اسرار لشعر خطير
السلام عليكم ورحمه الله وبركاته
كيف حالكم كل ابوكم ؟؟
مادري هو انا شاركت بهالقسم من قبل ولا لا ؟؟
ماشاء الله المنتدى كبير احس اني عضوة جديدة يوم اروح لقسم ثاني
عموما نبداء بالمهم
كان ودي انزل هالموضوع قبل بس ماحصلت لي فرصة سوري
وعلى فكرة كل الي الي راح اكتبه مجرب من قبل
اذا سألتوا اي بنت وش اهم شي لك وش رح تقول ؟؟
شعري طبعاً
اول شي راح اعلمكم صبغة طبيعية وخطيرة
على فكرة وللأمانه انا ماحب الصبغات هذي اختي مجربتها
والطريقة غريبة فعلا بس لاحد يخاف منها
تعرفون صابون رقي ؟؟
مشكلة دورت على صورته مالقيته
الصابون الي على شكل مكعب الي كانوا يستخدمونه اول
المهم فيه منه لونين
اخضر وبني
اخذي البني وابشريه بس انتبهي ابشري الجزء الفوقي البني بس الجزء التحتي لونه اخضر انتبهي لاتاخذينة
بعدين جيبي مثبت صبغة (اختي استخدمت وله بالاعشاب الي لونه اخضر ) عموما استخدمي الي يعجبك مو مهم
اخلطي المثبت مع بشر الصابون مثل ماقلت قبل شوي البشر البني بس
وبما انه صابون رح يذوب مع المثبت
بعد ماتخلطينه حطيه على شعرك
والميزة بهذي الطريقة
انك لو تبغين لون بني غامق حطيه ساعه تبغين بني فاتح حطيه ساعتين تبغين اشقر حطيه ثلاث ساعات
صديقة اختي حطته ست ساعات صار اشقر على ابيض
ونصيحة مني جربي حطيه ساعه علشان لو ماعجبك ماتتورطين
وعلى فكرة هو مثل الصبغة بالضبط يعني مو تضنونه مثل الحنه يروح كله لا يضل ينزل مثل الصبغة
خلصت ولله الحمد
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــ
الحين بعطيكم اشياء تفيد الشعر حيل كنت استخدمها سابقا بس تركتها الحين ماعاد لي خلق
وفعلا هالاشياء تعطي اثر رهيب بس يبغى لك صبر حبتين
يعني مو تحطينها مره وتطفشين
الطريقة الاولى
الصبار :
والله الصبر مفيد جدا جدا للشقر
اسلقيه ساعه بعدين اشربي مويته
خخخخخخخخخخخخ امزح امزح لاحد يصدق
كح كح الطريقة الصدقيه الحين
جيبي صبار وقطعيه وحطيه بالخلاط مع شوية مويه
امي الله يطول بعمرها تحطه مع الحنه
وتقدرين تحطينه لحاله
والله مفيد مفيد مفيد ينعم الشعر ويقويه بس يبغى له صبر مثل ماقلت
الطريقة الثانية :
خلطة قريتها بجريدة من زمااان وجربت استعملها وبرضو كويسة حيل بس الصبار احسن
الي هي عسل مع ملعقة زيت نباتي (افضل شي زيت السمسم ) مع شوية عصير ليمون حطيه على شعرك وغطي شعرك بقبعة الحمام وانتظري نص ساعه بعدين غسليه
حلوة هالطريقة بس سبب كرهي لها هو العسل
بنات اخر نصيحة لكم
احسن الزيوت زيت السمسم مع الاستخدام المستمر له ينعم الشعر ويعطيه لمعه بس ..
قالت مره خبيرة تجميل ان الزيوت تنعم الشعر نعم
تطوله برضو نعم
بس تخفف الشعر حييييل
تسبب تساقط الشعر وفعلا هالشيء اشوفه يوم كنت احط زيت كان شعري يطيح بالهبل
واستخدموا حبوب زيت كبد الحوت رهيبة حيييييل
بس يابنات مثل ماقلت كل الاشياء الي ذكرتها يبغى لها صبر ^^
يعني يمكن مايبين مفعولها الا بعد شهر او اكثر
بنات عارفه اسلوبي مو شي الي ماتفهم اي خطوة لاتتردد بالسؤال
دعواتكم يااخوات ^^
سلام عليكم
المشاركة الأصلية كتبت بواسطة Blue_Gaya
