سولف معانا " gamers have no life "

[FARES360]

أحس العنوان ماشي ويا سياقية برامج التلفزيون .. ما علينا ..
الموضوع اليوم راح نتكلم عن انفسنا الgamers ..وبالأخص المدمنين " يلعبون يوميا "
من امثال ff online , w.o.w هالشله معروفه والباقيين مقسمين على others games ..
الموضوع فتحته بعد ما شفت تحديدا توقيع عضونا المميز dark watch والي توقيعه يقول

’___ I retired , Done with Xbox360 and video games ,
Gamers has no LIFE ....

كما هو معروف انه المدمنين غالبا ناس انطوائيه قليل الخروج وتغير الجو ..دايم منغلق في منزله او غرفته بالأصح ..ناس ما تعترف بالصداقات الخارجيه فقط online friends .. غير الي تييهم امراض نافسيه من الأدمان الزايد وغير الي توفوا وهم يلعبون فيديو جيمز نفس ما قرينا في بعض الأخبار السابقه ..

السؤال الرئيسي هو :

طبعا كونكم gamers نبي نشوف ردودكم بخصوص جملة gamers have no life ..هل انت معاه ام ضده ولماذا ؟

اولا نبدأ بسألئه شخصيه ..
- انت كم ساعه تمضي لعب يوميا ؟
- انت تفضل الطلعه والهياته والقز برا او تقعد بالبيت ولعب
- هل العاب الفيديو جيمز غيرت من حياتك بمعنى كنت اجتماعي وفجأ ..صرت انطوائي !
- المتعه في حياتك تراها في الvideo games ام في هوايات اخرى وماهي؟
- هل أثر في شخصيتك وصحتك ..مثلا صرت انسان بارد , انسان عصبي , انسان كثير الأرتباك , قليل النوم ..الخ


انا ببدأ ..
طبعا انا محايد ..نوعا ما احنا ما عندنا حياة فعلا.. لكن بنفس الوقت انا اشوف الحياة في الvideo games ..حسب المكان الي انا عايش فيه والي هي الكويت , انا اقولك ليش.. اذا ما تلعب؟ شنو بتسوي ؟ تفتر بالسياره ولا تقز بالمجمعات وحق الرياضه الجو ما ينفع هني ..وانا هواياتي للأسف مو موجوده هني breakdance , graffiti walls and paint , dance lessons , photography & modeling or fashaion stuff ,, clubs , big skate places ..and camping in middle of mauntain, rivers ..etc ..some natural view .. ..يعني بصراحه ما عندنا غير هالسينما..والي البعض اعتزلها iam talking about dvd people , فنظريتي عكس نظريتك انا اشوف الحياة تكون في الlive و playing games على عكس الخروج برا والممل الزايد .. " طبعا مجرد رأي خاص " ..كل واحد وهواياته

thats all i got to say ..., WHOS NEXT

[Kenji 42]

يعطيك العافية فروس

- انت كم ساعه تمضي لعب يوميا ؟

لعب ؟ مو وايد. تقدر تقول 4 ساعات على الإكس بوكس، ساعتين أو 3 على الكمبيوتر. لكن النت عموما ً ماخذ وقتي.
Photoshop + Sketchup\3D Max + My Blog + Forums I'm In
كلها أشياء أفضّلهم على الجيمز أحيانا ً .

- انت تفضل الطلعه والهياته والقز برا او تقعد بالبيت ولعب

LOL، أفضّل إني أنحبس بغرفة لمدة يوم كامل ولا إني أطلع وأفرفر بالسكّة مثل القطوة المينونة
those guys have no life.
على الأقل آنا قاعد أسوي شي ما يغضب ربي غير اللي يفترون من مجمع ليه مجمع، مالهم إلا خراب البيوت

- هل العاب الفيديو جيمز غيرت من حياتك بمعنى كنت اجتماعي وفجأ ..صرت انطوائي !

Nope، النت غيرني وايد، الجيمز ما كان له تأثير كبير عليّ سوى إنه "عصبيتي" زادت.

المتعه في حياتك تراها في الvideo games ام في هوايات اخرى وماهي؟

أكيد فيه متعة يوم ألعب، لكن مو بس بالجيمز، I got :
Reading + Photoshoping + Watching Anime's & TV Series + Music in general

- هل أثر في شخصيتك وصحتك ..مثلا صرت انسان بارد , انسان عصبي , انسان كثير الأرتباك , قليل النوم ..الخ

My health bar dropped to the minus, buddy
صرت مهمل بكل شي ، كسول ، عصبي for sure ولو إنه العصبية فيني من زمان ، قليل النوم ، وأشياء ما أذكرها


ومع هذا كله، أستمتع بالجيمز كثير، البعض يشتري لعبة يجربها يوم واحد يقطها، لكن شبابنا بالمنتدى نلعب اللعبة ونحلل فلوسها تحليل حتى لو شاريها بدينار هههه.

