هلا بكل الشباب و البنات
، من حوالي شهرين ما نزلت موضوع ، اتمنى الموضوع يعجبكم
$$**--TiTaN و جاره العجيب--**$$
___________________________________________
$$**--الشخصيات : --**$$
TiTaN
البطل الحكيم ، و هو شاب عادي ، يقضي حياته في إستعمال النت و الدراسة
و سماع تهزيئات أبوه
محمد
واحد من أصحاب تاتين ، يميل للنصح و ولد مؤدب
عزوز
صاحب تاني ، واحد يميل للصراحة و ما يجامل أحد
إلا البنات طبعا
خالد
واحد أنضم للشلة من فترة ، ما أعرف عنه شي كتير
___________________________________________
$$**--الفصل الأول--**$$
صحيت كالعادة على المنبه البشري ، المعروف أيضا بإسم أختي
"أصحى يا طلال الله يخليك"
رديت :"لا"<< تحطيم
"طييييييب ، دحين تشوف " << راحت تجيب مساعدة خارجية
رديت " طز"
و فجأة !
" بتقول طز على مين يا واد؟"
رديت " أمي ! ، صباح الخير " << فين راحت طز
امي : "يالله قوم بكرامتك"
رديت " ابشري !!" << خاف الواد
قمت و سويت طقوس الصباح (حمام ، فطور ، سيجارة حشيش )
و يالله نبدأ الكرف ، بتسأل إيش الكرف ؟ الثانوية طبعا
و انا خارج شفت جاري جون العسيري << كيف جات ، ما أدري
سلمت عليه زي العادة ، و أحب أقول إن جاري دا عنده شخصية فريدة
حتى تصدقوا عنده خشم << الله يفشل اليهود ، هدا هو الشي الفريد
خليني أوصفلك هو
خشمه كبير و هو قصير و عنده كرش كبير << شاعر
المهم ركبت السيارة عشان أروح غرفة التعذيب المسماة بالمدرسة
في المدرسة :
تايتن : "شباب ، أبغى أصارحكم بشي "
محمد : "قول"
تايتن : " أنا أبغى اتزوج "
عزوز : " لا ، لساعك صغير أهبل "
محمد : " الصياعة و الزواج ما ينفعوا مع بعض "
عمر : "بطل تحشيش أول "
تايتن : " الله يلعن أشكالكم ، و أنا أحسب حتشجعوني ، عساكم البلى "
محمد : " قول إللي نبغاه ، رأينا ثابت "
تايتن : "وجع في شكلك "
بعد المدرسة :
رجعت البيت ، و وقفت السيارة و نزلت ، و أنا طالع البيت لقيت جاري حك سيارتي
و أنا ما كثرت كلام ، بصفتي الحاك الرسمي لسيارات العيلة << يا ما حكيت سيارات و سامحوني
عشان كدا سكت و ما كثرت كلام لكن جاري جون شاف إني غلطان لسبب ما
جون : "يا حيوان شوف إيش سويت ؟"
و أنا لمن اكون غلطان أسكت و ما أكثر كلام ، لكن في المرة دي أنا حتى مني في السيارة
تايتن: " ما في حيوان غيرك ، إنت مخبول ؟ السيارة موقفة و إنت تقول انا غلطان ؟
جون :"أسكت أحسلك دحين لا أكلم الشرطة"
تايتن : " كلم "
و فجأة ، حسيت إني غيرت رأيي ، انا غلطان أنا غلطان
الفكرة جلست تلف براسي
إيش سار لي ؟ دوبي كنت حاسس إني صح !
تايتن : " أسف ، انا غلطان ، لو سمحت سامحني "
جون : " إيوا كدا ، يالله أنقلع "
تايتن : " حاضر"
طلعت بيتي ، حاجة غريبة حصلت لي ، إيش بالظبط ما أدري
أنا كان معايا حق !
لا لا كنت غلطان
إيش سار في راسي ؟؟؟؟؟؟!!!!!!!!!!!!!!
___________________________________________
$$**--الفصل التاني --**$$
دوبي خلصت مذاكرة ! أخييييييييييييييييرا
يالله خرجة خرجة !!
و انا نازل ، شفت واحد من جيراني بيتضارب مع جاري جون علي شغلة
مدري ليش حسيت أنو لازم أتخبى و ما أخليه يشوفني
و سار شئ غريب جاري كان بيصرخ على جون و يتضارب
و فجأة قرر إنه يعتذر !
هو جاري جون قد كدا مقنع ؟ !
مدري و الله و مو مهم !
أنا رايح مقهى شبكة !
رحت هناك و قابلنا الشلة .
و انا هناك بعد شوية لعب و شوية تهزئ
و بعد حوالي 12 ساعة << مجانين
و رحنا ناكل
و أنا بأكل :
تايتن : "يا واد اليوم فلة !"
محمد : "عشانك فايز بس ، لو كنت هزأتك زي المرة اللي راحت ما كنت قلت كدا ."
تايتن :" اللي فات مات "<< أحلى قاعدة لمن تكون فايز
عزوز : "يا واد تصدق أمس و انا قاعد بلا بلا بلا" << كله مشفر عن البنات
تايتن : "نيسلتبنلقشنقحخفخلبطبملومكلتسنمبتك" << رديت عليه ، و و برضه مشفر
محمد : "أقول شباب ، قفلوا الموضوع دا لو سمحتوا ."
تايتن :" طيب ... ، اقول شباب انا لازم امشي ، بكرة عندي شغلة ."
محمد : "مسوي مهم إنت و وجهك ، اقعد لا أفقعك "
تايتن : "روق يا واد دحين لا امسح بيك البلاط "<< الصداقة الحقيقية
يالله سلاااام ؟
الشلة :" سلام ".
بعد ما رجعت البيت ، طلعت غرفتي و جلست على النت شوية و بعدها ، أفتكرت إن عمي جا اليوم
، إذن أكيد في ما لا يقل عن 10 جرايد عند الوالد ، يالله نروح غرفته
و أنا بأخذها طاح على راسي الرف كله
قلت : " إيش دا ، أبويا مشتري من نفس الكتاب 5 ؟ "
و انا بأتكلم طاح فوق راسي الكاتب الأخير ، عشان أكتشف إني كنت بس مضيع و إن في كتاب واحد ، لكن خبطات الراس هدا هو تأثيرها
المهم ، العنوان جذبني ، أخدته .
و المهم ، قعدت لأقرأ فيه إللين خلصت نصه
الكتاب كله عن الرجال المخبول إللي يسوي زي الحركات اللي كان الشباب يسونها من 20 سنة ،
بأتكلم عن المخابيل إللي كانوا يشتري الغرا و يجلس يشم فيه إللي ينخبل ، الحمدلله دحين الواحد ما يحتاج غراء ، الله يخلي الحشيش
المهم الرجال كان يسوي الحركة دي يقوم يخرج من جسمه و يسافر عبر الأراضي
و كمان عن داك الروسي إللي كان يقدر يقرأ الأفكار و يؤثر على عقول الناس << فضيحة
لحظة ! يؤثر على إيش ؟ !!<< و معاها موسيقى زي موسيقى الأهبل لمن يصحى
___________________________________________
رجاء شباب لحد يرد ، ابغى انزل الجزء الثاني
المشاركة الأصلية كتبت بواسطة الاستفزازي
