كنت أشتري أفلام NTSC و أشغلها بواسطة AR MAX و يشتغل عادي .
أنا سمعت ان البلايستيشن3 ماله أنظمة و يشغل كل الأنواع
و حتى ولو ما يشغل كل الأنواع الAR MAX ما يقصر .

[Emirates]

اخوي البلايستيشن2 يشغل أفلام الديفيدي حسب النظام .
اذا كان PAL يعني يشغل أفلام PAL اما اذا كان NTSC يعني يشغل أفلام NTSC
أنا عندي بلايستيشن2 PAL و كنت أشتري أفلام NTSC و أشغلها بواسطة AR MAX و يشتغل عادي .
أنا سمعت ان البلايستيشن3 ماله أنظمة و يشغل كل الأنواع
و حتى ولو ما يشغل كل الأنواع الAR MAX ما يقصر .

من جيه ما راح استخدم البلوراي الخاص بجهاز البلاي 3 ولا الاكس 360 لاني بطبيعة الحال باخذ النظام الامريكي

افضل هالافلام على مشغل مستقل متوافق مع الريجون الخاص بالامارات

وشكرا

[كبير المحترفين]

القائمة الصراحة مرة بايخة .
يعني على الاقل لو يحطون عداد أو يخلونه مثل برنامج real player مب أحسن .

مشكور اخوي على الموضوع و أصلا ما يباله انك تثبت ان البلايستيشن3 يشغل أفلام لأنه شي طبيعي هم قالوا ان البلايستيشن3 يشغل الأفلام يعني معقولة يكذبون

والله انك صادقك مالها داعي ها القائمه ماتليق بجهاز مثل البلاي ستيشن 3 ان شاء الله يعدلونها قبل نزول الجهاز لأني منتظره من زمان و ان شاء الله سأشتريه اول ما ينزل بس الله يعينني على النصب

تحياتي للجميع

[ToUaReG]

هلا اخوي ^^ ..

ما يحتاج دليل .. اذا سوني 2 تشغل اكيد سوني 3 تشغل ..
واذا ما شغلت تروح تنتحر الشركه احسن ..

ومثل ما قالوا الاخوان القائمه بايخه يعني لو يعدلونها بس تتوقعون في اكثر من شكل ولا لا ..

و مشكوووور عالصور والموضوع ..

[d.o.d.y]

أخوي مثل ماقالوا اذا 2 كان يشغل 3 مايشغل
بس شكل القائمة بخرع وش ذا مرصوصة مو حلوة

[barca-ps3]

اذا كان على شكل القائمه ..

ما يهمني.. !

بس لو تلاحظون أكو شغلات جديده !
الشريط الاول

الحين تطوف وتعيد بسرعات مختلفه << عدلوا غلطتهم إللي بـ ps2 يا إنك تطوف بسرعه x2 أو انك تروح لتراك ثاني !