Thanks Fares


تحرير\

طبعا كونكم gamers نبي نشوف ردودكم بخصوص جملة gamers have no life ..هل انت معاه ام ضده ولماذا ؟

لول، طبعا ً ضده .!!!
We got million lives, and if it's not enough I'll turn the gameshark and make it infinity lol

[EVIL KNIGHT]

لووووول عنوان الموضوع فلة
على العموم الموضوع شكله حلو كل واحد يتكل عن حياته ووضعه مع ال vedio games

صراحة انا بالنسبة لي اجلس على الvedio gamrs حول ال 7 ساعات يوميا
مقسمة على wow و xbox 360 (بس ذي قطعتها لظروف قاهرة)
ومن جهة الطلعة والنزلة اللعب ما يأثر علي دايما اطلع مع الشباب واللف وادور واروح بر وبحر يعني عادي
وكثير من الشباب قالولي انت غريب لأنك تلعب wow & vedio games ونشوفك كل يوم
ومن جهة غير شي بحياتي ابد ما تغير شي غير اني صرت ما اذاكر ابد ><
ايوه ارى المتعة الشخصية وقمة النشوة وانا قاعد اللعب
ومن جهة التأثير على الصحة فا تأثرت كثير
صرت اعصب كثير كل ما اخسر والله يعين اللي يكون يلعب معي او يكون جالس جنبي
وصار نوم قليل وموتعيده غلط بقوة><
that's all wgat i have
thx fares

[SHALASHSKA]

بسم الله الرحمن الرحيم

اولا:/ انا انسان مالي شغل بالعب وايد و ساعات لعبي على الاجهزة قليلة يعني
ساعتيين بالكثير باليوم الواحد اما اذا طقت العبة براسك او سلسلة تحبها طبعا حتى لو تقعد
ليين اليوم الثاني تلعب بالعبة مايهمك لأنة ودك تعرف شنو راح تصير بالنهاية ....الخ

ثانيا:/ قبل فترة يوم كنت قاعد مع الشباب بالقهوة واحد من الشباب فتح موضوع عن "الحياة السعيده"
الله يسلمكم الحياة السعيده اهي انك تلعب 24 ساعة مادري عن الي يدور حوالينك ((تنسى صلاتك))
ماتدري وين الله قاطك .

- س:/ اهني صاحبنا سالنا الي يحب يلعب العاب RBG مثل Wow ااو FF هاذا شلون راح تكون حياتة هاذا حتى لو تزوج يلعب زوجتة RBG والله ترى فييه ناس من قامو يلعبون العاب الايف 24 ساعة مايدري عن زوجتة جنة تزوج الجهاز الي قاعد يستعملة ....... ؟

- اهني انا جاوبتة قلتلة شووف الناس الي يلعبون online على طووول فييه عندهم اجابيات و سلبيات اول الايجابيات شوووف شلون لغتة بالانجليزي بعض الناس اتقنو اللغة اليابانية من online و قالي بعد شنو بس يتعلمون لغة هاذا شي سهل يروح اي معهد و يتعلم ...... المهم و من الايجابيات يعرف مصطلحات و عبارات و عادات و تقالييد دولة ثانية ويعرف شلون يتعامل مع الناس فييه حياتة الطبيعية ..

- اما السلبيات اذا كان 24 ساعة امجابل online هاذا سبب كبير فييه زيادة نسبة الصقوط و الترسب بالمادة والله انا اعرف ناس عندهم امتحان فيزيا يطنش و يلعب بعدها يخصص ساعتين حق الدراسة يدرس نص ساعة و ينام و طبعا كثيير من الشباب الي يلعبون online ينسون صلاتهم انا سألت واحد قلتلة انت تصلي يقولي انا اصلي يوم و ترك على حسب العبة .... مايجوز

و بس يعطيكم العافية على القرائة و انشالله ماطولت القراية عليكم هاذا مجرد رأي
مع تحياتي Shalashska

[Emirates]

شوف فارس

دامك تلعب واللعب ما ياثر على صلاتك ولا على عبادتك وعلى على شغلك

عيل عندك حياه وتنعم بها

سالفة انها تخليك تجلس بالبيت وما تظهر هذا شي متروك لشخصية الواحد

فيه ناس يحبون الحواطه

وناس طبيعتهم يلسة البيت

بيني وبينك الاكس 360 خلتنا نقلل ظهراتنا من البيت والسبب هالاتشيفمنت لوووول

لكن انه نتضايق من هالشي

لااا طبعاا

سالفة الجيمرز هاز نو لايف شو عيل ميتين هم تراهم بعد حيين لكن يلعبون ^_~

[Kenji 42]

