wwe 2007 مني ملاقيها في جدة

[HicCupS]

السلام عليكم

كيف الحال

انا عندي جهاز الـ 360 و عدلتو عشان يشغل الكوبي من جيم تراك .... لكنهم عقدوني نفسيا لانهم مو راضيين يبيعو wwe 2007 كوبي !!!!!
المهم اللي عندو فكرة انو الكوبي اللي عند جيم تراك مؤخود من نسخة امريكية و هو المحل الوحيد في جدة حسب علمي اللي يبيع الكوبي الامريكي على الـ 360

من فين ممكن اجيب اللعبة ؟؟؟؟؟

ساعدوني بلييييييييييييييييز

[bratista]

السلام عليكم تلاقيه عند محل اسمو جيم اكس في حي الصفا اتصل على الاستعلامات وقلهم ابغا الرقم حقو وهما يدوك الرقم ورحلهم وعندهم اشرطة اكس بوكس 360 كتييييييييييييييييييييييييييير
يلا سلام

[bratista]

واتفضل هذي ارقام المحل
فرع الصفا شارع الروضه قبل دوار الطياره 2715605 هذا الفرع الي اخدت منو الشريط
فرع الروضه شارع محمد عبده 6398482
فرع الصف 6935995
وهذا المحل احسن محل يبيع اشرطة اكس بوكس 360 تلاقي عندو 90 شريط ويمكن اكتر
احسن من جيك تراك
والسلام عليكم

[adil com]

وكمان معاملتهم احسن من جيم تراك الحرمية اصلا وفصلا

يعنى معملت اللى شغالليين هناك احسن بكثير من جيم تراك

تحسهم رجال شوية .............. وشكرا

[HicCupS]

شكرا شكرا يا جماعة


جيم اكس انا اخر مرة رحتو في بداية الدراسة كان ما عندو الا نسخ يابانية ما عندو كوبي امريكي .....

عموما انشاء الله اليوم اروح و اشوف و الله يديكم و العافية ... و لا تقوليلي على جيم تراك ههههههههه معاملتهم و الله ما ادري ايش اقول الله يهديهم بس :\

[Jiraya__Sama]

لوووووووول bratista إعلان جميل


يعني إنت فرحان إنه جيم إكس عنده 90 لعبه؟ أصلا ما جابوا هذه الألعاب إلا بعد ما صارت قدييييييمه في جيم تراك

و بعدين إذا إنت من الناس يلي يدرون بأخبار الألعاب و ينتظرون الألعاب بفارغ الصبر كان ما قلت هذا الكلام أصلا لأنه في تاريخ جيم إكس كله عمره ما جاب لعبه واحده (مهمه و منتظره) قبل جيم تراك

جيم تراك هو أول واحد عدل الإكس و نزل العاب في جده و جيم إكس كان يتفرج و ثق تماما إنه هو حيكون أول واحد يعدل الPS3 و الWii

و أول ما نزلت العاب الكوبي كان يبيعونها ب80 ريال في الرياض ولكن في جيم تراك كانت ب35 ريال والآن ب30 يعني أحمد ربك إنه في جيم تراك في جده

و بعدين أنا أشوف الشباب يتكلموا عن المعامله في جيم تراك. أنا شخصيا أعرف الشباب تمام جدا و أفرب إلى أصدقاء فما أقدر أحكم على معاملتهم لأنه أكيد معاملتهم معاي حتكون مختلفه عن معاملتهم مع الزبائن

ولكن بحكم كثرة الزبائن و أسئلة الزبائن يلي بعضها تكون أحيانا غبيه أكيد الشباب مساكين تعبوا طبعا هذا لا يبرر إنهم يسيئوا المعامله ولكن أحب أذكر إنهم بشر و عليهم ضغط كبير

و بعدين إنت رايح تتزوجهم ولا تشتري لعبه؟ إشترى لعبتك و روح إستمتع بها

و بخصوص المصارعه. صاحب المحل شوي ملتزم فمنع بيع اللعبه و بعدين أنا ما ألومه لأنه حتي في مقدمة اللعبه بنتين يقبلون بعض (يعني من بدايتها باينه). ولكن حبوا يخلون نسخه في المحل بس عشان يثبتوا إنه يقدروا يبيعونها بس ما يبون.

و على العموم وينق إلفن 2007 الجديده بتنزل بعد أسبوعين نشوف مين ينزلها أول

[ACE COMBAT 5]

والله انا ما دري

[Devil..S]

اخوي انا مثلك درت مكه وجده مالقيت كله بسبب جيم ترك المشكله انهم يبيعون ديد اور لايف مادري كيف حاسبينها

المهم في مالك الا تروح مكه تقريبا اغلبيه المحلات صارت تبيع كوبي وانا لقيت سماك داون قبل يوم والمحل بقي عندوا ثلاثه نسخ المحل في العمره اسم السوق اعتقد سوق البحيرات اسم المحل
اخر الالعاب واي خدمه

[Ninja.Gaiden]

اشترية اصلي...

[Devil..S]

اشتريته كوبي ب30 ريال

[dodi bin fahad]

شباب وين محل جيم تراك بجده؟؟؟