Emblem Fire: The Goddess of Dawn القادمة على الوي مع صور رهيبه

[The Broken Legend]

السلام عليكم ورحمة الله وبركاته

طبعا كلنا نعرف ان جهاز الوي يفتقر لألعاب الأربيجي بعض الشيء .. لكن هاهي العاب الآربيجي تقبل واحدة تلو الآخرى .. و من بين هذه الألعاب .. لعبة Emblem Fire: The Goddess of Dawn .. التي تعتبر من أهم الألعاب القادمة على الوي بالنسبة لي .. و التي ستصدر في اليابان في تاريخ 22\2\2007

و هذه طال عمركم بعض الصور لها .. نلاحظ قوة في الجرافكس .. تذكرني بسيكودين ^ ^

بصراحة .. روعة .. و تحسن كبير في الجرافكس ..

المصدر أعزائي المراقبين .. هنا
أما إن كنت تتساءل عزيزي العضو عن إذا كان هناك صور أخرى للعبة .. فسأجب عليك نعم ^ ^
تفضل هنا << حط الرابط وخلصنا

و السلام عليكم ورحمة الله وبركاته

[FAS]

شكل اسلوبها دمج بين الRPG والاستراتيجيه مثل سابقتها ع الويي .
والجرافكس باين حلو ,
بس لاحظ في هاي الصورة
http://www.jeux-france.com/Webmasters/Images/51131520070118_124257_6_big.jpg
مو مفصل عدل ...
موعد صدورها الشهر الجاي , ننتظر ونشوف اليابانيين .
____

طبعا كلنا نعرف ان جهاز الوي يفتقر لألعاب الأربيجي بعض الشيء

أيضا هو يفتقر إلى ألعاب البلاتفورم والأكشن والفايتينج وووووو ...
( تو الناس صلوح , ماصار له إلا شهرين , عطه فرصه ياخي )

[The Broken Legend]

أيضا هو يفتقر إلى ألعاب البلاتفورم والأكشن والفايتينج وووووو ...
( تو الناس صلوح , ماصار له إلا شهرين , عطه فرصه ياخي

اولا أقصد شركة نينتدو عموما ..
ثانيا في ألعاب معلن عنها كثير .. لكن آربيجي قليل جدا ..

[PeaceDevil]

الصور رائعة و اللعبة متحمس لها بشكل كبير D:
و الجرافكس ممتاز.

طبعا كلنا نعرف ان جهاز الوي يفتقر لألعاب الأربيجي بعض الشيء ..

الويي كله RPG

[Black Box]

وعليكم السلام ورحمة الله وبركاته..

رسوم العروض رائعة جداً..! , رسوم اللعب نفسه جميلة ولكن تحتاج المزيد من التطوير , أنا ما قد جربت أي جزء سابق لهاللعبة مع اني أحب الألعاب الإستراتيجية.. بإنتظارها ..

مشكور صالح على الصور..

[The Broken Legend]

الويي كله RPG

هات .. يلى قولنا ..
إذا تعتبر زيلدا أربيجي .. فأنت ما عرفت معنى الأربيجي عدل .. او ماجربت لعبة آربيجي

[FAS]

صلوح أنت و وجهك ...
بسبوس يبي يفهمك إن ألعاب الRPG قادمه للويي ,
تو الجهاز نازل وتو التطوير بدا عليه , عط الشركات فرصة وراح يعلنون عن مجموعة كبيرة ومتنوعة من الألعاب .
أقرب مثال شوف الدي اس , مكتبة الRPG فيه كبيرة جدا , وألعاب متعددة ورائعه مو بس من سكوير اينكس .
___
بخصوص الوي , اعتقد دراغون كويست حولوها أكشن صح ؟ ولا للحين RPG ؟
أما عن زيلدا ...
من قال انها RPG ؟

[PeaceDevil]

صلوح
إذا تقصد Pure RPG
Sword of Legendia
Dragon Quest Swords
Fire Emblem
Legend of the Dragon
و أعلنت كونامي عن لعبة RPG
و كذلك كاميلوت و أيضا كويي

