مسابقة عجييييييييبة وجائزتها أعجب!!!

[sensei]

بسم الله الرحمن الرحيم

السلام عليكم ورحمة الله وبركاته


جات على بالي مسابقة حلوة وفكرتها جديدة... فرش من مخ سينسي للمنتدى...


المسابقة أساسها عادية وهي رسم رسمة حسب الطلب اللي راح اطلبه بس لازم يكون في تسجيل بالاول ((ليش؟)) راح أخبركم

أولا: عدد المتسابقين على الاقل 2 علشان يبدأ التنافس


ثانيا: الرسمات لازم توصل لي عالخاص علشان ما يشوفها الاعضاء الباقيين


ثالثا: تتقيدون باللي مطلوب منكم من غير رسم شي خل بالاداب والدين


رابعا: الجائزة باتكون للعضو اللي يفوز 4 مرات "حتى لو ما كانوا ورا بعض" ++وهي سبب التسجيل++

الجائزة باتكون رسم شخصية خاصة بالفايز هو يوصفه على كيفه مع تصميم للشخصية وافتار و3 خلفيات للكمبيوتر على أبعاد شاشة الفايز وله الحق بان يختار ارسال جائزته عالخاص او وضعها في الموضوع


واذا ما كان يحب اسلوبي في الرسم والتصميم ممكن يطلب اي عضو وانه بكلمه وراح اشوف اذا بوافق والا لا'

وكل مرة يفوز فيها يحط جزء من الوصف للشخصية اللي متخيلها ولكم كيفية الوصف:

*لما يفوز المرة الأولى:


تحديد الجنس...بعدين وصف الوجه والملامح


-شيب الوجه (طويل- عريض- متين- مدور,\..لخ)


-العين (كبيرة- صغير- عريضة- مرمشة...لخ) +لونها


-الحواجب (غليضة- خفيفة- مثلثة- مكسورة- مستقيمة...لخ)


-الانف (طويل- قصير- مفروش- مدور...لخ)


-اللفم (صغير- عريض- كبير- له شفايف"كبيرة-صغيرة" ... لخ)


-المكياج "لو كنتوا حابين يعني"


*لما يفوز المرة الثانية:


الشعر + لون البشرة


-الشعر (طويل- قصير- كيرلي- ستريت- التسريحة لو حابين... لخ) + اللون


-اكسسوارات للشعر "لو تحبون" (كبوس- شريطة- شباصات....لخ) + اللون


-لون البشرة (سمرة- صفرة- خضرة- بيضة- برونزية- محمرة- سودة...لخ)


*الفوز للمرة الثالثة:


الجسم


-الهيئة (طويل- قصير- متوسط- متين- ضعيف- معضل...لخ)


*الفوز للمرة الرابعة والاخيرة:


الملابس


-وصف دقيق للبس او بس ذكر الستايل لو حابين ولا تنسون الجوتي + اللون


-الاكسسوارات "لو كنتوا حابي" + الوانها

مع العلم بان رسمة الافتار غير عن رسمة التوقيع ونفس الشي مع الخلفيات الـ3 يعني راح نرسم 6 رسمات مختلقة للشخصية اللي تطلبها

يبدا التسجيل من اليوم وبعد 5 ايام اوقف التسجيل وتبدا المسابقة...


لا تنسون ترسلون رسمات المسابقة لي عالخاص وما تحطونها في الموضوع


بعد 5 ايام بحط لكم ايش اللي لازم ترسمونه

كل واحد يرد يحط احد هالمستطيلين

ان شاء الله عجبتكم المسابة


وانتظر الردود على احر من الجمر ^^

[لاعبة الخيال]