شوف فارس

دامك تلعب واللعب ما ياثر على صلاتك ولا على عبادتك وعلى على شغلك

عيل عندك حياه وتنعم بها

yeah dude, you rock

[Dukefleed]

Cool thread yo

- انت كم ساعه تمضي لعب يوميا ؟

على أيام كنت مدمن فاينل كنت العبها من اول ما اقوم من النوم لين ما ارجع انام(في الصيف والإجازات هالكلام).. وبصراحة فاينل ما تقصر لول -_- سوينا quit شهر 10 ومن الملل بدون اللعبة رجعنا (انا والربع)

- انت تفضل الطلعه والهياته والقز برا او تقعد بالبيت ولعب

اقعد بالبيت.. ما احب اطلع ابداً.. ما احب اروح السينما وافضل اطالع انمي في البيت، لول. وإذا طلعت عيل عن حاجة..

- هل العاب الفيديو جيمز غيرت من حياتك بمعنى كنت اجتماعي وفجأ ..صرت انطوائي !

أبداً.. ما اظن اني كنت "اجتماعي" لهالدرجة يعني -_- من يوم انا صغير وانا احب الألعاب.. وبديت "الإدمان" يوم كان عمري 10-11 هه..كنت العب Red Alert 2 و CS.. وهذا غير الـconsoles الي عندي.

بس تقريباً انا مثل كينجي.. النت هو الي غيرني في البداية ومب الألعاب

- المتعه في حياتك تراها في الvideo games ام في هوايات اخرى وماهي؟

Video Games + Net forever!

- هل أثر في شخصيتك وصحتك ..مثلا صرت انسان بارد , انسان عصبي , انسان كثير الأرتباك , قليل النوم ..الخ

همم مادري.. بس انا قبل كنت "استحي" وايد.. وللحين فيني هالصفة "السيئة" نوعاً ما ههه.. وبصراحة وايد أفكر : "هل الإنسان يكون طبيعي يوم يتم في البيت وما يطلع ابداً، كله على النت+الألعاب".. I feel bad when I think like that lol.

--

On a side note: FFXI made my English a bit better than before, lol

[kingx11]

فالماضي كنت 90% فالبيت العب جيمز وانترنت وبعدين اشتغلت وبدى اهتمامي بالالعاب يقل تدريجيآ

والحين صرت 10% العب جيمز والباقي اطلع برا او عالنت فالمسنجر بس

لان فيه امور كثيره فالحياه لازم تتعلمها وتكتسب خبره منها الجيمز والنت ماراح ينفعونك يوم تتزوج وزوجتك تطلب منك اشياء انت ماتقدر عليها ((افهموها)) من اهمها القعده مع اهلها الي بتكون صعبه عليك بما انك خجول وانطوائي


no self confidence = no healthy merriage

الالعاب الحين لتقضيه اوقاتي اللي تكون فراغ وعادة تكون اخر الليل من 1 ونص وطالع

الباقي مشغل نفسي بأمور كثيره اهم بووووواجد من اتشيفمنت يمكن ينمسح لو صار شي خطآ بالاكاونت حقي

[SILENCE.98]

صراحه انا مدمن على الـ Xbox360 بشكل غير طبيعي وبالعاده فيه لعبة آركيد تجي مع الإكس 360

Heicx اسمه او كذا المهم اني ختمتها كامله من الطفش .. وادمنت على " جست كيز " وختمتها 7 مرات

يعني صراحه الإكس 360 خلاني ادمن إدمان ماهو طبيعي ابداً يعني متعه 100% ماقط شفتها بحياتي

وبعدين مصدقين ان اسطورة الأتشيفمنت بيسكر الايف .. ابططططططططت وبقوه بعد ياخي هو اصلا ..

ماقدر اقول هو محلفني بالماسنجر ماعلم احد على العموم الي يجرب الايف ماظنتي بيتركه وبالنسبه لي

بأيام الدراسه 8 ساعات لعب " مع الصلاة طبعاً " فكما قال اخونا إيمرتس اهم شيء لايأثر على دراستك وعبادتك لله ..

