شاريه.. شاريه... بس ممكن مساعده !!!

[StOrM_x.M.x]

يعطيك العافيه اخوي ...

بس عندي كام سؤال ..

انا واصدقائي ناوين على اكس بوكس 360 .. وعندنا حاليا شاشة ال سي دي حلوه ..
وعندنا اتصال 512 ..
أولا .. باي جهاز تننصحوني الابيض ولا الاخضر ؟
ثانيا .. المعدل ولا الاصلي ؟
ثالثا .. اللايف هل اقد العب انا وصديقي ..يعني نقسم الشاشه نصفين ونلعب في احد السرفرات ؟
رابعا .. هل سرعة 512 تعتبر حلوه ولا بيجي تقطيع في العب بسبب البنق؟
خامسا .. هل استطيع تكوين سيرفر خاص فيني واي واحد يقدر يدخله ؟
سادسا ... انا من سكان الرياض هل هناك محل تنصحوني فيه ؟
سابعا ... هل اللعب على الاايف يلزم له دفع فلوس ولا شراء اللعبه اصليه يكفي ؟
ثامنا .. انا سمعت ان هناك بطاقات تباع للايف لشراء العاب وتنزيل ديمو وغيرها ..اين اجد هذه البطاقه في الرياض ؟

شكرا مقدما على المساعده ..
تكفون ابي اجوبه مفصله لاني الى الان ماشريته ومخطط عليه انا واصدقائي بكل قوه ..

[محـ ss uae ـمد]

وعندنا اتصال 512 ..

سرعه جيدة جداا للعب و انا عندي نفس السرعه

أولا .. باي جهاز تننصحوني الابيض ولا الاخضر ؟

الابيض افضل لانه جاهز لللايف معاه مايك و كيبل .....و يد لا سلكية

ثانيا .. المعدل ولا الاصلي

الاصلي افضل علشان تتمتع باللايف ...

ثالثا .. اللايف هل اقد العب انا وصديقي ..يعني نقسم الشاشه نصفين ونلعب في احد السرفرات ؟

ممكن في جيير و كول اوف ديوتي 2 .3
هاي الالعاب اللي اعرفها ..

خامسا .. هل استطيع تكوين سيرفر خاص فيني واي واحد يقدر يدخله ؟

اكيييييد و ممكن تضعه خاص و لا عام

سابعا ... هل اللعب على الاايف يلزم له دفع فلوس ولا شراء اللعبه اصليه يكفي ؟

لازم يكون عندك اشتراك شهري او سنوي ...

ثامنا .. انا سمعت ان هناك بطاقات تباع للايف لشراء العاب وتنزيل ديمو وغيرها ..اين اجد هذه البطاقه في الرياض ؟

اهل الرياض ان شاء الله راح يساعدونك ...

و هاذا الموضوع راح يفيدك ...

http://www.montada.com/showthread.php?t=403436

و يالله ننتظرك في اللايف
و مبروك مقدماااا

[FARES360]

أهلا x.m.x , عاد شاركنا من وقت الى أخر ..مو بس من بعد هالموضوع ما نشوفه بعدها
- طبعا الأبيض لأنه يأتي مع الHDD ( هارد ديسك ) مع يدتين ومايك , على عكس الأخضر يأتي من غير هارد ديسك ..والهارد بنفسه سعره غالي نسبيا ..فيفضل تأخذ الأبيض ..

- الأصلي طبعا ..اذا كنت تبي تكمل مسيره في اللايف , المعدل منت ضامن الى اي مدى راح تكمل احتمال اي update ممكن يسكر اللايف عليك من قبل microsoft .. ولا تحلم انك تدخل اللايف مره ثانيه ..الا اذا شريت جهاز جديد , اما اذا كان اعتمادك على كوبي وغير قادر على الأصلي ..فخليك على المعدل مع العلم الأجهزه المعدله عن طريق المهندسين الخرطي الي عندنا..توقع تودي جهازك للورشه اكثر من مره ..بعد شهور طبعا من الأستخدام , لنه هذا الي انا كسبه من هالتعديل..والتطوير.. لهذا تركت عالم الكوبي..خصوصا بعد الlive عالعموم في النهايه انا اقولك ياها ..مافي أحسن من الأصلي ..ماله داعي تشتري اكثر من لعبة ..اشتري لعبة وحده كل شهر وشهرين ..يمديك تشتري الألعاب ماراح تختفي من السوق في شهرين او 5 حتى..اما الألعاب القوية بتي دفعات ثانيه ..لنه تخلص بسرعه كعادة الألعاب القوية...

- بالننسبه للعب في صديقك هو معروف من ايام الxbox الأول انه فيه 3 طرق للعب معا connet consol او اثنينكم في نفس الجهاز او عن طريق اللايف .. طبعا هالشي يعتمد على خصائص اللعبة ..مثلا في gow تقدر تلعب مع صديقك وتوصل مراحل عن طريق اللايف..كل واحد قاعد في بيته ... أما اذا قصدك انه شخصين يدخلون اللايف بجهاز واحد لا وsplit screen لا ما يصير..لنه بس gamertag واحد تقدر تسخدمه سواء انت او صديقك ...في اللايف

- 512 سرعة ممتاز .. مع العلم حتى سرعة 200 ايضا جيده وقليل تلاقي lag .. بس هم اقولك يعتمد على الشركة والline مالك بشكل رئيسي .. اذا الخط مالك شابكين منه اكثر من شخص توقع lag ..اما الخط بيدك انت .. no
أضن فهمت قصدي من السالفة

- اي تقدر..اي واحد يقدر يسوي سيرفر خاص بأشتراك ذهبي ..

- اي نعم فيه اشتراك سنوي ..تشتري كرت لايف يبيعونه بكافة محلية الألعاب المعروفه دوليا او محليه
بس لا تخاف ماراح يكلف وايد بس 20 دينار حق سنه كامله ! 24 ساعه لعب ^^" شرأيك بس ..حلو صح

- اما عن الرياض مادري -_-" انا من الكويت..ربعنا من الرياض بيردون عليك بعدي..

اي أسئله ثانيه اخوي؟ ...

[StOrM_x.M.x]

الاول في الصف

غالي وعزيز علينا ..شكرا على الرد .. وتوضيحات جميله ..

والله يبارك فيك مقدما

وان شاء الله للايف انا قادم !!<< وش عنده!!!

أخي xXpainfulltrapXx اشكرك بعنف على هذا التجاوب الجميل ..

وبخصوص عدم مروري عليكم ..لاني لا املك جهاز اكس بوكس الى الان .. ولكن بعلمك بسر .. هو جاي في الطريق !!
وكل كلامك كان مفهوم وواضح وخلاني افهم اشياء لم اكن احسب لها حساب ...

وبالنسبه لل 20 دينار = 200 ريال تقريبا ..تعتبر سعر مناسب جدا .. بس ماادري هل هذه القيمه للاشتراك الذهبي ؟؟

وشكرا لكم جميعا على هذه الضيافه المميزه من قبل منتدى الاكس بوكس

[Gentleman]

اخي .. الموضوع يجب ان يوضع في منتدى الاستفسارات .. ارجو ان كانت لديك استفسارات اخرى ان تضعه في المنتدى الصحيح ..

الموضوع منقول لمنتدى الاستفسارات ..

وشكرا ..