◄◄ C.U.T.E.N.E.S.S ►► ـ

[FinalFantasy9]

Gundam SEED - Anime Wallpaper - Photoshop
.. بسم الله الرحمن الرحيم ..

.. السلام عليكم ورحمة الله وبركاته ..

بالبداية اود ان اعتذر على التقصير من ناحية الردود لان الوقت ضيق , ولكن ان شاء الله مافي موضوع الا ودخلته ^_^ ..

اود بهذا الموضوع عرض احد اعمالي في مجال خلفيات الانمي .

: التطبيق :

بديت ابحث عن صورة لبطلة انمي "Gundam SEED" والي تمتلك شعبية واسعه بين محبي هالانمي ^_~ , وخلال البحث لقيت صورة صغيره لها لكن كيوت xD ..

الصورة كانت بحجم 150×240 بكسل وكانت غير واضحه .. فقمت بأعادة رسم البطلة وعمل فكتور كامل بطول 1500 بكسل ^^" .. بعد الانتهاء من عمل الشخصية بديت افكر بالخلفية ! .. بغيت اعمل خلفية كيوت تليق على الشخصية ^_^ .. فأخترت اللوان هاديه .. الفكره نوعاً ما اخذت وقت لكن تنفيذها كان سلس ^^ .

لرؤية التصميم بالكامل أضغط على الصوره :-

الحجم : 1200 × 1600 .
مدة العمل : 5 الى 6 ساعات .. + 1 الى 2 للتعديلات .
البرنامج : بالكامل PhotoShop CS .
الصور : 100% Vector .. لاتوجد اي صورة خارجية .. كل شيء بالبن تول .
الفرش : 0 .
الفلاتر : 0 .
تكسترز : 1 .. لاعطاء الخلفية بعض التحرك ولكي لاتظهر مسطحه .
عدد الليرات : مو مهم .

أرجوا أن ينال التصميم رضاكم .

وشـــــــــــــــــــــكراً

[Royal Slayer]

وعليكم السلام ورحمة الله وبركاته

من زمان ما شفت لك تصميم اخى ^ ^

عودا حميدا

بصراحه تصميم غايه فى الروعه

خصوصا الالوان والصوره كلهم ما عليهم كلام

عندى فقط ملاحظه :لو تجعل الاسماء اسفل اليسار كى لا تكون على الصوره بيكون افضل

بس تصميم مجمله رائع

وقمت بحفظ الصوره وجعلها خلفيه لسطح المكتب

فى انتظار مزيد ابداعاتك FF9

دمتم فى حفظ الله ورعايته،،

[FinalFantasy9]

"من زمان ما شفت لك تصميم اخى ^ ^"
مرحبتين ^^ .. عندي تصميمين جاهزين غير هذا عملتهم بأخر شهرين والاثنين بنفس النظام .. فكتور كامل وصور شخصيات انمي بطريقة ال chibis ^^" .. وكنت ناوي اعرضهم بموضوع واحد ولكن فظلت التوزيع .. لان الاول مشارك بمسابقة والنتائج الى الان لم تحدد فأخليها بعد النتايج افضل ^^ .. وبالنسبة للثاني فالـ PSD خسرته بعد تعطل الهارد دسك من شهر تقريباً -__- .. علشان كذا ماودي اعدل على صورة ال JPEG واعرضها وللحين ماقررت .
ومخطط لخلفية لـ Final Fantasy 12 الي اللعبها حالياً .. لكن للحين مابديت بشي ^^" .

"بصراحه تصميم غايه فى الروعه .. خصوصا الالوان والصوره كلهم ما عليهم كلام"
تسلم ^^ .

"عندى فقط ملاحظه :لو تجعل الاسماء اسفل اليسار كى لا تكون على الصوره بيكون افضل"
بالنسبة لي انا افضل استخدام التوقيع على المكان الي فيه اللوان اكثر وهو بالعاده الجهه اليمنى علشان يصعب مسحها خخخ .. لكن بكلتا الحالتين فعد استخدام الخلفية فهي تختفي وراء الشريط بالاسفل في شاشة الويندوز ^_^ .

