رأيكم في جهازي اليل طلبته بس بقى الوصول ^_^

[Nerf]

السلام عليكم

طلبت جهاز جديد من يومين وابي رأيكم فيه وانا بعيطكم رأيي فيه اول ما يوصل ان شاء الله

وياليت محد يسأل عن التكلفه

لأني مب انا اللي بدفع وموضوع طويل ههههه

المهم هاذي المواصفات من موقع الطلب




شرايكم

وفي امان الله

[Baraa]

السلام عليكم ..
بصراحة جهاز هو الأقوى والأغلى ..
لا تعليق .. مبروك أخي وبإذن الله تتهنى به ..
ولكن فور وصوله لك نتمنى أن تأتينا ببعض الصور للقطع والجهاز حتى نرى شكله ..
------------------------------------------

[Nerf]

شكرا لك اخي قيمر علي الاطراء

ان شاء الله فور وصوله اقوم بتصويره

[codon]

على البركه الجهاز أخوي بس ممكن تسوي أب لود للصور في موقع ثاني لأن الموقع هذا محجوب في السعوديه لا هنت

[الهداف1]

واااااااااااااااااااو

اللف مبروووووووووووووك
ما شاء الله تبارك الله
جهاز جبار الله يعطيك خيره و يكفيك شره

لكن قولي من اي موقع طلبتة و كيفية عملية التوصيل و الدفع

[AL-Samurai]

السلام عليكم ورحمة الله وبركاتة


بصراحة اخوي ماشاء الله جهازك رائع


وألف مبروك


تحيتي

/)/)/)

[wael_yemen]

ما يحتاج تقول التكلفة معروفة 15 ألف درهم اماراتي

[الجني اللعوب]

مبروك وانصحك تجرب لعبة اوبليفيون ترى الرسم فيها قوي

[amajed]

طيب يا شباب واحد يرفق الصورة خل نشوف

ومبروك اخوي ، يتربى في عزك ^^

[Nerf]

شكرا لكم اخوتي علي الاطراء ومروركم الكريم

وائل اليمن سعرك طيب هههههه

وبالنسبه للي ماتظهر لهم الصوره هذا رابط ثاني

الدفع money order من امريكا نفسها قلت لكم مب انا اللي بدفع والشحن مع اخوي بيوصل ^_^

[codon]

ألف ألف مبروك أخوي الله يعطيك خيره ويكفيك شره

[DJ CLUE]

ابارك لك على الجهاز وهو قريب جدا هذا اذا ما كان الجهاز اللي انا ادور عنه
بس السعر اعتقد انه مب اقل من 18 الف درهم بس تخمين لأني ما سويت بحث للأسعار بس الله يعطيك خيره ويكفيك شره ولا تنسى الشباب وانا بالصور

[Dapoo]

جهاز روعة وبيكفيك 6 سنين اذا كنت قنوع وسنة اذا كنت تهتم في كل جديد خصوصا ان الواحد يحس ان شركات صناعة البروسيسرات وكروت الشاشة وكأنها راكبة كونكورد

وبالنسبة للسعر مب مهم ومبروك على الجهاز بس ياريت تقولي من اللي دفعلك عشان يدفع للبقية يااااااخي

[Gentleman]

ما شاء الله جهازك روعه وفوق المطلوب ..

يا ليت لو تقولنه عن تجربتك معاه خصوصا في الالعاب وفي دقة عرض 1600x1200 ان كانت الشاشه تدعمها ..

ومبروك عليك الجهاز .. ويعطيك خيره ويكفيك شره ..

وشكرا ..

[MaGn.ae]

ما شاء الله مواصفات اكثر من رائعة ..

وما اظني شي لعبة بتقولك لو سمحت خفض على الخصائص ..

---

الله يهنيك فيه يارب ..