عضو جديد
اخواني خلاص قررت اشتري جهاز اكس بوكس 360 .....ابغيه ياباني (عشان معضم الالعاب الكوبي تكون شغاله عليه اكثر من باقي الانضمه وهو ارخص عموما) سمعت انه ب 1400 ريال.
بغيت اسال الاخوان بالسعوديه ...وين الاقيه بالدمام او الخبر........بطقها من البحرين ليهناك عشان اشتريه.
لقيته بالبحرين موجود ياباني مع المودتشيب 240 دينار ومع الفلاش سوفتوير ب 180 دينار بدون ضمان.
لو سمحتوا وين الاقيه بالخبر ؟ الاقيه بالراشد؟ او بمنطقه قريبه له؟ او في الدمام ووين بالضبط؟
شكرا لكم.
التعديل الأخير تم بواسطة asay ; 10-02-2007 الساعة 10:08 PM
عضو جديد
الضاهر ماكو سعوديين بالمنتدى!!!!!!!!!!!!!!!!!!!!!!
عضو مميز
انا ايطالي
خبرتي بالشرقية قليييلة
لكن عندك النسر اسعاره حلوووة وموجود بالدمام بس مادري وين بالضبط
عضو جديد
عندك الفارس في الدمام
بيت الكمبيوتر في الخبر و الراشد
بس وين المحل الي في البحرين ، شسمة و هل يبيع سيديات كوبي وبكم
لاني تمللت كل ما أبي اشتري سيديات اروح السعودية
عضو جديد
اخوي المحل في مدينه حمد..ثاني لفه بعد الدوار الاول(اسم المحل فينكس و اعلانه ازرق)
...يقول صاحبه انه عنده اكثر من 95 لعبه جديده منها جيرز اف وارز و وننج الفن ووغيرهم وايد...
اللعبه بخمسه دنانير.......................
اخوي انت من وين خذيت جهازك وبجم؟ معاه ضمان؟
هذا المحل عنده نسختين (كلهم ياباني ...حسب مايقول اهو يشغل كل شي) وحده بسوفتوير والثانيه قطعه تركيب. الاول ب 180 والثاني ب 240 دينار. بس المشكله ماعليه ضمان وهذا اللي مخوفني؟
انت شلون جهازك معاك؟ مرتاح منه؟ وشقد صار له عندك؟
انه سمعت انه بالسعوديه سعره حوالي 1400 ريال (النظام الياباني) .الاقيه بالراشد؟
ومسامحه طولت عليك
عضو جديد
مرحبا اخوي
انه خذيت جهازي من السعودية في محل من القطيف اب 180 دينار ياباني عاد مادري مودشيب ولا سوفتوير
ابصراحه انه الجهاز مرتاح منه
جهازي جديد ما اخذ له أسبوعين
وعموماً أذا الجهاز يشغل كوبي يعني مافي ضمان
أذا انت خايف تاخذ الجهاز ويخترب عندك اتبع هذي الاشياء الي أنه اتبعها
1-أذا تبي جهاز يشغل كوبي ، خذ لك جهاز ياباني من الاصدارات الجديدة ( من شهر 5 وفوق)
2-حط الجهاز على طاوله خشب
3-لاتلعب اكثر من خمس ساعات ونص
4- خل الجهاز في مكان بارد
5-بعد ماتخلص من اللعب حط على الجهاز فوطة علشان مايدش فيه اغبار
6- لاتحرك الجهاز و السيدي بالداخل
و انشاء الله راح يعمر الجهاز عندك
عضو جديد
D0WN~T0WN
jasson_x
شكرا ................
يمكن اروح مجمع الراشد اشوف واذا طلع نفس السعر باخذه من هني.
جاسون......شلون اسعار الالعاب بالسعوديه...وشنو الالعاب اللي لعبتها ...(هل سعر 5 دينار لللعبه مناسب)؟
انه عندي مشكله عويصه وهي اني ماقدر على الالعاب اللي يسمونها first person shoter
مثل دووم
تسبب لي صداع!!
شنو الالعاب الحلوه اللي اللاعب فيها ضاهر جدامك....يعني تشوف الشخصيه وانت تحركها؟
اذا عندك فكره طبعا؟
مشكور
عضو جديد
شوف أخوي اسعار السيديات في السعوديه 5 دينار بس في اعضاء في المنتدى يخذونهم ب 3دينار لانهم عملاء
بالنسبه للالعاب الي في الجهاز فهي متنوعه بس اكثرها فيرست بيرسن شوتينق
وبالنسبه للصداع ما اظن راح يجيك منها لان الجرافيك واضح جداَ ومايعور العين
و اذا بغيت العاب مب فيرست بيرسن عليك بهاذي لسته :
1- جيرز اف وار
2- لوست بلانت
3-ديد رايزنق
4- ساينت رو
و الكثير
واي استفسار انه حاضر
ضوابط المشاركة
