السلام عليكم
بعد نزول الps3 الأمريكية انتشر الجهاز بشكل كبير والسعر الحالي (320-340 دينار 20 جيجا ) و ( 480 دينار 60 جيجا) (في البحرين) وهذا حسب علمي أكبر من السعر الرسمي، وانا حالياً محتار أشتري ولا أنطر تنزل الدفعة الجاية عند الوكلاء في شهر مارس .. في كلام عن انه اللي راح ينزل شهر 3 هو الأوروبي بس وما راح يكون الانترنت فيه مجاني مثل ما هو صاير في الأمريكي الموجود حالياً و السعر بعد طبعا هل متوقع أنه يتغير أو لا ...
والجهاز حاليا موجود عندنا في بعض المحلات للتجربة وعلى طول شغال بدون مشاكل بس للأسف مشغلين عليه لعبة need for speed carbon الجديدة واللي هي لعبة PS2 وهذا شي يشكك الواحد ... هل الجهاز فيه مشاكل لما يشغل ألعاب PS3 ؟؟ ... ما أشوف سبب ثاني يخلي أحد يسوي دعاية لجهاز باستخدام ألعاب الجهاز القديم !!!
فأتمنى من الأخوة اللي شروا الجهاز يفيدونا برأيهم ومعلوماتهم وهل الأجهزة الحالية تكون مشمولة بضمان الوكيل لسوني مع انه ما نزلت عنده رسمياً للآن ؟ والشي الثاني المشاكل اللي نسمع عنها مثل الحرارة والتعليق والأصوات هل هذا مجرد كلام و اشاعات أم حقيقة ؟
بصراحة أنا أفكر أشتري ومتردد بقوة لأني ما عندي أي معلومات عن هالمواضيع بس ولله الحمد التلفزيون الHD شريناه
أنتظر الردود من الأخوة اللي اشتروا الجهاز وتجربتهم ومعلوماتهم عن الميزات والضمان ..
وسؤال أخير هل الجهاز سواء كان 20 أو 60 GB فيه وصلتين HD ولا أبو 60 بس هو اللي فيه وصلتين HD وشكرا جزيلا ..