وهذا الي انا اسويه وفي الإختبارات الإكس 360 يسفرونه للإستراحه ويقفلون عليه هناك

[Mr.Xbox]

موضوع روعه يعطيك العافيه فارس

طبعا كونكم gamers نبي نشوف ردودكم بخصوص جملة gamers have no life ..هل انت معاه ام ضده ولماذا ؟

لووول , اكيد ضده , تقدر تستمع بحياتك بأشياء كثيره ^^

- انت كم ساعه تمضي لعب يوميا ؟

من 4 الى 6 ساعات واذا كانت لعبه روعه ومتحمس لها كثير اقعد من 6 الى 8 ساعات

- انت تفضل الطلعه والهياته والقز برا او تقعد بالبيت ولعب

افضل اني العب اكثر من الطلعه الا اذا ماكان عندي لعبه حلوه فمايكون عندي حل الا اني اطلع

- هل العاب الفيديو جيمز غيرت من حياتك بمعنى كنت اجتماعي وفجأ ..صرت انطوائي !

انا اصلاً ماكنت اجتماعي كثير اصلا فما اتوقع ان الالعاب غيرت معنى حياتي كثير

- المتعه في حياتك تراها في الvideo games ام في هوايات اخرى وماهي؟

اغلب المتعه اشوفها في الالعاب بس في اشياء اخرى اهتم بها مثل الانترنت واحياناً التصميم على الفوتوشوب

- هل أثر في شخصيتك وصحتك ..مثلا صرت انسان بارد , انسان عصبي , انسان كثير الأرتباك , قليل النوم ..الخ

صرت عصبي زياده وصرت ادوخ زياده عن اللزوم يعني دائما اكون دايخ بس مع ذلك اقاوم لووول

[just guy]

انا انولدت جيمرز (( هذا حظي من على الدنيا وعيت ))

حتى اول كلمة نطقتها اتاري هههههههههههههههههه العن ام المبالغة

من صغري كنت شوي انطوائي على نفسي لانه كانت عندي ظروف صعبه

وما لقيت شي اهرب اليه غير الجيمز وادمنت عليها حيث اني كنت اقضي يومي

كامل على الاتاري بس بعض الاحيان كنت اطلع مع شباب نلعب كوره وهيك << شفيه قلب لبناني

اما من ناحية طبيعتي انا هادي واغلب الوقت سرحان بس اذا عصبت ما اتفاهم على

طول طررررررراق او بوكس هههههههههه هاذي على ايام المراهقة الحين اختلف الوضع ...

بس اغلب الوقت صاك على نفسي في الغرفة والعب بلايستيشن او على النت في منتديات او الماسنجر

حتى اني تزاعلت مع اخوياي عشان هذا السبب ........ بس الحمدالله انا احاول قد ما اقدر اني ما اخلي

الجيمز ياثر على صلاتي وعبادتي وما ازكي نفسي على الله بس في العمل ساعات اهرب عشان العب

فاينل فانتسي ههههههه بس انا مع المدير كذا

gamers have no life <<=== اوافقك عليها

[SILENCE.98]

نسيت اوضح حاجه فيه نوعيتين للجاميرز كما قال اخونا إيميرتس :

1- الحواطه كما قال إيمرتس : هم الي يلعبون 6 ساعات وتشوفهم اغلب الأوقات بالشوارع يدورون وقبلهم طلعات مع اخويائهم " الحمدلله انا منهم "

2- الناس الي بالبيت : ناس كل وقتهم لعب وإنترنت ولا يعطون العالم فرصه .. ياخي للي من هم من هالمجموعه اطلعو مع اخويائكم تمشو .. روحو رجليه على الشوارع تمشو .. والله صدقني لو كان بمدينتك منتزه اطلع انت واصدقائك تمشو وصدقني ام الوناسه ام الوناسسه وإسأل مجرب ولات تسأل طبيب

[Dark Watch]

- انت كم ساعه تمضي لعب يوميا ؟

8- 12
- انت تفضل الطلعه والهياته والقز برا او تقعد بالبيت ولعب
اذا طلعت يا اطلع اتعشى من مطعم , او اطلع قنص , او اروح السينما , او اروح بقالة الفريج

- هل العاب الفيديو جيمز غيرت من حياتك بمعنى كنت اجتماعي وفجأ ..صرت انطوائي !
بالعكس صرات اجتماعي اكثر
- المتعه في حياتك تراها في الvideo games ام في هوايات اخرى وماهي؟
الصيد البري ..
- هل أثر في شخصيتك وصحتك ..مثلا صرت انسان بارد , انسان عصبي , انسان كثير الأرتباك , قليل النوم ..الخ
وايد .. لوول

وبعدين يعني ليش مستهدفني انا تحديدا ؟

اعرف واحد في منتدى اجنبي , يقول الجيمرز عندهم اكثر من حياة .. لووول ..

[Kenji 42]

عبود بنشتاق حق الجيمر تاج مالك.
Think about it again وإرجع

[Dark Watch]

رجعت لوول ....