و هذا الـPure Only


انا اسمي زيلدا Adventure...
أصلا ما فيها أي عنصر RPG

[K-i-l-u-a]

لعبة منتظرة طبعا وجرافيكس روعة

صح كلام بيس العاب الار بي جي انشالله وايد عالوي ولا تنسى باتن كايتوس الي وعدت ننتدو انها راح تكون سلسلة طويلة انشالله

Sword of Legendia

Fire Emblem

لازم اشتريهم

ثانكس The Broken Legend على الصور وبأنتظار الانغلش فيرجون

[The Broken Legend]

السلام عليكم ورحمة الله وبركاته

بسبوس يبي يفهمك إن ألعاب الRPG قادمه للويي ,
تو الجهاز نازل وتو التطوير بدا عليه , عط الشركات فرصة وراح يعلنون عن مجموعة كبيرة ومتنوعة من الألعاب

طيب انت شدراك انه بعد كم شهر راح تهل الألعاب عليه ؟ ياخي ماتدري شيصير بالمستقبل ..
بالإضافة ان بسبوس عدد لنا العاب الأربيجي المعلن عنها تقريبا ..
يعني ينعدون على الأصابع !!
لكن لو تشوف البلاي ستيشن 3 .. أكثر و أشهر و أجمل العاب الأربيجي عليها .. و إن كانت مو حصرية .. لكن بالنسبة للوي .. تكون قليله .. و معظمها جديدة ( مو سلسلة معروفه ) و أغلبها فاشله .. ( رأيي )

[K-i-l-u-a]

طيب انت شدراك انه بعد كم شهر راح تهل الألعاب عليه ؟ ياخي ماتدري شيصير بالمستقبل ..

لكن بالنسبة للوي .. تكون قليله .. و معظمها جديدة ( مو سلسلة معروفه ) و أغلبها فاشله .. ( رأيي )

انزين انت شدراك انها راح تكون فاشلة

معظمها جديدة ( مو سلسلة معروفه )

Dragon Quest Swords سلسلة معروفة و Fire Emblem و شنو المشكلة اذا اللعبة مو معروفة فالشركة اعتقد معروفة والعابها الار بي جي دايما ممتازه انا اتكلم عن Sword of Legendia ونامكو

وثانك يو اغاين

[The Broken Legend]

انزين انت شدراك انها راح تكون فاشلة

معظمهم جذي .. لان الشركات مو معطيه لألعاب الآربيجي اللي على الوي او الكيوب وجه .. يعني قاطين علينا اجزاء فرعيه و مادري إيش .. اما الأجزاء الأساسية دائما تكون من نصيب الأسد ( البلاي ) .. هذا الواقع ..

Dragon Quest Swords سلسلة معروفة و Fire Emblem و شنو المشكلة اذا اللعبة مو معروفة فالشركة اعتقد معروفة والعابها الار بي جي دايما ممتازه انا اتكلم عن Sword of Legendia ونامكو

طبعا في مشكلة .. يعني الحين لو يقولون لك .. في لعبة أربيجي جديدة قادمه على الوي حصريا .. و يقولون لك فاينل فانتسي 14 قادمة على الوي حصريا .. أيهي اللي تفرح فيها ؟

[K-i-l-u-a]

معظمهم جذي .. لان الشركات مو معطيه لألعاب الآربيجي اللي على الوي او الكيوب وجه .. يعني قاطين علينا اجزاء فرعيه و مادري إيش .. اما الأجزاء الأساسية دائما تكون من نصيب الأسد ( البلاي ) .. هذا الواقع ..

