بالحيل حسّــاسه

[shjoonal3in]

السلام عليكم و رحمة الله وبركاته

من زمان ما نزلت شعر^^ أتمنى يعجبكم ....

بالحيل حسّــاسه

--------

ضاع الكلام وجف الدمع في عيني

جاني الخبر اللي يهد الصبر من ساسه

مرت سنيني وأنا قلبي يمنّيني

و العمر لا من قضى ما ترجع أنفاسه

اللي سمعته تو يا ناس يكفيني

لاجل انهي الحب واترك عني وسواسه

يكفيني لاجل اقتل الأحلام بايديني

واعلن حدادي على قلبي واحساسه

زفّـــوا حبيبي و خلوا الهم يكويني

و خلوا فؤاد تساوى صبره وياسه

امشي دروب الشقا وأقول أنا ويني

كني غريب يـدور ديــرته و ناسـه

مـا الـــوم دمعي يا دنيا لو تبكيني

الحظ عاثر وأنا بالحيل حسّــاسه

By shjoonal3in
Sat Oct 28,2006

[UDK]

صح لسانك


بصراحة قصيدة رائعة و بصراحة تفوق الوصف

و انتي معودتنا على قصائدك الرووعة من جد


ضاع الكلام وجف الدمع في عيني

جاني الخبر اللي يهد الصبر من ساسه

بصراحة كلماتك ما ادري وش اقول عنها بس اقل شيء اقدر اقوله انها كلمات رهيبة


زفّـــوا حبيبي و خلوا الهم يكويني

و خلوا فؤاد تساوى صبره وياسه

وصفك في البيت هذا و تعجبني الابيات اللي فيها الوصف مثل هذا البيت




اهنيك على الابداع و الله لا يحرمك منه و الله لا يحرمنا منك






تحياتي

[إنـسـان ثـانـي]

السلام عليكم ورحمة الله وبركاته

دايما مايدرج من مشاعرك الابداع مصطحب معه مادعوته بـ احساس صادق

نعم كل اشعارك روعة
لكن
هذه اجمل قصيدة اعجبتني من اشعارك


مشتاقون لجديدك

ويسعد صباحك

[المكاويه]

السلام عليكم و رحمه الله و بركاته
كيف الحااااااال يا جماااااااااااااااااااااااااعه<<< يحقلها,,, لها عمر عن ده المنتدى ههههه
شخباركم؟؟؟؟؟
ان شاء الله تمام
بشروني عنكم
انا طبعا "مدفوووونة" تحت انقااااض الكتب<< يعني مو تحت الكتب نفسها
زماااان لي ما شاركت هنا
بس صراااااحه,, قصيدتك شي ما ينسكت عليه خخخخخخ
جنان و الله يا شجون
انتي لسه تعرفيني؟؟؟ و لا تكبرتي عليا؟؟ خخخخخ
بالفعل قصيده راااااااااااائعه,, اقل ما يقال فيهاmasterpiece

مـا الـــوم دمعي يا دنيا لو تبكيني


الحظ عاثر وأنا بالحيل حسّــاسه

بالحيل.. بالحيل

هذي البيتين,,, شي تاااااني
ما تتصوري انا لي فتره قد ايش صايره حسااااااسه
والله لو هي كلمه,,, ما تلاقي غير دمووووووووووووع
مدري اشبي يا لطيف
الخلاااااصه<<< لانه شكلك بتقولي هذي ايش جابها هنا
القصيده خرااااااافه
و انتي كمااااان... شي تااااني
رجعتيني... و انا ماشوف الدرب على قولهم خخخخخ
يسعدك يا عســـــــــــــــــــــــل
اشوفك على خير اذا ربي كتب
خليني اشوف ايش في مواضيع تانيه ارد عليها خخخخ

سلاااااااااااااااااام

[shjoonal3in]

صح لسانك


بصراحة قصيدة رائعة و بصراحة تفوق الوصف

و انتي معودتنا على قصائدك الرووعة من جد

أشكر فنك ^^
تسلم على ردك أخوي... والحمدلله انها أعجبتك^^
شاكرين لك ردك

[shjoonal3in]

السلام عليكم ورحمة الله وبركاته

دايما مايدرج من مشاعرك الابداع مصطحب معه مادعوته بـ احساس صادق

نعم كل اشعارك روعة
لكن
هذه اجمل قصيدة اعجبتني من اشعارك


مشتاقون لجديدك

ويسعد صباحك

تسلم والله
مع إني أشوف إنه في كذا بيت مش موزونين تمام^^
أشكرك على ردك
وحياااك^^

[shjoonal3in]

السلام عليكم و رحمه الله و بركاته
كيف الحااااااال يا جماااااااااااااااااااااااااعه<<< يحقلها,,, لها عمر عن ده المنتدى ههههه

