>> ما خاب من أستشار <<<<

[kokoooo]

السلام عليكم

يا إخوان أنا نويت بإذن الله اشتري لكزس ES350
















ولكن نبي مساعدة أهل الخبره والتجارب هل السياره منها مشاكل لأن هذا أول موديل لي السياره أخاف يكون فيها مشاكل مخفيه أو ظاهره





فهل تنصحوني بارك الله فيكم نتوكل على الله





وإلا نصبر على بداية 2008 ممكن ينزلون السقف البانورامي ( فتحتين في السقف ) وإلا هذا مافي أمل عبداللطيف ينزل هالنوعيه عندنا .... يعني هل تتوقعون 2008 تكون في إضافات مميزه لها

[MR.أستبنه]

اخوي
السياره جديده
يعني الناس ما لحقت تكتشف وش فيها وش مافيها
لكن الجيل السابق ما كان فيه مشاكل ولا عيوب
يعني تفائل بالخير اخوي
وما انصحك تنتظر اذا انت مو متأكد وش راح يصير عام 2008

[انتقام]

السياره ممتازه
محرك 6 سلندر
سعه 3.5
272 حصان
وتسارع من 0 إلى 100 كلم خلال 6,8 ثانية. وهو يعتبر أقوى محرك في فئتها على الاطلاق
واللكزس ماحد يعيبه...

[kokoooo]

يعطيكم العافيه شباب

وإذا أحد عنده نصيحه أو رأي لا يحرمنا

[TERBO]

هلا والله اخوي

اول شي انها صغيرة

ثاني شي عندك الي هو قطع الغيار ؟؟ ناااار

لو تقارنها بالأفالون تيوتا وقطع الغيار متوفرة ورخيصه وشكل حلوووو ورزه

واتمنى انك ماتزعل وتشوف وش احسن شي لك وتاخذه وانا عطيتك رايي

[MR.أستبنه]

لو سمحتو يا شباب
ما نبي ردود من غير اي ادنى علم
اخوي انتقام
كيف اقوى محرك في فئتها
محرك النيسات VQ قوته بحدود 290 حصان وحاصل على جوائز عالميه في الفئه
اخوي تيربو الرجال ما سأل عن حجم السياره او تكاليفها
وبعدين يا اخوي تكاليف قطع غيار لكزس قريبه من تويوتا والفرق بسيط
يعني لا تقارن بغيرها من السيارات الفخمه مثل المرسيدس او البي ام دبليو