الوضع ما ينسكت عليه (ارتفاع اللاتنسي في الامارات)

[G.Hussain]

السلام عليكم
اعتقد الكل حاليا صار يواجه مشكلة ارتفاع اللاتنسي بغض النظر عن سرعة الاشتراك عنده. انا عندي شامل 512 و البينغ عندي 600-800 رغم انه كان دايما اخضر او أخضر فاتح و بعد اسبوع العيد راح فيها....


الحين نريد جواب نهائي هل الوضع هذا مؤقت و لا بيظل على طول
انا ارسلت رسالة للاتصالات و ردو علي و قالو لي المعلومات غير كافية فعشان اعلمهم الادب بعمل تريس روت و بكتب قصة حياتي و بشوف أخر الكذب اللي معاهم....

ارجو من الجميع بعد اذا عندهم معلومات او شي يفيدنا حول المشكلة هذي لا يبخل بالرد.............

علما باني جربت برنامج free cap و لا نفع عندي البنغ لا يطاق بصراحةة و الله قهر.

ارجو الرد

[Orgrimmar]

خطوط اتصالات ليست لالعاب الاونلاين

راح تلاقي مناطق البنق فيها 250 و مناطق 700 وفوق و السبب الخطوط القديمه جدا واللي هي نفسها للهاتف لا و ابشرك لما تفتح Du راح تستخدم نفس هذي الخطوط

صدقني ومن تجربه انا اشتركت في الشامل في اول شهر نزل من سنوات و لين الحين نفس الشي ارسلت رسائل و ايميلات و في النهايه الحال مثل قبل مافي شي تغير

فلا تتعب نفسك وراح تتعود على اللاج

[Azerothian]

أي خطوط ؟!

انا الاتصال كان عندي عسل وبعد العيد زفت
كلمت اتصالات اكثر من مره واخرتها قالوا لي ارسل ايميل بالمعلومات (تريس، الاسم، رقم الحساب...إلخ)
وارسلت لهم وماردوا علي وبعد اسبوع كلمتهم وقالوا لي ارسل على ايميل ثاني مع ان الإيميلات نفسها حقت اتصالات
1- help@emirates.net.ae
2- help@eim.ae
وما استلمت الرد لين الحين،،، بعد اليوم بكلمهم واشوف الكذبه الجديده

[G.Hussain]

خطوط اتصالات ليست لالعاب الاونلاين

راح تلاقي مناطق البنق فيها 250 و مناطق 700 وفوق و السبب الخطوط القديمه جدا واللي هي نفسها للهاتف لا و ابشرك لما تفتح Du راح تستخدم نفس هذي الخطوط

صدقني ومن تجربه انا اشتركت في الشامل في اول شهر نزل من سنوات و لين الحين نفس الشي ارسلت رسائل و ايميلات و في النهايه الحال مثل قبل مافي شي تغير

فلا تتعب نفسك وراح تتعود على اللاج

مرحبتين اخوي


يا أخي الخطوط ما لها علاقة اللي يسمعك يقول دولة الامارات صارلها 1800 سنة..........الخطوط جديدة و المنطقة اللي احنا ساكنين فيها جديدة بعد ...........

ي خطوط ؟!

انا الاتصال كان عندي عسل وبعد العيد زفت
كلمت اتصالات اكثر من مره واخرتها قالوا لي ارسل ايميل بالمعلومات (تريس، الاسم، رقم الحساب...إلخ)
وارسلت لهم وماردوا علي وبعد اسبوع كلمتهم وقالوا لي ارسل على ايميل ثاني مع ان الإيميلات نفسها حقت اتصالات
1- help@emirates.net.ae
2- help@eim.ae
وما استلمت الرد لين الحين،،، بعد اليوم بكلمهم واشوف الكذبه الجديده

مثل قصتي بالضبط..............قبل العيد كان الاتصال فنان و لا ادري عن شي اسمه لاتنسي او بنغ..............المسألة بدأت مع العيد ارتفع الي 2000ms و بعد العيد انخفض لكن انخفض بدل ما يرجع 200-300 مثل الأول صار 600-800 و مرات فوق بعد.................راجعت موقع الاتصالات ايام العيد كاتبين في صيانة في الخطوط الدولية............اول مرو اشوف صيانة تخرب الدنيا كلها بصراحة

انا بسوي نفس الشي و بطرش التريس روت بعد و بشوف شو الموضوع ........... و خلك ورا الكذب الى عتبة الباب

[العوق]

لاتعب نفسك انا ارسلت حول 30 تريس روت ونفس المشكلة مع انه قبل كان الاق حلو بس مادري شو صار وعندي بين 700-900
وكم ارسلت واتصلت وحاولت لكن لاحياة لمن تنادي وعلى فكرة هذا بيكون ردهم لك بعد ماطرش كل البيانات
اتضح لنا ان التريس روت لايوجد به اي خلل وسليم ربما المشكله من السيرفر اللى انت تشبك فيه
المهم هذا كان ردهم علي طرشت نفس التريس روت لبلزارد قالت لا العيب من عندكم لانه يتم فقد كثير من البيانات خلال مرحلة الاتصال بالسيرفر بس جرب الفري كاب تره يظبط بعض الاحيان انا الحينه اكتب والبنق عندي 360 بس احيانا يخرف جربه وان شاءالله يفيدك

[SoulReaper]

سرعة الاتصال عندي 2 ام بي والله ونفسكم 600-800 هذا اذا مايروح 1000 بعض الاوقات

[صلاح9]

انا كان مرتفع عندي وبعدين ضبط الوضع الان وبعت اللعبه على طول


العب BF2 على 120 بسيرفر ايطالي

[NIGHT PANTHER]

اتصلت بالاتصالات امس وقالولي ارسل لنا ايميل بالتريس روت والخرابيط
وفالك طيب

بس دامكم رسلتو ومحد رد عليكم
خلوها على الله

البنق عندنا في الامارات من عقب العيد
خيالي

600-800

[Orgrimmar]

انا لما اتكلمت عن الخطوط لاني امجرب هذا الشي

اذا قمت و نزلت على سبيل المثال 10 افلام مره وحده عن طريق التورنت بعد حوالي 3 الى 5 ساعات راح يكون الخط عندي داون و لازم اتصل في اتصالات على شان يطرشون الفني للمقسم يصلخ الخط

انا جربت اكثر من مره و كلمت اكثر من واحد من ربعي في اتصالات وهم اللي عطوني هذي المعلومات مب من عندي

انا عندي 2MB و اللاتنسي 700 و ربيعي في منطقه ثانيه عنده 512MB و اللاتنسي 200 او 250

اللي يصير انه المنطقه اللي انا فيها عدد المشتركين في الانترنت كبير و في ضغط كبير على المقسم اللي المفروض اتصالات عملتنه يتحمل عدد المشتركين فيه بس للاسف OVER LOAD