صورة متحركة لنقلاب سيارة رجل مفحط ومقتله ...

[ODIN]

هذي هي

[acer2]

اول شيء نترحم له وبعدين ولك هذا مو صاحي شلون يسوي جذي ?:

[MXM8]

مجرد توضيح..
المفحط كان بدر عوض الله يهديه ولكنه ما مات اللي مات هو خويه اللي جنبه الله يرحمه ويرحم موتى المسلمين

[ODIN]

اها شكرا للتوضيح يا اخي ..

وشكرا لكم جميعا ..

..

[DARK WOLF]

الله يرحمه بس الصوره هذي لها أكثر من سنه

[سحاب الليل]

انا بأسوي فيها فاهم
الحادث كان في حي البديعة بالرياض
الراكب بجانب السائق كان أب وله اظن ابنان
السيارة كانت لأحد شركات التأجير
بدر بعد الحادث توجه للكويت

هذه المعلومات من كلام الناس يعني ممكن تكون فيها تأليف

[Pentium]

الله يرحمه...

و الله أنا أكتر شيء بكرهه بالقيادة هو التفحيط......:غضب:

لأن السيارة لم تخترع لهذه الإستعمالات الخاطئة

[ولد نجد]

السلام عليكم....

هذا الحادث وقع في حي العريجاء بالرياض وبالتحديد في

شارع الكبائن وهو احد شوارع التفحيط بالرياض والمفحط هو

بدر عوض وكان احسن مفحط في تلك الفترة ....

ساعة الحادث بدر كان ماشي بسرعة 220 كلم ( يعني مصفي الطبلون )

والركاب اللي كانوا معه خافوا وطلبوا منه ان يهدي السرعة لكنه

ماعبرهم ونطـلّ وحاصت عليه السيارة ودخل عرض في العامود

وتوفي الراكب الأيمن رحمه الله وهو متزوج حديثا حيث لم يمضي

على زواجه اكثر من أسبوع.

بعد الحادث أنسجن بدر عوض وخرج من السجن مؤخرا وأعتقد انه

خرج في شهر رمضان اللي حنا فيه الأن.... وبدر عوض يوم

كان في السجن كان يقول ودي بكامري , وانه اذا طلع بيرجع يفحط

ويتحدى جميع المفحطين يعني ماكفاه الشباب اللي دعسهم والشايب الضعيف

وآخر ضحاياه صديقه المسكين ..... وللمعلومية ترى عمره 29 سنة !!!!!!

الله يهديه بس .

[Pentium]

إيه و الله .....



الله يهديه و بس

[acer2]

الله يهديه

[فلفل الحراق]

لا ومن قوة وجه بدر عوض المطيري إنه يقول لخوية إللي بجنبه يوم الحادث (((((( أستر على ما واجهت))))))))..

لكن الله فوق.. تدرون كيف؟؟؟
واحد من أخويا بدر عوض (عبد وكلنا عبيد الله) عزم بدر في نهاية رمضان الماضي (يعني قبل العيد) عزمه في شقته وراح الطعس بدر للشقه ومعاه خويه (وشايل خويه رشاش((((((وين عايشين إحنا))))))
وبعد ما قلطو عند هاك العبيد طق الباب واحد وفز خوي الأمير.. قصدي خوي الطعس بدر بالرشاش...
وبعد ما قام العبد بيفتح الباب قال للخوي إجلس ذولي أخوياي..
دخلوا الضيوف وجلسوا وفجأة قاموا ولطشوا بدر والخوي .... بس العبد كان متفق معاهم...ذولي الله يسلمكم البحث الجنائي...

وبدر الداشر (وبكل ما تعني الكلمة من معنى) لا زال يقبع بالسجن من ذيك الفترة لألحين ومادري إن كان طلع زي ما يقول بعض الأخوة...

لكن هذي قصة البطل البدوي الداشر السربوت إللي راحت بسببه أرواح وبدل ما يسعف الرجال ينحاش ويقول استر على ما واجهت...
ما أوقل إلا حسبي الله عليك من طعس داشر
ولو فيه خير كان كمل دراسته السربوت وما جلس شاذ بين أخوانه كلهم فيهم الخير إلا هو داشر سربوت خريج سجون

[ولد نجد]

أخوي فلفل حراق...

بدر عوض أعتقد انه خرج في رمضان اللي حنا فيه الان...