موضوعج رهيييييييييييييييييييب اختي الحلوة الأمورة sensei فكرتها حلوة وأشوفها يديدة والجائزة مميزة بعد بصراحة صياغتج للموضوع بكبرها حلوة ومميزة كالعادة انتِ داااايما تيبين لنا أفكار حلوة ومميزة ومسابقات ممتازة وفيها تشويق وتحدي مشالله مشالله عليج محد منشط المنتدى غيرج بهالأفكار خخخخ أنا ترددت أشارك ولا ما أشارك بس الإجابة موجودة فوق خخخخ والله العظيم حبيت أشارك فيها بس أنا مستواي في الرسم منخفض ههههههه بس انشالله رح أكون متابعة للمسابقة وأنا أنطر المتنافسين بفارغ الصبر تسلمين حبيبتي على المووضع الرووووعة

[sensei]

it's ok
انتي حرة... يكفي تكونين في الموضوع ^^ تعطين جو ورد مليان سمايلين << انتي شبلاج عالسمايليز اللي احطهم؟
ان شاء الله تشاركين المرة الجاية

[KilluaPica]

السلام عليكم ورحمة الله..
مسابقة عجيبة بالفعل.. من مخ سينسي العظيم! أنا حأشترك لو فهمت محتوى المسابقة إذ ما فهمت بعض الأشياء..
إش مضمون هذه "وكل مرة يفوز فيها يحط جزء من الوصف للشخصية اللي متخيلها ولكم كيفية الوصف" وكل ماتحتها؟
أقصد هذه وصفات الرسمة للجائزة بعد أن يفوز وانتي حترسميها للفائز؟
فهمي كله رايح لمواد الإختبارات وما عدت أفهم شي في العالم الخارجي..
وأقلك إن معظم الجماعة في اختبارات ولن يشترك إلا القليلون! ما يمكن تأجيل المسابقة حتى ننتهي؟

[sensei]

آنه قلت بأجلها بس خل يبدأ الاشتراك من الحين
هو الواحد لازم يفوز 4 مرات... كل ما فاز واحد يحط وصف للشخصية اللي برسمها له او اي عضو ثاني لو كان حاب
حطيت لكم تحطون وصف ايش بالضبط كل ما تفوزون
اذا ما فهمت بعد باشرح اكثر مرة ثانية

[dante-55]

مسابقه عجيبه الصراحــه .. و التنظيم أعجب

يعطيج الف عافيه اختي ..

[KilluaPica]

أظن فهمت تقريبًا.. كل ما يفوز يحط ربع وصف شخصيته (الجائزة).. وإذا أكمل الأربع.. إكتملت جائزته!
جيد.. أنا إن شاء الله..

[skillman]

نياهاها

انا بشترك

[skillman]

نياهاهاها

[sensei]

أسعدتوني اخواني بوجودكم ^^
الحين المتسابقين 3
dante-55
KilluaPica
skillman
والله يبارك ويزيد
بداية حلوة مع ان لحد الحين ما مر يوم عالموضوع ^^
الله يوفقكم وان شاء الله تستانسون بالمسابقة

[" Tidus "]

فكرة المسابقة روعة لكن اظن استعجلتي فألحين فترة امتحانات وبتلاحظين ان المسابقة
ستركد من فتره لأخرى كان ودي اشارك لكن الامتحانات بتمنعني ^ ^"

[sensei]

قلت لكم بأجلها لين بعد الامتحانات بس بخلي التسجيل من الحين ^^

[sensei]

حبيت اقول لكم بس ان نهاية التسجيل للمسابقة بيكون 12-2 بعد امتحاناتي...
وراح تبدا المسابقة بعدها... بس طبعا بعد ما اعرف ان كل من شارك متابع الموضوع "طبعا بردودكم
موافقين؟

[sensei]

بس 3 متسابقين لحد الحين؟؟ انه قلت بأجلها لين بعد الامتحانات
شكلب باخذ راي المتيابقين الـ3
تبون تبدون المسابقة من الحين؟؟
كل واحد منكم يرد
حتى لو تبون دور واحد بعدين اوقفها لين بعدين
انتوا اخذوا راحتكم
سلام

[KilluaPica]

بالنسبة لي يمكن أقدر أو لا حسب ظروف الاختبار.. بس ابدأي وإن شاء ألحق!