لخبراء الـpsp: استفسار عن الداون جريد لـ 1.50

[nononono]

السلام عليكم ...

أنا واحد جديد على عالم الpsp

توني شريت الجهاز وهو على الفيرجن 2.6 وسويته ابديت وما اعرف عن موضوع الألعاب اللي تنحط على الميموري كارد شي ..

عطيت الجهاز لواحد صديقي وهو عطاه لصديقه الانجليزي وهو سواه داون جريد والحين صار عندي السستم 1.50 و 2.71 الاثنين موجودين اختار اللي ابيه وانزل الألعاب اللي ابيها وكل شي تمام التمام مع devhook 0.46 و انا حاولت من قبل ومن بعد ودخلت المنتديات وما حصلت طريقة الداون جريد موجودة هني في المنتدى بالشرح الدقيق ودورت في مواقع كثيرة وما لقيت تحويل بنفس السستم اللي عندي لأني إذا أشيل الميموري كارد يرجع الجهاز 2.71 طبيعي ..

المهم .. معظم المواضيع اللي لقيتها عن تحويل الأنظمة بالانترنت معقدة كثير وانا للحين ما عرفت الطريقة بالضبط وقبل يومين جاب لي واحد من الأهل الpsp حقه يبيني أسويها داون جريد وكانت على الفيرجن 2.71 وانا حبيت أطلع فيها وأسوي نفسي أبو العريف قمت نسخت كل الملفات اللي عندي على الميموري كارد وحطيتها في الميموري كارد لجهاز نسيبي والمفاجــأة

كل شي اشتغل تمام صار عنده الفيرجن الجديد والقديم ويختار وبرنامج الديف هوك نفس اللي عندي وكل شي جاهز !!!

أبي أعرف أحد سوى هالموضوع من قبل وإذا السالفة بسيطة جذي ولهالدرجة ليش محد نزل كل الملفات كاملة على الانترنت وكل اللي على الواحد انه ينزلها على الكارد إذا بغى يسوي داون جريد؟؟!!

وانا للحين مو مصدق انه شغال

واتمنى أعرف رايكم في الموضوع لأني مادري إذا سويت سبق علمي وصنعت الذرة لو طلعت غبار من موضوعي

[ألتيمي]

ايكون في موضوع بالأول والله إنت ضيعتني وماني فاهم شي من كلامك...
الحين انت تسأل لا تستفسر ولا تطرح موضوع.....؟؟؟؟

[nononono]

ههههههه

مسامحة أخوي اهو الموضوع طويل شوي بالنسبة لأستفسار ...

بس يعني شرحت الموضوع كامل واذا في شي مو واضح اسأل وانا أرد عليك

بس سؤالي الرئيسي:

ليش كل طرق الداون جريد اللي لقيتها في الانترنت معقدة وصعبة التطبيق ومو مضمونة سواء هني في المنتدى أو في مواقع ثانية وانا سويت مجرد شغلة كوبي وبيست وصار الداون جريد واشتغلت ال psp مضبوط وهل في أحد جرب هالطريقة واشتغلت معاه ؟

[452]

انزين عطنا الملفات..

[nononono]

انشالله راح انزل الملفات على المنتدى بس أول أجرب مرة ثانية لكي يطمئن قلبي

راح اجرب مرة ثانية على بي اس بي واحد صاحبي هاليومين واذا ضبطت التجربة راح انزل الملفات على المنتدى ...

[ألتيمي]

اخوووي كل الطرق شغاااله وأسهل طريقه
تحويل 1.51 او 1.52 او 2.0 إلــــــــــى 1.50 هـــذه مضمونه 100%
تحويل 2.01 او 2.5 او 2.6 فتحتاج لــ UMD GTA وهذه هم بعد مضمونه 80%
تحويل اي فيرجن مــاعدا 2.8 و 2.81 إلـــــــى 1.50 وهذه مضمونه 70%

وكل الطرق تحتاج التأكد من رقم البورد

واي طريقه تبون أشرحهـــا اكتبها في موضوعي
( http://www.montada.com/showthread.php?t=494737)

[aljefry]

حسب ما فهمت ...الي مستوي في البي اس بي مالك مب داون جريد...في الواقع الي مسويلك دوان جريد هو في الاساس استخدم برنامج يشغل اصدار 1.5 في psp اصداره الأساسي 2.7 ...البرنامج الوحيد و المشهور بهالخاصية هو devhook luncher ....يعني بإمكانك تحول اصدار البي اس بي مؤقتا من فيرجن 2.7 إلى 1.5 من دون الداون جريد ....و يوم نقلت الفايلات من PSP مالك إلى PSP الثاني..انت بالأساس نقلت فايلات برنامج devhook luncher ل PSP الثاني..لها السبب في PSP الثاني ، انتقلت بسهولة من فيرجن الى آخر ( و ظنيت انه داون جريد) هو بالأساس مب داون جريد....أما عن أسباب عدم قيام معظم الناس باستخدام هذا الخاصية و مبادرتهم في الداون جريد (على الرغم من خطورة الداون جريد) هو ... كثرة المشكلات من ناحية سرعة تشغيل الألعاب و كثرة الأخطاء (errors) و (bugs) ..إلا أن مصمم البرنامج و عد في الإصدارات القادمة بأن يكون البرنامج خالي من هذه المشكلات وبالتالي سيغني عن الدوان جريد في المستقبل القريب

[nononono]

والله مادري خوي الجفري بس شكله كلامك صح مع العلم انا استخدم البي اس بي حوالي شهر الحين ونزلت فوق 20 لعبة بدون مشاكل لا في السرعة ولا اخطاء من أي نوع ومن هالالعاب winning eleven و burnout وكل شي شغال بدون مشاكل عشان جدي انا مستغرب ..