بسم الله الرحمن الرحيم
الحمد لله رب العالمين والصلاة والسلام على سيد المرسلين وعلى آله وصحبه أجمعين وبعد:-
كيفكم يالربع كيف الدنيا معاكم كيف الأهل والعيال...الخ > ------ وش يبي ذا 
يا شباب بينما أنا جالس جت براسي فكره بس إيش حاجه غير طبيعية 
طبعاً كلنا نعرف أنه فيه بهذا المنتدى بلابل ما شاء الله تبارك الله عليهم بس المشكلة أنه ما أحد يعرف عن موهبتهم الكثير 
لذا فكرت أحط هذا الموضوع وفكرة الموضوع تقوم على أنه كل عضو يدش ويقلد صوت القارئ المفضل لديه
وإذا يقدر(مو ضروري) يحطلنا رابط بصوت الشيخ الي هو يقلده يكون زين
وأرجو من الجميع التفاعل يعني والله ثم والله الي ما أشوف إسمه بالموضوع بيكون شغله معي 
مين ما كان مراقب ولا غيره عاد يالله عاد بلا دلع صوتي مو حلو صوتي يخرع وش ذا الكلام ترانا إخوان وما بينا شيء (هذا الرد مقدماً لبعض الأعضاء ^^) وعلى فكره الي يعرف يقلد مؤذن ولا منشد ما فيه مانع نستقبله بعد (صار جمع تبرعات 
) يعني بالعربي الفصيح أي شيء إسلامي سواءً قرآن ولا أذان ولا إنشاد الله يحيكم
شوفوا تكفى ترى تكفى تهز الرجاجيل لولا ظروف الوقت ما قلت تكفى
(إلك ولا للذيب بلهجة بعض الإخوان ^^)(سبع ولا ضبع بلهجة أخوان آخرين ^^)
وتراني رميت الغترة والعقال خلاص مافيه عذر ما يصير تردوني
شكلي طولت الهذر على العموم يللا عاد نبي مشاركه 
وآخر دعوانا أن الحمد لله رب العالمين وسلامٌ على المرسلين
وصلي اللهم وسلم وبارك على نبينا محمدٍ وعلى آله وصحبه أجمعين
والسلام عليكم ورحمة الله وبركاته
إدخل وورينا موهبتك في التقليد ^^
<< المهم أعتقد لو تخلي المجال مفتوح أحسن يعني تقلد أو تبتكر>>علقت على تبتكر
المشاركة الأصلية كتبت بواسطة أبو البراء
<<واحد مسوي زعلان وما راح يرضى<<
<<<
<---(أما عاد هذي من علوم الرجال