ما رأيكم بهذه الكاميرا؟

[abc]

السـلام عليكم

أرغب في اقتناء كاميرا شخصية ديجيتال طبعاً

شوفوا هالكاميرا وقولوا لي وش رايكم




ومواصفاتها هنا

[abc]

29

زائر

ولا رد

[goldenglow]

اشترى لك كاميرا سوني سايبر شوت 10 ميجا بيكسل

[جبال السراة]

يا خوى طيب عطنا مواصفات الكاميرا لانها ما بتبين بالصوره

[abc]

مشكورين يا جماعة

انا كاتب لكم رابط فيه المواصفات اضغط عليه في اول مشاركة

[q8tya]

و عليكم السلام ورحمة الله وبركاته ..

مواصفات الكاميرة حلوه .. و الأهم فيها الوضع اليديوي للتصوير+20 وضع آخر .. بداية الاحتراف مع الوضع اليدوي و الأوضاع الثانية حلوه !! أشياء أول مرة أشوفها مثل تغير اللون

8 ميجا بكسل + 4X زوم بصري و 16X الزوم الكلي .. ممتاز .. تقدر تطبع الصور كبيرة (( أكبر من A3 تقريباً)) و بدقة عالية

ال ISO Auto, 80 ,100, 200, 400, 800 .. مدى كبير بالنسبة لكاميرة غير احترافيه !

ميزة Print/Share Button للطباعة السريع ..

---------------------------

و الأهم أن سعرها ممتاز بالنسبة لمواصفاتها (( من وجهة نظري ! ))

بس اخوي يحبذ انك تدور ناس مجربينها و تسألهم .. مواصفاتها رااائعة .. بس يمكن يكون فيها أشياء ما تكتشف إلا بالتجربه .. فابحث عن ال reviews ..

في الموقع اللي حطيته في 14 واحد .. اخذ فكرة



بالتوفيق

[فيلسوفة زمانها]

واصفات الكاميرة حلوه .. و الأهم فيها الوضع اليديوي للتصوير+20 وضع آخر .. بداية الاحتراف مع الوضع اليدوي و الأوضاع الثانية حلوه !! أشياء أول مرة أشوفها مثل تغير اللون

ممكن تشرح بالتفصيل ايش معناة هذا ؟ << أبي أتعلم

[جبال السراة]

ـــــــــــ باختصار التصوير ايام زمان كان صعب لانه اوضاع الكاميرات يدويه فقط اما الان مع الكاميرات الرقميه اوضاع يدويه و اوتوماتيكيه في نفس الوقت ,,,,,,,,هذه الاوضاع مثل (التعريض) كمية الضوء الداخل للصوره في الكاميرا يمكن تحديده يدويا او اوتوماتيكيا ولكل منهم مميزاته ومساوئه,,,,,,,,يعني اللى يبغا يحترف التصوير صح يحط الكاميرا على الوضع اليدوي واللى هاوي التصوير بس يحط الكاميرا على الوضع الاوتوماتيكي.
ان شاء الله تكوني استفدت

[فيلسوفة زمانها]

مشكور أخوي وجزاك الله ألف خير , أستفدت و الحمدلله ^^

[q8tya]

أهلين اختي ..

أولاً: أعتذر عن التأخير ..

ثانياً: احيي فيج هذا الرغبة في التعلم

أبي أتعلم

بالنسبة للشرح ..

ماقصر الأخ mmzzz شرح الوضع اليدوي ..

أما بالنسبة لل 20 وضع اللي ذكرتهم في ردي السابق اهما من النوع الاوتوماتيكي .. بمعنى .. ان الكاميرة مضبطة الاعدادات لتصوير شي معين مثل التصوير الليلي أو تصوير المناظر الطبيعية أو الألعاب الناريه ... الخ .. وهذا يفيد اللي يبي يصور بدون مايعرف بالتصوير أو طرأ شي عاجل و ماعنده وقت يضبط الاعدادات ..

و مثل ما قال الأخ mmzzz

يعني اللى يبغا يحترف التصوير صح يحط الكاميرا على الوضع اليدوي واللى هاوي التصوير بس يحط الكاميرا على الوضع الاوتوماتيكي.

أتمنى ان اكون ضفت شي يديد إلى معلوماتج ..