استقالة 7 اعضاء من اتحاد الكرة الكويتي لكرة القدم

[ToUaReG]

استقالة 7 اعضاء من اتحاد الكرة الكويتي لكرة القدم

اعلن أعضاء مجلس ادارة الاتحاد الكويتي لكرة القدم صلاح الحساوي ، خالد الفهد، سهو السهو ، غانم جالي، سعود مشلش، خليفة بهبهاني، كمال الشمري ( شلة الفساد الكروي ) انهم قدموا استقالاتهم من عضوية الاتحاد الكويتي لكرة القدم عقب هزيمة المنتخب الوطني الاول من نظيره الاماراتي مساء اليوم وخروجه من الدور الأول لبطولة كأس الخليج ال18 لكرة القدم.


alazraq.com


و عقبال الراس العود اللي مجلب بالكرسي ..

[A v r i l]

thanks alot !! i hope this is true khal yest7oun 3ala wyohum re7at'hum 3afanat bel eite7aad

[Exodia]

خطوة متأخره منهم ..

التراجع كان واضح على النتخب الكويتي من فترة طويلة ..

والمفروض كانوا يقدموا استقالتهم بعد كأس الخليج اللي أقيمت في الكويت ...

إن شاء الله يتبدل الحال ونشاهد الأزرق بثوب جديد

ومشكور أخوي ToUaReG على الخبر

[!!!!!]

الخبر عرضته قناة الكاس ايضا ..

بالتوفيق للكرة الكويتية .. وان شاء تعود ايامك يا الازرق

[DMC]

للاسف الخبر كان متأخر

وهاردلك للمنتخب الكويتي --__--

[ToUaReG]

thanks alot !! i hope this is true khal yest7oun 3ala wyohum re7at'hum 3afanat bel eite7aad

الله يسلمك 7 سنين في الاتحاد .. من فشل لي افشل .. كل شي في العالم تغير الا اتحادنا ..

و مشكور على الرد ^^ ..

[ToUaReG]

خطوة متأخره منهم ..

التراجع كان واضح على النتخب الكويتي من فترة طويلة ..

والمفروض كانوا يقدموا استقالتهم بعد كأس الخليج اللي أقيمت في الكويت ...

إن شاء الله يتبدل الحال ونشاهد الأزرق بثوب جديد

ومشكور أخوي ToUaReG على الخبر

اهو المفروض من زمان الزمان ..
بس هذول اهم شي عندهم مصالح اما الكويت طز فيها ..
اخر مره استقالوا و الجمعية العمومية رفضت استقالتهم ..
وهاذي كلها مسرحيه واعتقد حتى هالمره ..

عالعموم العفو وشكرا على ردك ^^ ..

[ToUaReG]

الخبر عرضته قناة الكاس ايضا ..

بالتوفيق للكرة الكويتية .. وان شاء تعود ايامك يا الازرق

الله يسمع منك ^^ .. المفروض يعرضونه عالـCNN ..

و شكرا عالرد ^^ ..

[ToUaReG]

للاسف الخبر كان متأخر

وهاردلك للمنتخب الكويتي --__--

اصلا متوقع انه متأخر لانهم لو فايزين اليوم جان ما استقالوا ..
و اتوقع كاس الخليج الياي بتلقاهم بمقدمة وفد منتخب الكويت مرتزين ..

و مشكور على ردك ^^ ..

