سلام حبايب هذا شعر عندي محتفظه فيه من فتره وهو حيل عاجبني للشاعر :فيصل راشد السبيت .
فأحببت ان انقله لكم واتمنى ان يعجبكم.............
ضاع الأمل
ضاع الأمل واليوم قلبي تناساك
مدام حبي يا حبيبي نسيته
أشره عليك اليوم وأزود لاماك
لما اتضحلي كل شي خفيته
أهديتلك شوقي وكانت هداياك
هم وجفا وجروح دمع بكيته
هذا جزا اللي ضيع العمر وياك
ونوى الوصال وبالمفارق نويته
ماني مصدق كيف بانت نواياك
وتفاجئ احساسي بظلم جنيته
ضاعت حياتي من سبايب سواياك
عقب الغلا قلبي بكفك رميته
ولا تحسبن قلبي ما يصير بفرقاك
هذا طريقك وانت اللي مشيته
واليوم انا خلاص عاديت طرياك
وطيفك من الذكرى تراني محيته
وخل السعاده والفرح فال دنياك
واعلم بحبك ياحبيبي نسيته
وأنصحك لا ترجع ولا تقول انا أبغاك
ترى بتسمع هرج ما قد حكيته