"دمتم فى حفظ الله ورعايته"
شكراً عزيزي على ردك وتواجدك .

وشـــــــــــــــــــــكراً

[The Dark Moon]

السلام عليكم ورحمة الله وبركاته ..
راائعة اخي FF9
بصراحة جميلة جدا والوانها هادئة ..
الصورة بريئة ^^
بعد اذنك ..

وضعتها عندي باك جراوند على الديسك توب ..
شاكرة لك

[Miss warble]

وعليكم السلام ورحمة الله وبركاته

كيف الحال

يووووه من زمان عن المنتدى ^^"
إحم يلا نعمه اني دخلت اليوم لاني من بكره ببدأ الإختبارات
لازم يستقبلونا بإختبار الفيزياء لووووووووووووول

إحم نرجع لمحور حديثنا التصميم =)



ياااي كيوت مره ماشاء الله مااعمري شفت هذا الانمي
ولا افكر اشوفه بس عندي صور له من ناحية استخدامك للبن فهو متقن ماشاء الله
مانقدر نعيب استاذنا فاينال فيها

فاينال نطلع شوي فوق عندد الون البرتقالي كأنه اللون مو صافي
هوا انه غلط بالتصميم او ميسمى عيب او انك انت عامل هذا الشئ متعمد !!
الخط حلو و بس برضوه احس فيه شئ غلط لكن مره منااسب مع التصميم


عندك ايضا مشكله مع الظلال =)
يعني لو تركز شوي بتلاحظ إنه في مشكله في الظلال لاحظ القصص الي نازله من البنت
قربها لايوجد ظل !_! أنت صح سويت الظلال لكن مو لكل شئ يمكن مو مهم لكن مهم للمصمم اذا كان تصميم
وراح يكون عائد طيب لك وبينفعك

لاحظ معايه الصور فيه غلط بالرسم



ياااااااي فاينال مره حركة الالوان كأنه شعرها ملفووف ماشاء الله
عليك من جد مبدع بمعنى الكلمه بالتوفيق اخي الكريم

[زعيم الإحساس]

وااااااو وش تبيني اقول روعه وابداع ولا ايش

صرااااااحة ما ادري شقول واااااااااااااااو تكفي

[Ronaldinho 10]

روعه يا فنان

[FinalFantasy9]

- القمر المظلم -

بصراحة جميلة جدا والوانها هادئة .. الصورة بريئة ^^

الحمد لله اعجبج التصميم ^^ .. هالنوع من الصور يسمونه chibi للشخصيات .. وانا عامل من هالنوع 3 خلفيات ان شاء الله راح اعرضها خلال هالاسبوعين ..

للعلم ^^ .. هذا هو شكل البنت بالانمي علشان محد يتلخبط بس :-


"وضعتها عندي باك جراوند على الديسك توب"
شكراً على المرور والرد واسعدني رضاج على التصميم .

- "Miss warble" -
"يووووه من زمان عن المنتدى ^^" .. إحم يلا نعمه اني دخلت اليوم لاني من بكره ببدأ الإختبارات"
لوول الله يعين .. .. عاد انا خلصت ومرتاح .. لا امتحانات ولاشي << نذاله
بس عاد لاتنسين المنتدى كثير ^_^ .. مري علينا اول ماتنتهين .. ناطرين منج تصميم وتخبرينا بالدواير الحمر الي جبتيها .

