الووووو
حد يسمعني؟؟؟
يا عرب الخير
اخباااااااااااار علوووووووووووم
عساكم بخييييير ^^
تسمعووووني؟؟
ترى مسطلة وضاربة فيوزاتي و حالفة الا أنزل موضوع النهاردة ...
>>> الله يهديها على وش الفقر وتقول النهاردة(الفقر هو الفجر حذفت الجيم واستبدلت بقاف و علامة النصب الجرة الظاهرة على اخره)
ما علينا ... نجيبها من الاخر...
هل تساءلت في نفسك يومن
من منا ليس في خاطره ان يحصل على ليسن قبل اليوم بعد بكرة ؟
من منا لا يريد ان تستوي عنده سيارة فارهة كالــ إكس فايف؟
من منا لا يريد ان <<< عضي على شحم ترى ازعجتينا
اخلصي ولا بدلي المحطة
المهم...
دقت في راسي اتعلم سواقة... و تكفل اخوي بهذه المهمة...
هو ما تكفل بس انا ابلشته معاي غصب...
وبدأنا على قدم وساق
<<<
كوكب زمرة....
سنعود بعد قليل
المهم أول يوم و قبضت السكان عالشارع و أدوووووس بأقوى قوتي<<<ما يسوى عليج حرتي كلها حطيتها فيه
المهم أخوي ينقز ويقول:
أووووه وين انتي ؟ قطار الموووت؟ اركدي ما بيطير الشارع
أنا : أبشر على خشمي
واجي عند لفة شارع رئيسي<<< لا يغركم ترا فاضية ما بها مواتر
اخوي: ريلج عالبريك واعطي إشارة
أنا: ويحك شو تبى؟ الشارع فاضي..
هل لازم ندوس بريك؟!!
أخوي: هذي مو سواقة هذا لعب<<< اي والله ونا اشهد يا ابن ابي وامي هههه
المهم وهات يا تهزيء...
اتميلح و أقوله اللي يشوف السيارة ماشية كذا حااايسة الشارع يمين شمال بيحس ويقول أكيد مبتدئ اللي يسوقها
يرد علي: لا حرام ... اكيد بيحس انه مايكل شوماخر اللي يسوقها هههههه
المهم وصلت عند الدوار وأخوي ايده على قلبه... يقول:
احلفي ان عمرك في حياتك ما مسكتي سكان ><'
أنا: تبي تجيب المصحف جيبه... يا شيخ والله ما عمري سقت
هو: ومتأكدة انك بتدخلين الدوار؟
أنا: يلااااا يا قدع أوي ألبك محنا فيها فيها<<< وش شاربة عالصبح
ودخلت الدوار وانا ارايس أخوي بغى ينتحر خخخخخ
مدري احس ان في علاقة تربطني مع الريس بالذات مع انه اصغر واقصر بس علاقتي معاه قوية وحميمة<<< أفا يا ذا العلم ...علاقة حميمة ؟!
ما أمداني توه يومين هههه
المهم وفي صباح اليوم الذي عقبه... قلت لطويل العمر راعي الموتر
سرينا يلا ورانا تدريب
و انا من طلعت من باب البيت ونا حاسة اني حتمسك النهاردة وحتنيل في سابع نيلة ومش حتخرق ولا حقيب الشهادة الكبيرة <<< يا نهار ابيض هههه
المهم<<< المهم والمهم والله ماعرفنا وشو المهم
جا أخوي يبي يشغل السيارة ... قلت له تعال وين رايح
امش بس روح اقعد علكرسي اللي هناك
أنا بشغلها وانا بطلعها ولا تحاتي بس انت اشرب الشاهي وخلها عليا واعجبك
طلعتها و رايست فيها عالشارعين اللي جنب بيتنا...
و اخوي ما غير يتلفت يمين وشمال و ورا...
وبعد برهة من الزمن...قلت له : بسالك حنا مهربين مخدرات ولا أسلحة ؟ اش بلاك اتلفت...
أخوي: أنا الصراحة اخاف تطلع لي دورية شرطة الحين
أنا: يا شيخ وش يبي يسون الشرطة هنا ...