لالالا حرام مو الشركات الي مو معطيه الوي او كيوب ويه !! المتعصبين الي ظلمو العاب الار بي جي بشكل عام خصوصا سوكودين على PS2 شلون ؟؟ متعصبين فاينل فانتاسي صراحة هاللعبة حلوة ما اقول لأ لكن في اجزاء صراحة مو مقنعة وتقايمها ما يليق بأسمهاا وفوق هذا شوي عالي يكون تقييمها بسبب الجرافيكس انا الصراحة افضل سوكودين عليها كقصة طبعا وثانيا في العاب وايد حلوه عالكيوب مثل تيلز اوف سمفونيا وباتن كايتوس وفاير امبليم خصوصا سمفونيا المركز السادس على جميع الالعاب بمختلف اجهزتها وهي جزء مستقر انجاز اعتقد وار بي جي الننتندو اهي الي فتحت عيني على الار بي جي كنت من عشاق الاكشن مع اني جربت فاينل فانتاسي وما اقتنعت

طبعا في مشكلة .. يعني الحين لو يقولون لك .. في لعبة أربيجي جديدة قادمه على الوي حصريا .. و يقولون لك فاينل فانتسي 14 قادمة على الوي حصريا .. أيهي اللي تفرح فيها ؟

لوووووول صعب اجاوب لأني مافي شي عجبني بفاينل فانتاسي واللعبة اليديده عالوي راح اكون ماني عارف عنها شي بس بالحالتين راح افرح لأنهم اثنينهم ار بي جي طبعا انا جربت فاينل فانتاسي وبالنسبة لي سيئه وهذا ما يعني انها علطول سيئة بالنسبة لي لأ راح اشتري الاجزاء القادمة يمكن يعجبني جزء منهم

[The Broken Legend]

^ ^
فعلا لو تشابهت الأذواق لباضة السلع ..
لكن تظل فاينل فانتسي سيدة العاب الأربيجي .. بأعتراف الجميع .. فلما تسمع ان جزء جديد من السلسلة قادم عليها .. اكيد راح تعرف انه بيكون روعه .. خصوصا ان السلسلة معروفه من ناحية القصة و الشخصيات وووو بالأبداع .. فأحسن من أنك تسمع بأن لعبة جديدة قادمة للوي .. وانت ماتعرف وين أرضها ولا سماها .. فقط الأسم .. ولا عندك فكرة عن شنو ممكن تكون القصه او احتمال ظهور شخصيات سابقه من السلسلة ..

ألا بغيت اسألك .. انت شنو لعبت من فاينل فانتسي ؟
لاتقولي × و ×2 .. لأنهم أسوء جزئين بالسلسلة ..

[K-i-l-u-a]

^ ^
فعلا لو تشابهت الأذواق لباضة السلع ..

لووووووووووووول

لكن تظل فاينل فانتسي سيدة العاب الأربيجي .. بأعتراف الجميع .. فلما تسمع ان جزء جديد من السلسلة قادم عليها .. اكيد راح تعرف انه بيكون روعه .. خصوصا ان السلسلة معروفه من ناحية القصة و الشخصيات وووو بالأبداع .. فأحسن من أنك تسمع بأن لعبة جديدة قادمة للوي .. وانت ماتعرف وين أرضها ولا سماها .. فقط الأسم .. ولا عندك فكرة عن شنو ممكن تكون القصه او احتمال ظهور شخصيات سابقه من السلسلة ..

صح بس هذا للعبة الي بكامل سلسلتها ناجحة مثل رزدنت ايفل يعني كل جزء احلى من الثاني فلازم افرح لما اسمع جزء يديد قادم ... اما مثلا عندك ميتل غير كانت احلى لعبة عندي وما اشوف شي غير ميتل غير جزء الاول كان روعة والثاني نطرته وطلع اروع اما الثالث سنيك ايتر ما عجبني بالمرة حتى اني الحين مو مهتم بميتل غير Ps3 ولا اتابع اخباره بسبب الاحباط ارجو انك فهمتني

ألا بغيت اسألك .. انت شنو لعبت من فاينل فانتسي ؟
لاتقولي × و ×2 .. لأنهم أسوء جزئين بالسلسلة ..

لووووول مادري اي جزء بالضبط بس الي فيه 3 بنات انا كنت قاعد اتمشى بالرحاب واشوف وايد زحمه كلهم يقولون عطنا فاينل فانتاسي جان اوقف وياهم وقلتله عطني فاينل فانتاسي لوووول وخذيتها وختمتها وجذي قاعد اطالع النهاية وما عجبتني بالمره والله مو مصدق لي الحين انه كل عالزحمه على هاللعبة