"مااعمري شفت هذا الانمي ولا افكر اشوفه بس عندي صور له من ناحية استخدامك للبن فهو متقن ماشاء الله .. مانقدر نعيب استاذنا فاينال فيها"
الانمي ممتاز بس تراه من 100 حلقة من جزئين ^^" .. بالنسبة للبن تول .. ^_^ , والله بدايتي معاه ماكانت بعيده ولو اي شخص مايعرفله يقرء دروس بسيطه ويروح يطبق على كم حاجه هو يحبها "مثل الانمي معاي" , وبالنهايه راح تكون اداة مفيده له بشكل كبير ^_^ .. وانا مازلت مبتدء فيها .. يمكن لان ماعندي الصبر الي يمتلكه المصممين الكبار بالبن تول ^^" .

"فاينال نطلع شوي فوق عندد الون البرتقالي كأنه اللون مو صافي"
هذا تأثير الـ Texture المستخدم ... لو شفتي التصميم بدونه راح يكون مسطح بشكل كبير >_< .. لذلك انا اضفت بعض التشويش على السماء والفضاء مما اعطى الغيوم شكل افضل واوضح ^_^ .

"الخط حلو و بس برضوه احس فيه شئ غلط لكن مره منااسب مع التصميم"
لاتذكريني بالخط xD .. دخلت موقع dafont صفحه صفحه يومها لاني خسرت الهارد دسك وكل الخطوط الي فيه >_< ..
استخدمت الخط لانه اقرب واحد كان لشكل التصميم بين الكثير من الخطوط الي نزلتها يومها ^^ .

"يعني لو تركز شوي بتلاحظ إنه في مشكله في الظلال لاحظ القصص الي نازله من البنت .. قربها لايوجد ظل !_! أنت صح سويت الظلال لكن مو لكل شئ يمكن مو مهم لكن مهم للمصمم اذا كان تصميم "
ماني فاهم ايش تقصدين بالقصص ^^" .. الملابس تقصدين ؟ .. لو على الملابس بصراحه انا كنت افكر يومها اغير ثيابها بشيء ثاني لكن الي كان ببالي مايليق على شخصية البنت بالانمي ^^" .. يمكن في مناطق كان ممكن اضيف لها ظلال .. مثل الورده على الصدر .. او المنطقه بين اليد والفستان .. معاج حق هنا ... مشكله وقت التعديلات محد اقترح علي هالشيء ومالاحظته ^_^ ... بركز على هالناحيه بالمرات الجايه ان شاء الله .

"لاحظ معايه الصور فيه غلط بالرسم"
ماهو غلط بالشكل ولكن نقص في اضافة بعض الالوان .. هنا كان في اكثر من مجموعة شعر ! .. وحده رايحه فوق ووحده تنتهي بالشعر نفسه .... ولكن بعد ماغيرت ستايل الشعر بالشكل النهائي قمت بأزاة جميع الخطوط بالشعر للحصول على الشكل الحالي الي فيه لمعه ^^" .... ما ادري اذا كان ينحسب خطأ او لاء .. لكن في نوع من الانسيابيه فيه اعتقد .. لكن دام يبان على انه خطأ .. راح اعيد رفع الصوره قريباً مع تعديلها ..^_^ .. طبعاً ماراح احرر الموضوع .. فقط بغير الصوره من موقعي وراح تتغير هنا تلقائياً .
"ياااااااي فاينال مره حركة الالوان كأنه شعرها ملفووف ماشاء الله"
الحمد لله نال على رضاج ^^ .. وشكراً على التواجد وابداء الراي .. استفدنا من رايج بشكل كبير ^_^ .

- "زعيم الإحساس" - "f.z" -
"وااااااو وش تبيني اقول روعه وابداع ولا ايش"
"روعه يا فنان"
شكراً على تواجدكم وان شاء الله الخلفية تكون بالمستوى المطلوب ^_^ .

وشـــــــــــــــــــــكراً

[dante-55]

إتقان منك أخي العزيز ..

الخلفيه رائــعه بل أكثر .. و الرسمــه أروع ..

الألوان جميلــه و كيوت , و الأشكال و الكتابه ..

كلــها رائـــعــه , لكن لاحظ التاج لو أزلت الإطار الأسود ..