كح كح كح ... الدنيا غبااار...
لو قايلتلي لبست كمامات قبل لا تردين

انا طبعا "مدفوووونة" تحت انقااااض الكتب<< يعني مو تحت الكتب نفسها

ياهالكتب .... يمديج ماخذه دكتوراه ومستوية عميدة الكلية بعد

انتي لسه تعرفيني؟؟؟ و لا تكبرتي عليا؟؟ خخخخخ

أفا ...و ده يبأى كلام^^

بالفعل قصيده راااااااااااائعه,, اقل ما يقال فيهاmasterpiece

شكرا من ذوقج^^

رجعتيني... و انا ماشوف الدرب على قولهم خخخخخ

نحن بندليج الدرب ما عليه انتي تعالي بس^^
شكراً عالرد .....^^

[إنـسـان ثـانـي]

مع إني أشوف إنه في كذا بيت مش موزونين تمام^^

في وضعنا الحالي مو شرط تكون القصيده متكامله

وشرط الاستفادة من الغلط ... لان تكرار الغلط شي مو حلو

* الوزن شي سلبي ! لكن الاجابيات فيها جنت على الامور السلبيه

[Mr.FMZ]

امشي دروب الشقا وأقول أنا ويني
كني غريب يـدور ديــرته و ناسـه

وعليكم السلام ورحمة الله وبركاته
"من طول الغيبه جاب الغنايم"
وانتي ماشاءالله جبتيلنا هالابيات الجميلة
صح لسانك شاعرتنا ولاهنتي
يعطيك العافية وبالتوفيق
بدر

[TRY NO RACE]

من ناحية من زمان إي والله من زمان ماشفنا جديدك
القصيدة قليلة أبياتها بالنّسبة للموضوع ومع كذا طبعا حلووووه


اعذريني حبيت أتفلسف شوي عليك استحمليني

اللي سمعته تو يا ناس يكفيني

لاجل انهي الحب واترك عني وسواسه
لجل أنهي الحب واقطع عرقه وراسه

وبالتوفيــق وننننننتظر جديدك دائما :-)

[BuTtErFlY lOvE]

ماشاء الله عليك..
ليتني في يوم اقدر اكتب شعر.. ..
ماشاء الله..
احلى مقطع عجبني..
الحظ عاثر وأنا بالحيل حسّــاسه

وصدقتي..
انا بالحيل حساسه..
إيي والله..
تصويرك رووعه حبيبتي..
ماشاء الله عليك..
لا تحرمينا من مشاعرك..
وماعليه قلبي..بيجي اليوم إللى تنزف لك السعاده..
في بالي كلام لكن ماقدرت اصيغه ..
مشكووره يالحلوووه

[shjoonal3in]

مع إني أشوف إنه في كذا بيت مش موزونين تمام^^


في وضعنا الحالي مو شرط تكون القصيده متكامله


وشرط الاستفادة من الغلط ... لان تكرار الغلط شي مو حلو

* الوزن شي سلبي ! لكن الاجابيات فيها جنت على الامور السلبيه

كلامك عين الصح

بس أنا طبيعتي أحب يكون كل شي بيرفكت قد ما أقدر...
وخاصة في الأشياء اللي أحبها^^
I really didn't do my best^^"

حياك الله^^

[shjoonal3in]

وعليكم السلام ورحمة الله وبركاته

"من طول الغيبه جاب الغنايم"
وانتي ماشاءالله جبتيلنا هالابيات الجميلة
صح لسانك شاعرتنا ولاهنتي
يعطيك العافية وبالتوفيق

بدر

صح ابدنك^^
تسلم والله ... أشكرك على مرورك ...^^
و زين أعجبتكم

[shjoonal3in]

من ناحية من زمان إي والله من زمان ماشفنا جديدك

القصيدة قليلة أبياتها بالنّسبة للموضوع ومع كذا طبعا حلووووه

في هذي معاك حق...
بس لا المزاج اسعفني ولا الوقت ... قلت اكتب شي احسن من ولا شي ^^'

اعذريني حبيت أتفلسف شوي عليك استحمليني

اللي سمعته تو يا ناس يكفيني

لاجل انهي الحب واترك عني وسواسه

لجل أنهي الحب واقطع عرقه وراسه

يا شيخ حتى القولون لو ودك

أشكرك على ردك... والإضافة ...^^

حياك الله تراي^^

[shjoonal3in]

ماشاء الله عليك..

ليتني في يوم اقدر اكتب شعر.. ..
ماشاء الله..
احلى مقطع عجبني..
الحظ عاثر وأنا بالحيل حسّــاسه

تسلمين فراشة عالرد وعالكلام الطيب^^
يشرفني تواجدك الكريم
والله واشتقنا لردوووودك^^"
حياك..