بسم الله الرحمن الرحيم
ان شاءالله انها تحوز على رضاكم ولا تبخلوا علينا بملاحظاتكم
-----------------------------------
ماخجلت لو يوم قالوا حُبْ هالشاعر فلانه
وانتي ياروحي خجلتي تعلني عشقك فلاني
تعلني حبك لعاشق سلمك قلبه أمانه
مابغى منّك غير انك تبقي له أجمل معاني
تبقي له انتي وكلك اصدق رموز المتانة
وتصدق فعالك كلامك وكل مايخفى يباني
تبقي انتي كما انتي وردة ولا زعفرانه
ومن شهدك بس يشرب اعذب اكواب الحناني
كانت هقوات المشاعر انه ابدًا مايتوانى
لاجل هقواته تصيب ومايصيبه اي تواني
صاغ لك من كل بيت وكل موضوعٍ بيانا
وصانلك كل اللي لازم بين الاحباب ان يصاني
لكن ان الحظ قفى وانا مادري وش عشانه
وحال هالدنيا معاه اختلف صار حال ثاني
بعد ماكنتي قصيدة بك غدا شاعر زمانه
صرتي عنه اليوم بعيدة ومابقى له اي زماني
ياترى قلبه بينجح وهذا هو جاله امتحانه
ولا هو ضاري بيسقط زي ماكان امتحاني
يوم قلتي" لازم ابعد" وللاسف كان بتكانه
" وانت ياعمري ابيك تعين" والله المستعاني
وقال لك: لاجل المحبة ولاجلها قبل الميانه
باصبر اصبر وان رجعتي هقوتي قلبي ماهاني
لكن انتي ماصبرتي وجيتي تبكين المهانه
وانتي ادرى انه ابداً مارضالك اي هواني
قلتي: ابداً ماصدقت كيف اصبر عنّك آنا
انسى انسى قلبي انسى كل ماقلت من ثواني
وعاد لك شاعرك يشقى كما كان اول زمانه
يوم عنه الصد ويومٍ ترجعي وتقولي ماني
هذي هي قصة فلان يوم هو يعشق فلانه
وهذي هي قصة فلانة يوم هي تعشق فلاني
-----------------------------------
وسلامتكم
بدر
المشاركة الأصلية كتبت بواسطة صالح الشاعر
وبالحلال 
