بلييييييييز مساعدة صغنونة T_T ..
السلام عليكم ...
هاااااااااي يا أحلا أعضاء ^_^ ...
مش عارفة اذا كنت كاتبة الموضوع في مكانه المناسب ولا لا
بس أنا عايزة مساعدة صغنووونة جدا ..
في برنامج البوربوينت power point وأنا عارفة انه برنامج سهل وبسيط ..
بس طلعلي فيه مشكلة في الأصوات ...
كنت بعمل تصميم للمدرسة وحبيت طبعا أضيف أصوات ,
فضغطت : ادراج >> فيديو وأصوات >> صوت من ملف >>> واخترت الملف المطلوب..
وطبعا الصوت نزل على الشريحة وعملت تحرير كائن صوتي >> اخفاء الرمز عند عرض الشريحة ..
وظبطت وقت تشغيله >> مع السابق ..
دي كل التعديلات اللي أنا عملتها في الصوت واشتغل مع العرض عادي جدا ...
بس وبعد ما حفظت العمل ككل جربت أحذف الملف الصوتي ده من الكمبيوتر ( مش من التصميم )
وأشوف ايه اللي ح يحصل ... وفعلا الصوت ما اشتغلشمع اني حفظت الشرائح كلها ..
يعني هو لازم الأصوات اللي استخدمتها في المشروع تكون متخزنة على الكمبيوتر ؟؟
لكن المشكلة اني انا عاملة التصميم للمدرسة يعني لازم انسخه على CD واشغله في لابتوب في المدرسة ..
فهل لازم انسخلها ملفات الأصوات اللي اشتغلت بيها كمان ولازم هي تنزلها على كمبيوترها ؟؟
يعني ازاي احفظ الصوت على شريحة بور بوينت أو في مشروع بور بوينت بحيث ما يتغيرش خلاص مهما عدلت في الملف نفسه برا في الكمبوتر أو حذفت الملف الصوتي حتى من الكمبيوتر ؟؟؟
مع العلم ان الملفات الصوتية اللي استخدمتها من نوع WAV Audio وهي مسجلة من برنامج Text Aloud اللي يحول أي شئ تكتبه الى أصوات وبعدين بيحفظها عادي عالكمبيوتر كملف صوتي مستقل من نوع WAV ..
أتمنى تكونوا فهمتوا أنا عايزة ايه ومايكونش كلامي ملخبط...
يا ريت تساااعدوني بليييييييييز لأني المفروض أقدم المشروع بعد العيد علطول T_T...
وتكونو مشكووووووووووورين ألف شكر ..