و وضعت الأبيض , أتوقع راح يكون أحلى ..

لكن هذا أبداً ما راح ينقص من جمال الرسم .. شكراً لك

و لا تحرمنا أبداً ..

[FinalFantasy9]

كلــها رائـــعــه , لكن لاحظ التاج لو أزلت الإطار الأسود

عيونك هي الي روعه تسلم على كلامك .. لكن ايش تقصد بالتاج ؟ .. هل الفستان ؟ شفت التصميم مافيه مناطق سوداء الا على الفستان والوجه ^_^ .. بالنسبة للوجه فأظن انها طبيعيه .. لكن الفستان ممكن يتغير .. بس فوق ال 20 لير هالخطوط لوول .. كل خط تم بالبن تول وكلهم في set لوحدهم xD ..

بالنسبة لها انا بصراحه فكرت اغيرها بعد ما عملت الخلفية لان الدمج بينها وبين الستايل العام احسها ثقيله شوي .. لكن الكسل خلاني ما احولها للون الابيض واجرب :P .

لكن هذا أبداً ما راح ينقص من جمال الرسم .. شكراً لك

مرحبتين وتسلم على مرورك ورايك الطيب ^^ .

وشـــــــــــــــــــــكراً

[LooreenA]

السلام عليكم
كيف الحال فاينل، ووين هالغيبة الطويلة^^
الحمد لله على السلامة اول شيء ^.~
التصميم روعة، والألوان في تناسق جميل^^
واهم شيء الرسم: متقن ودقيق حتى التفاصيل
ولفت نظري تفصيلات الوان الشعر، ابدعت فيها ^.~
لكن عندي سؤال خارج الموضوع لو سمحت لي
اسم البطلة ايش^^ لأني ما شفت جاندام لحد الآن الا جزء مدبلج
وما اعتقد هو الجزء الوحيد صح؟ لذلك اود ات اعرف عدد اجزاءه لو سمحت، لأني ناوية انزله قريبا ان شاء الله^^"
شكرا فاينل، بالتوفيق لك^^

[The Imaginary]

السلامـ عليكمـ ...

رسمه كييووووت وخلفيه رووووعه
اعجبتني الرسمه كثييير لدرجه انها حمستني لتنفيذ مشروعي القادم "شخصيه خياليه كرتونيه "
ما عندي اي نقد ولكن اسجل اعجابي بلوحتك ^^
فلا تحرمنا جديدك ابدا

.: وفقك الله وسدد خطاك :.

[Empress uae]

و عليكم السلام و رحمة الله و بركاته


عاد فاينل يريد يقول أنه بريء بس ما يعرف كيف. التصميم تحفة و رهيب ما شاء الله.


الله يوفقك يا رب و إن شاء الله ما ننحرم من تواجدك الطيب. <<< أونها مراقبة القسم.

[dante-55]

عيونك هي الي روعه تسلم على كلامك .. لكن ايش تقصد بالتاج ؟ .. هل الفستان ؟ شفت التصميم مافيه مناطق سوداء الا على الفستان والوجه ^_^ .. بالنسبة للوجه فأظن انها طبيعيه .. لكن الفستان ممكن يتغير .. بس فوق ال 20 لير هالخطوط لوول .. كل خط تم بالبن تول وكلهم في set لوحدهم xD ..

بالنسبة لها انا بصراحه فكرت اغيرها بعد ما عملت الخلفية لان الدمج بينها وبين الستايل العام احسها ثقيله شوي .. لكن الكسل خلاني ما احولها للون الابيض واجرب :P .

مرحبتين وتسلم على مرورك ورايك الطيب ^^ .

وشـــــــــــــــــــــكراً

لول .. كنت اقصد التاج الذهبي

[FinalFantasy9]

وعليكم السلام ورحمة الله وبركاته ..

