$$**--الإنترنت حرام ! --**$$
$$**--الشخصيات--**$$
طلال :
الإسم الكودي :TiTaN
انا الكاتب ،ما يسير اكتب عن واحد ما أعرفه
أخت طلال :
الإسم الكودي :بوبو
أعرف إن فيه مخابرات في المنتدى ، مني قايل إسم أهلي
معلمة في مدرسة بوبو :
الإسم الكودي : معلمة غوغو
ما ودي أفضح بنات الناس
واحد قلق إسمه والد غوغو:
الإسم الكودي : أبو لحية
هدا والد المعملة المسماة غوغو
$$**--البداية!--**$$
"صباااااااااح الخييييييييييير"
صحيت دا اليوم في مزاج كوول ، سويت فيها صحي و أحب الصحة
فطرت ! ، طبعا الفطور اهم وجبة في اليوم
ما علينا ، بعد ما خلصت الفطور إللي طبعا كان فطور بالكورن فلكس << أحلى يا مؤدب
نزلت السيارة و ورحت المدرسة !
وصلت 8 و ربع ، متاخر نص ساعة!
الله يلعن الفطور ، احد منكم يا شباب يصقعني كف إن فكرت أفطر تاني
و بعد ما خلصت اليوم ، و انا راجع مريت على أخواتي عشان أجيبهم
و كالعادة مشغل السيارة موصل صوته لموزنبيق
ركبوا أخواتي ، ما أسمع إلا أختي إللي عمرها 7 سنين
قالتلي : "طلال ، قفل المشغل !
رديت : " يا سلام على الثقة ! ليش إن شاء الله
قالت : "الأغاني حرام ! "
ما عرفت إيش أرد، قفلت المشغل و انا خجلان من نفسي ><" .
________________________
$$**--يا "......." << يا اخي حسن ألفاظك
"كيفك يا كلب ؟!"
كانت كلمتي لواحد من أصحابي كان مقاطع شهرين ، كلمني يوم ما رجع
المهم و انا باتكلم معاه ، جات أختي صاحبة الـ7 سنين و قالت :
"طلال ! "
طنشتها ، انا مشغول
كررت تاني :
"طلااااااااااااااااااااااااااااااااااااااااااااااااااااااااااااااااااااااااال "
صوتها وصل للعمارة اللي جنبنا ، إذا ما وصل لموزنبيق!
قفلت من صاحبي و صرخت :
"إيش تبغيييييييييي ؟!!!!!!!!"
ردت عليا بوبو :
"السب حرام ، لا عاد تعيدها ! "
ما عرفت إيش أرد ، ما أبغى ارد عليها رد وقح يخرب تربيتها
قمت سكت !
_________________________
$$**--حتى دا ! ....--**$$
بعد ما بدأت عيوني توجعني ، قمت من المكتب و أنا بأقول في راسي
فيزياء ، فيزياء ، فيزياء ،فيزياء ،فيزياء ،فيزياء ،فيزياء ،فيزياء ،فيزياء ،فيزياء ،فيزياء ،فيزياء >> ترى زودتها
و جلست على النت و بدأت ادخل و أشارك في المنتدى الحبيب
شوية احس بشي يدق في ظهري ،
و المشكلة أنا لمن أركز في شي ، أنسى كل شي تاني
يعني لا تستغرب إذا صرخت في إذني و أنا أتفرج فلم رهيب
و أنا ما أكون منتبه لك
المهم ، شلت عيني عن الشاشة عشان أشوف بوبو بتخبط في ظهري بكل قوتها!
قلت : " نعااااااااااااااااااام ، إيش فيه ؟ ! "
ردت : " قوم من الكمبيوتر
قلت : " ليش إن شاء الله
قالت : "النت حرام ! "
لاااااااااا ، كله إلا دا
أغاني تنبلع ، ألفاظ ممكن ، لكن دا ، مين قال إن النت حرام ؟؟؟؟؟؟؟؟؟
____________________________
$$**--الموضوع زاد عن حده!--**$$
"بوبو!"
كانت صرختي ! ، مين معلمك كدا يا بوبو ؟
ردت عليا : "نعم ؟ "
قلتلها : "مين علمك كدا ؟ "
ردت عليا : "المعلمة غوغو في مدرستي
قلت : "إيش ؟
طيب خلاص روحي!
بعدها بشوية جا الشيطان وسوس لي بخطة
قمت ناديت : "بوبو!"
جات اختي ، سألتها :
" هي معلمة عندكم صح ؟"
ردت عليا : " إيوا قلتلك
قلتلها : "اهاااااااااا ، طيب
رجاء عدم الرد
، إنت تجننت ؟ "
"
المشاركة الأصلية كتبت بواسطة Misho0o
