السلام عليكم ورحمة الله
انا اولا عايزة ابدأ بسؤال لكل بنوتة او شابة او سيدة...............
من منكم لا تشعر بأن بأن معظم الرجال بصفة عامة دائما يروا نفسهم افضل من المرأة ؟
انا عايزة البنات يجاوبوني على السؤال ده ...... هل انتي كتير بتحسي ان الرجل ( سواء كان اخوكي او قريبك او صديقك اوحتى الشخص اللي انتي مرتبطة به خطيبك او زوجك ) انه شايف نفسة احسن منك بمعنى انه من وجهة نظره يرى انه اكفأ منك في اداء اي شىء ( طبعا بستثناء الاهتمام بالمنزل او رعاية الاولاد و شغل المطبخ فطبعا المرأة اكفأ من الرجل في اداء هذة الاشياء دا شىء مفروغ منه ولا جدال فية )لكن انا بتكلم عن كل شىء بتعملية ( ماعدا الاشياء اللى كتبتها ) يعني مثلا في الشغل معظم الرجال شايفين ان هما يقدروا يعملو المطلوب منهم احسن من المرأة بس لمجرد انهم رجال ... في تعاملهم مع ظروف الحياه بوجه عام دائما شايفين انهم قادرين على التغلب على اي مصاعب ممكن تواجههم لكن احنا يا بنات اكيد مش هنقدر نتصرف بكفاءة مثلهم - دا من وجهة نظرهم -
انا شايفة ان معظمهم شايفين نفسهم احسن مننا .... دائما عندهم حتة غرور في انهم افضل .... دائما يقولو الستات ناقصات عقل و دين مع انهم لو فهموا صح معناها وعرفو لية الرسول صلى الله عليه وسلم قال كدا مش هيستغلو الجملة دي ويستخدموها ضدنا
دا اللي انا شايفاه ممكن بعضكم يتفق معي او يختلف معي ............ علشان كدة عايزا كل فتاة تكتب رأيها في الموضوع ده يمكن اطلع انا في الاخر غلطانة
واية رأيكم كمان لو تكتبوا اي موقف او تجربة لكم مع شخص كان كده شايف نفسة احسن منك و ازاي انتي اتعاملتي معاه..... علشان نستفيد من تجارب بعض.... يمكن في منكم قدروا يغيروا تفكير رجل وخلوه يعرف اننا زينا زيهم و مفيش حد احسن من حد
وشكرررررررررررررااااااااااااااااااااااا