يصيدون ضبان ؟؟
والله ياااااهي منطقة ما تشوف فيها غير الرمل
تقول صحراء الربع الخالي...<<<تعجبكم واثقة تسولف ودايسة ريس بعد
وتأشر على بيت بعيييد في الشمال الشرقي من الجامة الخلفية للسيارة وتقول والله انه رقم لوحة سيارتهم اللي مبركنينها داخل بيتهم حلو
المهم وبكل ثقة اقول لخوي : هاااه تبي الفلفك بعد ولا ارجعك البيت
مليييييت ولا بعدك...
أخوي: لفي لفي ارجعي البيت ...وكنت موقفة عند لفة بيتنا <<< والله لحظتها التفت عليه
ولا القى وجهه قد تلون بألوان هي اشبه واقرب إلى الوان قوس قزح منها إلى ألوان الطيف !!
وفجأة...
صرخ قائلن: دورية شرطة ... دوسي بريك
بريك ... بريك
و انا .... ما عندك احد ....
انا اصلاً من سمعت كلمة شرطة... نسيت البريك والريس واهاليهم ...
يا روح ما بعدك روح
هو من هنا يقول بريك ونا ادوووووس ريس ...
و ادخل لكم في الرملة واتوغل
واتوغل ...
ثم ارجع واتوغل...<<< اخلصي علينا بس
حتى أصبت منه الشيء الكثير<<< تحس جملة شاردة من الجاحظ وجاية قصتي
بس ربكم ستر ما دعمت عمود صغيّر ماله داعي كان واقف قدامي<<<يحليلي^^
المهم ...والشرطة قدامنا الحين وانا التقت على اخوي كذا
(
ثم قلت: هاااه وش الدبرة يا فتى القبيلة؟
أخوي: وش بعد ؟ بدلي اماكن بسرعة اتحررركي
أنا(مسوية ذكية): لا والله؟
حلو شكلنا كذا كل واحد طالع من جهة رايح للثانية
وش يبي يقولون الشرطة عنا ... شاربين عالصبح ...
أخوي: زيين أنا بطلع و انتي كلي تبن وروحي الكرسي الثاني اتحررركي...
المهم ... واخوي يطلع من السيارة...
ثم يركبها وهو يقول: اقول لها بريك تدوس ريس ...زين ما غرزنا<<<
ومن زود الثقة يوم مشى أخوي وأحسست بشيء من الأمان ... وعلشان أغطي عالجريمة...
فتحت الراديو قال يعني بنسوي فيها بريئين مرررة
الا و تفتح لي قناة أغاني
قلت : استغفرالله ... وكان اسكر
المهم يوم وصلنا جنب الدورية ونا وخوي كذا اشكالنا..
:: () (
اللي عاليسار اخوي...وجهه صار أصفر كالأباجورة<<< يا شين التشبيهات
ترى قصة مالأم ابوها داعي بس قلت ارفه عن نفسي وانفسكم...
و جزاني الله عنكم كل خير...
مع خالص شكري وتقديري...
كاتبة السطور... <<< والله الظاهر محد يبي يتسطر غيرها
ما يستفاد من القصة:
** لا تعلم حد على سيارتك بكرة تاكلها وتنسجن و بدال لا تفتح بيت يفتحونلك محضر و عيالك يتشردون بعد عمر طويل ان شاء الله
** اذا عندك دراسة انثبر و روح ادرس اصرف لك <<< ودي اطبق هالنصيحة بس عجزت
وبس عاد إذا في خاطركم تستفيدون شي ثاني
استفيدوا عادي<<< ما تعرف تختم أبد
ادعولي عندي امتحانات وعندي كومة كتب شاهقة بشهق جبال الهملايا جاحدتها وجاية اكتب قصة...
توني انتبه ان في قسم طالع لي زيادة هههه سجلت ونسيت السالفة
(((دعـــــــــــواتـــــكــــــــــم)))
<< اسكتوا يحسبها مصرية 
المشاركة الأصلية كتبت بواسطة Misho0o
