-
خســـارة
السلام عليكم ورحمة الله وبركاتة
كيفكم عساكم بخير
هذي قصيدة أعجبتني وياليت تقرونها وتعطوني رايكم
ياما عطيناكم ولا بـان معروف
وياما شريناكم وذقنا الخسارة
وياما سكنتم داخل القلب والشوف
والفكر يذكركم بليله ونهاره
واليوم صرتوا جمرة داخل الجوف
والنار سبتها ترى من شرارة
والله بدية أحس مـن حبك خوف
والقلب لـو أنه يعدل مساره
لجلك أنا صديت نجـلا معا نوف
ولجلك رفضت أحب نورة وسارة
ولا خطيت أجيك خجل(ن)ومكسوف
وأنتوا خطاكم مايجينا أعتذاره
ولا دعيت أجيك أركض وملهوف
وأنت تمنيني سنـة بزيارة
والوضع صار اليوم وياك مكشوف
والكذب ماعاد تجني ثمارة
ما ينفع ذا اليوم دمعات وحلوف
قلبي حلفت أني لا رد اعتباره
والله لذلك ذل يازيـن وتشـوف
بعيونك الحلوة معنى الحقارة
وجرعك كاس الندامة ولا روف
وشفاهك العذبة تذوق المرارة
وصفعك كف واتبعه عدة كفوف
وتعيش بظلمي وتكويك نـاره
حتى يصير الوضع واضح ومعروف
أني محال ارضى ابد بالخسارة
أنشاء الله أعجبتكم وأنشاء الله الجاي أحسن
-
رد: خســـارة
قصيدة جميلة .. تسلم على وضعها
"ما ينفع ذا اليوم دمعات وحلوف
قلبي حلفت أني لا رد اعتباره"
اعجبتي قوة البيت هذا رغم اني لا اتفق من المقصود
صح لسان قايلها ويسلم ذوقك
بس لو تكمل معروفك وتعطينا اسم الشاعر
يعطيك العافية وبالتوفيق
بدر
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