"LooReenA"

"كيف الحال فاينل، ووين هالغيبة الطويلة^^"
موجود ان شاء الله ^_^ .. الوقت ضيق شوي وليما اشيك على كل المواضيع الجديده وبعض المواضيع القديمه بالقسم وامر على قسم الانمي والبلاي ستيشن والاخبار والعام والشكاوي والمراقبين يكون الوقت خلص لوول xD .

"التصميم روعة، والألوان في تناسق جميل^^
واهم شيء الرسم: متقن ودقيق حتى التفاصيل
ولفت نظري تفصيلات الوان الشعر، ابدعت فيها ^.~"
ثانكيو .. الحمد لله نال على رضاج وان شاء الله احاول اتجنب الاخطاء بالمرات القادمه .

"اسم البطلة ايش^^ لأني ما شفت جاندام لحد الآن الا جزء مدبلج وما اعتقد هو الجزء الوحيد صح؟"
شوفي الاسم بأسفل الشخصية .. بتلاقين Lacus Clyne ^_^ .. تراها عندها شعبيه مو طبيعيه xD , انا يوم عرضت هالخلفيه بمنتدى فوتوشوب متخصص بالانمي وصلت الردود اكثر من 50 رد من 50 شخص مختلف (لان مايصير ترد مرتين على نفس الموضوع << خوش نظام xD) .. طبعاً خلفية انمي Bleach لي بعرضها قريب هي الي حطمت حتجز ال 100 رد بأقل من اسبوع xD ..

نرجع لموضوعنا لوول .. الانمي Gundam Seed .. هو احد اجزاء سلسلة جندام الطويله xD .. لكن اشهر جزئين هم سييد و وينج ..

جندام سييد من 100 حلقة عباره عن جزئين .. الاول روعه بشكل مو طبيعي خخخ .. الثاني ممتاز بعد بس الاول احلى xD .. الاثنين طبعاً يتبعون قصة واحده ونفس الشخصيات .

الانمي بشكل عام ممتاز وانا بعد مانزلت ال100 حلقة ادمنت عليه بشكل مو طبيعي لوول .

------------------------------------------

"The Imaginary"

"اعجبتني الرسمه كثييير لدرجه انها حمستني لتنفيذ مشروعي القادم "شخصيه خياليه كرتونيه ""
:] .. ممتاز .. شخصيات الانمي بصراحه هي الوحيده الي لقيت فيها المتعه الاكبر بالتصميم معاها ^^ .. طبعاً بمعظم الاحيان اعيد الرسم بالكامل وحالياً طالع بموظة ال chibis لوول .. وهي مثل هالتصميم .. يلى ننتظر منج القادم وشكراً على رايج والمشاركه ^__^ .

------------------------------------------

"Empress uae"
"عاد فاينل يريد يقول أنه بريء بس ما يعرف كيف. التصميم تحفة و رهيب ما شاء الله"
لوول .. الله يسلمج البراءة تنقط مني .. احب اشتغل على التصاميم الي تفرح بصراحه ^_^ .. يعني الخلط بين الانمي والكيوتنس احسها مزيج روعه بالنسبة لي xD .. شكراً على المرور والرد ^_^ .

------------------------------------------

"dante-55"

"لول .. كنت اقصد التاج الذهبي"
حرام عليك هالدبوس الصغير تسميه تاج .. خخخخ ضيعتني وانا ادور قلت بمكن هذي كلمه سعوديه او شي كذا xD .. الدبوس (مشباص) الي بالشعر بالتصميم الاصلي كان الخط اكبر بصراحه واللون اقوى وانا خففته وعدلته بنسخة المنتدى .. وترى بالفعل انا ماني مرتاح مع اللون الاسود 100% لكن جربت الابيض وما نفع xD .. كان ممكن تخفيف خطوط البن تول بالخط هناك بشكل اكبر .. يلى حصل خير xD .. وتسلم على مرورك ^^ .. الملاحظه وصلت .

وشـــــــــــــــــــــكراً