عايش سهر

[UDK]

السلام عليكم و رحمة الله و بركاته


هذي ابيات ان شاء الله انها تحوز على رضاكم


عطشان ارويني يا رنا
عطشان اسقيني يا نهر
مشتاق وينك عني انا
و الشوق في قلبي من جمر
تعبان عالجني وش بقا
تعبان داويني بالصبر
مجروح من بعدك يا هنا
و الجرح في قلبي قد كبر
محسود في حبي و الهوى
مطعون في حبي بالهجر
عطشان ارويني يا رنا
سهران ليلي عايش سهر

و سلامتكم......



يا رب اشوف منكم انتقادات




تحياتي

[Mr.FMZ]

وعليكم السلام ورحمة الله وبركاته
حياك اخوي وشكرًا لك دايم مشاركتنا ابياتك
وصراحه رنا ماقصرت مخليتك تبدع
اجمل بيت برأيي:
محسود في حبي والهوى .. مطعون في حبي بهالجر
أما عن الملاحظات:
- بالوزن حاس انه فيه ثقل شوي احس اللي قبلها اكثر اتقان.
وفي نقطة بالنسبة لكلمة "هنا" .. استخدامك فيها كنكره هنا اظهرها كانها اسم .. والافضل اضافتها لشيء يعني "هنا القلب" .. او تعريفها "الهنا" .. واتوقع حتى لو عرفتها ب "ال" بتبقى لحاجة لشيء يوضح معناها.
- تعبان عالجني وش بقا .. تعبان داويني بالصبر ( البيت هذا احس المخاطب فيه مجهول وكانه يحتوي على مخاطبين اضافةً إلى "وش بقا" تحتاج إلى تكملة تبين اللذي بقا .
- ملاحظة أخيرة .. ابياتك تهتم بوصف الحال بشكل عام والشكوى .. لو تلحق كل بيت من هالابيات وص وشرح اكثر لتوضيح المقصود من البيت .. ان شاءالله يطلع معك بالراحه ضعف عدد الأبيات هذه مع ترابط اكثر لابياتك من حيث الفكرة والموضوع. هذا خاصة وانك ماشاءالله عندك معاني جميلة وعندك قدرة جيدة على كتابة الشعر.

اتمنى لك التوفيق ومن افضل لأفضل
بالتوفيق
بدر

[UDK]

حياك اخوي وشكرًا لك دايم مشاركتنا ابياتك

الله يحييك

وصراحه رنا ماقصرت مخليتك تبدع

انا لازم احفظ ذا الصفحة في المذكرة و اخلي رنا تشوفها

اجمل بيت برأيي:
محسود في حبي والهوى .. مطعون في حبي بهالجر

ملاحظة حلوة انا اقول كذا بعد

أما عن الملاحظات:

انت لو تقول هذي الجملة و لا تكمل الرد يكفيني

- بالوزن حاس انه فيه ثقل شوي احس اللي قبلها اكثر اتقان.

في هذي الابيات كنت حاب اتفلسف شوي في الوزن و ان شاء الله مع الوقت اضبطه

وفي نقطة بالنسبة لكلمة "هنا" .. استخدامك فيها كنكره هنا اظهرها كانها اسم .. والافضل اضافتها لشيء يعني "هنا القلب" .. او تعريفها "الهنا" .. واتوقع حتى لو عرفتها ب "ال" بتبقى لحاجة لشيء يوضح معناها.

فعلا ملاحظة حلوة انا كنت احاول قدر الامكان احافظ على الوزن

- تعبان عالجني وش بقا .. تعبان داويني بالصبر ( البيت هذا احس المخاطب فيه مجهول وكانه يحتوي على مخاطبين اضافةً إلى "وش بقا" تحتاج إلى تكملة تبين اللذي بقا .

مدري احس احساسك مو في محلة لأني قصدي بـ ( وش بقا ) يعني ما بقي شيء اما المخاطبين فمعك حق

- ملاحظة أخيرة .. ابياتك تهتم بوصف الحال بشكل عام والشكوى .. لو تلحق كل بيت من هالابيات وص وشرح اكثر لتوضيح المقصود من البيت .. ان شاءالله يطلع معك بالراحه ضعف عدد الأبيات هذه مع ترابط اكثر لابياتك من حيث الفكرة والموضوع. هذا خاصة وانك ماشاءالله عندك معاني جميلة وعندك قدرة جيدة على كتابة الشعر.

بالنسبة للوصف انا احب اوصف بشكل عام صحيح انا لو اشرح الحال اكثر بتطول عندي الابيات و انا كنت اتساءل ليه ابياتي في القصيدة الواحدة قليلة انت جاوبت على سؤالي لكن انا احب اني اوصف الحال بشكل عام صحيح ما فيه ترابط قوي بين الابيات و الوصف بالشكل العام يأثر على الابيات لكن انا معجبني هذا الاسلوب او يمكن انا ما اجيد اسلوب الشرح المفصل


مشكور اخوي بدر على الملاحظات المهمة و اللي انا ما كنت ملاحظها يعني انت بفضل الله وعيتني اكثر و اجبتني عن تساءلات كثيرة

و بالتوفيق



تحياتي

[~*RoSaMaRia*~]

قصيدة سلسلة مررررة ..
وتنساب برقة وعذوبة الى وجداننا ...
الصراحة موفقة بكل معانيها ..وعجبتني حركة ابتداء الابيات ..
ياسماء فاعل " تعبان ، عطشان ، ...الخ "

[UDK]

~*RoSaMaRia*~

مشكورة على ردك و تعليقك



تحياتي

[إنـسـان ثـانـي]

السلام عليكم ورحمة الله وبركاته

اهلا مره اخرى بك اخوي
كان ودي ارد من اول لكن .. حال الدنيا


محسود في حبي و الهوى
مطعون في حبي بالهجر

من خلال متابعتي لكتاباتك ... تشعرني قصائدك بحساس ما


احساس خفيف يزدني شوقا لمتابعة باقي القصيده


اتمنى لك الارقى دائما

وانتظر جديدك

يسعد صباحك

[الملك ديلبيرو]

مشكور علي الابيات الشعر

[غالي الساهر]

رائع يا الغالي

سطور شعرية جميلة وكلمات في منتهى الروعة

سلمت أيدينك وصح السانك

وبعد بأنتظارك ..

::. تحيات غـ11ـي