[راؤول الأسطورة]

بعد خراب مالطا
واضح ان الخطوة متأخرة جدا ولو اتخذوا قرار جريء مثل ما فعله اتحادنا بالاستقالة الجماعية قبل الخليج كان أبرك... لكن دام انهم بدأوا فيها لازم يستمروا ويقال الاتحاد بكامله ويعين اتحاد جديد ويعاد ترتيب الاوراق كما ان المنتخب الجديد واضح انه أحد الاجيال القادمة بقوة وما تنقصها غير الادارة الفعالة النشطة اللي تحكمها والخبرة الكافية لتحقيق البطولات والاستنجاد ببعض اللاعبين الموهوبين مثل بشار وفرج و...
وأهم شي التخلص من التمثال اللي واقف ورا الخط "المدرب" اللي مدري اذا نطق بحرف من بداية كأس الخليج
>> تعازي لك على الهاردلكات اللي تسمعها كثير بالأيام الاخيرة من الكويت والريال
على فكرة على دبي الرياضية برنامج المنطقة 18 حاليا جالسة تكشف حقائق مريرة عن اتحادكم الموقر

[ToUaReG]

بو قتاده: ها بو تركي متى بتستقيل ؟؟
بو نبيل : تكفى استقيل ..
بو تركي : وسع صدرك وسع صدرك ما انغلبنا من بنغلادش الى الحين !!!

شباب شرايكم بالصوره ؟؟

[ToUaReG]

بعد خراب مالطا

هم بعد الخراب مو راضي و لا مقتنعين .. واهم استقالوا خوفا مو عن قناعة ..

واضح ان الخطوة متأخرة جدا ولو اتخذوا قرار جريء مثل ما فعله اتحادنا بالاستقالة الجماعية قبل الخليج كان أبرك... لكن دام انهم بدأوا فيها لازم يستمروا ويقال الاتحاد بكامله ويعين اتحاد جديد ويعاد ترتيب الاوراق كما ان المنتخب الجديد واضح انه أحد الاجيال القادمة بقوة وما تنقصها غير الادارة الفعالة النشطة اللي تحكمها والخبرة الكافية لتحقيق البطولات والاستنجاد ببعض اللاعبين الموهوبين مثل بشار وفرج و...

يا حبيبي الاتحاد من قبل استقال يوم نخسر من كوريا و السعوديه 3-0 و 4-0 ..
استقالوا و الجمعية رفضت استقالتهم .. وطبعا هاذي مسرحيه منهم ..
و المنتخب اليديد صج قوي يبيله اتحاد سنع .. لانه اذا هالاتحاد مسك المنتخب ..
راح يفلونه مثل منتخب سيدني 2000 شلون شتتوه .. و لاعبين الخبره يشيلونهم ..
عيل فرج لهيب و خلف السلامه بره التشكيله ؟؟؟

وأهم شي التخلص من التمثال اللي واقف ورا الخط "المدرب" اللي مدري اذا نطق بحرف من بداية كأس الخليج

التمثال هذا للطوارئ يايبينه كالعاده و علشان يصير شماعه و يحطون البلى براسه ..
و تبي الصج نطق بس كله يقول (( و الله يعني احنا لعبنا بس يمعود الحظ مشكله اي هذا الحظ بلوه ))

>> تعازي لك على الهاردلكات اللي تسمعها كثير بالأيام الاخيرة من الكويت والريال

لووووووووووووول اي و الله مو مترقعين لا من المنتخب و لا الريال ..

على فكرة على دبي الرياضية برنامج المنطقة 18 حاليا جالسة تكشف حقائق مريرة عن اتحادكم الموقر

ياخي ما نبي نعرف حقائق .. نبي استقاله ..

[sweet Mio]

بو قتاده: ها بو تركي متى بتستقيل ؟؟
بو نبيل : تكفى استقيل ..
بو تركي : وسع صدرك وسع صدرك ما انغلبنا من بنغلادش الى الحين !!!

شباب شرايكم بالصوره ؟؟

وربي هذا بو تركي مادري متى بيحفظ ماي ويهه ويفارج عن الاتحاد
محنج مو راضي يستقيل مادري شناطر ><"
ان شاء الله يفكنا ويستقيل ويتسنع الاتحاد لانه مو لصالحه التراجع هذا ><"
شي يفشل ويقص الويه

[فارس الميلان]

ان شاء الله تكون هذي اول الخطوات لرجوع الازرق لمستواه
مشكوووور أخوي على الخبر