نصيحة

[MS_BOSS]

هل تنصحوني بشراة بي اس 2 + ميموري +2 يد +2سيدي+قطعة
كوبي وجيم شارك ب 1750 ريال (النظام امريكي)

[CV XBLOOD]

أحسنلك تنتظر شوي ، وإذا تبي النصيحه خذ النظام الأوروبي PAL ، بـ 999 ريال ، والجيم شارك ما أنصحك فيه ، لأنه يخرب الجهاز وصارت مع واحد أعرفه ، وإشتري الأشرطه الأصليه وبس ،،، علشان كذا أولك إنتظر شوي لا تستعجل الجهاز والأشرطه قاعده تنزل أسعارها :واو: ،، والألعاب تنزل وتتطور ، الرجاء الإنتظار .

[MS_BOSS]

شكرا لك ولكن متى تتوقع ينزل سعره ومن اي محل بالرياض؟

[CV XBLOOD]

بالنسبه لمتى بينزل سعره فأنا ما أعرف بالضبط ، ولكن أنا كل فتره أوح وألفلف على المحلات وأشوف أرخص سعر .

أحسن محل بالرياض (( أسواق البطحاء )) تروح هناك وتدوخ من كثر ما تلقى حاجات حلوه ، أما بالنسبة للسعر أي واحد يعطيق سعر قوله لأ ،، حاول معاه لمن يعطيك السعر إلي تبغاه

[gamemasterجيم ماستر]

يا اخ CV XBLOOD

يعنى الوقت الحالى هو وقت دخول اجازات والعيد
متى تريده يشترى!!!!

صدقنى الان مافى نزول با الاسعار ممكن العكس إذا بدأت الاجهزه تخلص من الاسواق سوف ترى كل واحد مزود با السعر

لذالك الوقت الان هو افضل وقت للشراء وبعد اسبوع او اسبوعين راح يكون من الصعب ان تجد احد يخفض لك السعر كما تريد

وعلى سالفه الانظمه خد النظام الامريكى فهو الافضل هذا إن كنت تريد العاب قويه وجديده اول باول

والله الموفق

[CV XBLOOD]

يا أخي (( gamemaster )) ، لا تنسى في الأعياد والإجازات يرفعون الأسعار .

بعدين أنا مش مستعجل عليه ، رفعوه اليوم بنزلوه بكره ،، أما بالنسبة للنظام فأنت غلطان ، الأوروبي PAL
هو الأحسن ، خذ هذه النواحي :
1 - إذا كنت تبغى الألعاب الجديده فانتظر للسنة القادمة بتنزل ألعاب جديده ورخيصه بالإضافة إلى نزول سعر الجهاز .
2 - أنا لا أهتم باللعب فقط ، طيب لو خرب عليك الجهاز وين توديه ؟؟؟ فالأحسن خذ نظام المنطقة التابع لها ،
علشان الدعم الفني .

[CV XBLOOD]

يمكن سلسلة ريزدنت إيفل ترجع على البلاي ستيشن 2 السنه الجايه

[ستيف بورنسايد]

انت ما تدري يا اخ CV XBLOOD ان سلسلة ريزدنت ايقل محصورة على الجيم كيوب لمدة خمس سنوات
الله يلعن العقد الي وقعته CAPCOM

[CV XBLOOD]

يمكن يتزاعلون

[the slayer]

مع الاسف ريزدنت ايفل للكيوب
بس

























سكويرسوفت للسوني 2 ":"

[DARK WOLF]

ياأخMS_BOSS أنا شريت

كلللللللللللللل اللي تقول


1450 ريال بسسسسسس

[MS_BOSS]

والله انا مليت من الانتظار وزهقت الدريم كاست وال بي اس 1
لذلك قررت الاسراع فس شرائه ولكن حيرتوني مين الافضل
الامريكي ولا البال لان هذا الشي ما يقدر الواحد يندم عليه بعد الشراء
وشكرا

[CV XBLOOD]

يا أخي (( MS_BOSS )) إذا كنت مستعجل على الألعاب وضحي بالدعم الفني للجهاز خذ NTSC (( النظام الأمريكي ))


أما إذا كنت مهتم بالدعم ومنت مستعجل على الألعاب بسرعة فخذ PAL (( النظام الأوروبي )) أضمنلك 100 % ... وهذا آخر كلام عندي والقرار راجع لك .