حظك زين ، حصلته :
فيه شاشات LCD متميزة ودقتها عالية مع MS منخفض ، شف وأنا أخوك أرجحلك Acer Ferrari الجديدة الصراحة شاشة ماعليها الكلام متميزة جدا ، تجي 17 ، 19 ، 20 بوصة
طبعا الـ 20 Wide Screen ، المهم تجي بالمواصفات التالية :
1- الدقة القصوى 1050*1680
2- 8MS
3- زاوية المشاهدة 176 أفقي وعمودي وتراها أكثر من كافية
واللي يميزها صراحة انها تجي بتقنية CrystalBrite من Acer
وهذي التقنية تعطيك وضوح وسطوع عالي جدا وعمر الـ backlight مع هذي التقنية
يوصل للضعف يعني بحدود الـ 40 ألف إلى 60 ألف ساعة تشغيل متواصلة !!
الشاشة يجي معها أنواع الكيابل وفيها المنافذ التالية :
DVI - SUB - S Vedio - VIVO حتى الأنتينا حق البث الأرضي موجود !!
ويجي معها ريموت تتحكم بالشاشة عن طريقه ، صراحة شاشة ماتوصفها الكلمات
يعيبها شي واحد ، السماعات ضعيفة شوي ، أنا ماأسمع إلا أغاني قديمة وبعض الأحيان تعلني
تكون واطية ولاأقدر أرفع وإذا جت أغنية جديدة ماأقدر أنطرب
رحت وشريت سماعات خارجية وارتحت بس الباقي مايعيبه شي
اللي عندي 19 بوصة تجي بسماعتين 2 واط أما الـ 20 بوصة تجي بـ 5 واط لكل سماعة
وهي أقوى يعني الضعف ونص ، إذا شريت الـ 20 ماأشوف فيه داعي للسماعات الخارجية إلا
إذا ودك تركب 4.1 أو غيره ...
الـ 19 أخذتها أول مانزلت السوق بـ 1900 ريال
بس الأسعار حاليا كالتالي :
1- 17 بوصة بـ 1690 ريال .
2- 19 بوصة بـ 1890 ريال.
3- 20 بوصة 2190 ريال .
وانت بكيفك ، شف الأناقة بس :
الشاشة اللي اخترتها انت نفس ذي اللهم انها بدون ريموت والشكل يفرق والسماعات والاكسسوارات اللي تجي معها والمنافذ وأهم شي انها ماتعدم HD لكن الـ Ferrari يدعم لكن الـ 20 بوصة بس
وانت بكيفك وترى جهازي فضي مثلك ولا أشوف انها مسويه فرق لأنلونها أسود من قدام والأحمر كله ورى ووراها جدار ، يعني مافرقت ،،،
سؤال عن أفضل شاشة LCD
المشاركة الأصلية كتبت بواسطة kingx11
