بسم الله الرحمن الرحيم
كل عام وانتم بخير .. اعاد الله رمضان علينا وعليكم بكل خير.
------------------------------------------
صعب نبكي وسهل نحزن والدموع اللي تطيح
صدو عنها لا تشوفو تخجل الرجل ادمعه
علمونا اجدادنا نكظم الغيض مانصيح
غير يوم "الله اكبر" تعلى وسط المعمعه
قال ابوعواد ومن قبله يردد بالفصيح:
المصايب ان تجيك تجيك دوم مجمعه
هذا هو افغان يشكي ويا العراق الجريح
ومن قبيله جرح الأقصى مانسينا موجعه
فيهن الاطفال مابين المعل ويا الذبيح
والعذارى لو تصم صراخهن غير تسمعه
لكن اللي يشفي بعض الهم ماهو اللي يريح
فعال رجال(ن) تهاب الله ماتعرف الدعه
علمونا كيف نجهل ضد منهو يستبيح
عرض مسلم باي شين او يقرب مربعه
علمونا كيف يصمد الضعيف ضد كل ريح
صرصر(ن) مر(ن) غثاها عاتيات مروعه
يابويش واشهد انك بوش في القول الصريح:
مادريت ان العراقي قالو لاتمزح معه؟!
بالسهال ذيب قرم كيف لو وقت النطيح؟!
لاتظن انه بيركع لغير رب(ن) مرجعه
جيتنا باسم المسيح واحنا نفداه المسيح
ولا انت مافديت غير نفط(ن) ترتعه
يالمجاهد اصبر اصبر لايهمك هرج ميح
وخله سلاحك معاك كلاش او سي اربعه
وقبلها تقوى الاله لا تخلي يالمليح
واحذر احذر دم مسلم والردي لاتتبعه
وفي الختام لزوم نتذكر على ضيق الفسيح
وعد ربي للعباد ان بعد كل ضيق(ن) سعه
------------------------------------------
بدر
المشاركة الأصلية كتبت بواسطة Son_OF_Liberty
