موعد في الكافيه .!!

[الدماني]

السلام عليكم ورحمة الله وبركاته

مبارك عليكم العشر من ذي الحجة وعيد الاضحى ... واللي صايم الله يتقبل منه ....

واللي رايح الحج ربي يتقبل منه ويرجعه لأهلة سالم يا رب ....

الموضوع ... والسالفة ... صراحة ترددت اكتبها ... ما أدري ... يمكن صارت شي عادي ...

((بنت تعزمها ربيعتها في الكافية .... يتواعدن في الساعة الفلانية .. بنات نشوف بعض في

الكافيه ..!!!!!)) ... الكل يقول ... يوم كنت جالسة في الكافيه ... يوم قابلت ربيعاتي في

الكوفي شوب .... هالأمر من كم سنة .. كان من المحرمات .. ومستحيل اي بنت تسويه ..

بس الحين صايرة اشوف البنات اكثر من الشباب في الكافيهات .... خلصن من الـسوق ...

وقعدون يرتاحن في الكوفي ... أو مرات جايين للكوفي خصوصا ً.. ومتواعدات مع صديقاتهن

...طيب الاهل وين ؟؟!!! كيف ام او اب يسمح ان بنته تطلع مع صديقاتها بروحها من دون ما

يكون احد من اهلها معها ؟؟!!!!لا ورايحه الكافية ؟؟!!!

اخواني .. شوه رايكم .. الموضوع عادي ؟؟؟ ولا في الامر ان؟؟!!!

[خُـبـيْـب]

الكافية
الأمر عادي بالنسبة لبعض المساكين يعتبرونها من حرية المرأة
وأي حرية < حرية الفـــــــــ...> أو حرية عصيان الله والعياذ بالله

وقد قيل
ما بال سير فتات اليوم منحرف *** يهوى بها في مهاوي الإفك والزور
مـا بالـهـا هاجـرت آداب ملتهـا *** ما بالهـا أعرضت عـن خير دستـور
فـي كــل يــوم تــزداد ظـلمـتـهـا *** في الرأي ... فاقرأ عليها سورة النور

( البشير الإبراهيمي )

أسأل الله أن يهدينا و يستر ويهدي جميع أخواتنا المسلمات

[orange road]

الحين يعني ان البنات قعدوا في الكافيه صار غلط؟
ليش؟ لا يكون قاعدين يشيشون؟

اللي اعرفه ان الكوفي شوبات اللي في المولات تكون راقية .. مثل ستار بكس وكوستا كوفي

عادية القعدة فيهم ولا فيها شي

@_@ وين الغلط يعني؟ والا لا يكون البنات جنس أدنى من الرياييل ومحرم عليهم دخول الكوفي شوب..

[أبو البي]

جزاك الله خير ا

[الجمس الحمر]

والله يولد بالنسبة للجماعة جزاهم الله كل خير

البنات يتجمعون مع صديقاتهم في البيت .... بحيث يكون اليوم هذا مخصص للبنات وصديقاتهم ولهم مكانهم الخاص

وننقلع حنا برا البيت وكلن يشوف مكانه -- .. الشباب دوانية او مخيم او مزرعة
الاب كذلك

البنات والام و صديقاتهم يحتلون البيت ... او في بعض الايام وخاصة اذا كان الجو يساعد ... يروحون للحدائق العامة او المنتزهات العائلية ... وفيها بحر و شوي و كل شيئ يخدم العائلة بمختلف اعمارهم

[الدماني]

الحين يعني ان البنات قعدوا في الكافيه صار غلط؟
ليش؟ لا يكون قاعدين يشيشون؟

اللي اعرفه ان الكوفي شوبات اللي في المولات تكون راقية .. مثل ستار بكس وكوستا كوفي

عادية القعدة فيهم ولا فيها شي

@_@ وين الغلط يعني؟ والا لا يكون البنات جنس أدنى من الرياييل ومحرم عليهم دخول الكوفي شوب..

أختي الكريمة ... الكوفي شوبات .. الراقية على قولتج ... هيه اسوأ انواع الكوفي شوبات ..

لا ستار بكس لا قهوة عبود ... يوم نكون في المول مستحيل نمر من جدامهن ... ناخذ الف لفة عشان نتحاشى

نمر جدامهن ... تلقين الواحد قاعد لا قهوة لا كابتشينو .. لا ما ادري شوه .. وعينه شمال يمين ..

لو يقدر بيحط غيون ورا راسه .. ويسوي كشف مظهر للمسكينه المارة جدامه.. وهات يا تعليق ...

طيب .. الوحدة لما تكون قاعده في الكوفي .. تكون قاعدة مع امها أو أبوها أو أخوها ؟؟!!!

في الاغلب لا ...

ما بدخل في متاهات ان الوحدة لازم تكون مو كاشفة وجهها لان الوجه عورة ... يعني المسكينه كيف

بتشرب القهوة ... تدخلها من تحت الغشوة ؟؟؟

لالالالالا .... بدخل في شي اهم واهم واهم .... الرسول صلى الله عليه وسلم نهى عن الجلسة في الطرقات ..

وكرهها ... الا اذا كان لها حاجة ضرورية وماسه ... واعتقد الجلسة في الكوفي شوبات تعتبر جلسة

طرقات ولا انتي شوه رايج ؟؟!!!

اختي ... انا ما الصق اي تهمة في اللي تجلس في الكافيه ... لا ... لكن دينا عزها وكرمها وهيه ارقى

من ان تحط نفسها محل شبهه ...

[secret files]

السلام عليكم ورحمه الله وبركاته,

انا شخصيا لا اوفق على هذا. ( وهو خروج البنت هكذا مع صديقاتها ايا كانت الوجهه,), انا اعتبره من حرياتي الشخصيه ,

لكن ( اعذر الغير به, وهو من حرياتهم الشخصيه) , في بعض الكوفي شوبز فيها اماكن خاصه للعائلات او النساء وتكون منعزله, اذا كان هذا متوفرا فلا غبار عليه اذا كان الهدف هو راحه قبل الدراسه او شيئ من هذا القبيل , لكن للتمشيه , فالافضل الخروج مع المحارم.

سلامي , وشكرا لموضوع ^^