يانااااس عضلاتي اختفت وصارت صغيرة !! وش الحل تكفون

[ksa21]

السلام عليكم ورحمة الله وبركاته

انا عضلاتي مو كبيرة جدا يعني تقدرون تقولون انها متوسطة الحجم .. المشكلة بعد شهر كامل من التعب والجهد لاحظت ظهور العضلات وبحجم رائع .. لكن لأعلم لماذا اختفت واصبح حجمها صغيرا
هل لإنني توقفت عن التمرينات لمدة 3 ايام فقط (اعتقد ان 3 ايام لاتؤثر شئ على العضلات )
سوف اذكر لكم شئ مهما (كنت مع واحد من اصحابي كان يتدرب لمدة 3 شهور ولم تظهر له عضلات مثل ماظهر لي عضلات كبيرة ) فأخااف بإنه حسدني !! والله اعلم
ويمكن يكون السبب هو إنني اكثر من شرب الحليب لإنه مصدر غني بالبروتين وسمعت إن البروتين الزائد يتحول لدهون !!

تكفووون ماهو الحل ارجوكم !!

ساعدوني

[القوافل قفصه]

ان كنت تستعمل في البرتينات فهي السبب....او انك نقصت من التغذيه العاديه كل خضر و....و...

[ksa21]

مشكور اخوي القوافل !!

يمكن يكون البروتين الزائد هو السبب !! للعلم بإني لأكـل الحبوب المليئة بالبروتينات لإنها خطيرة لكنني استبدلها بكوب من الحليب قبل النوم يوميا ..
سوف انقطع عن شرب الحليب!! وانتظم في اكل الخضار !! ان شاء الله بس نشوف النتيجة حلوووة

واشكرك على المساعدة مرة ثانية

تحياتي لك اخوك (السعودية)

[VaSh ThE sTaMpEdE]

لا لا يالحبيب وين توقف حليب تستهبل انت ؟

أنا أظن الأخ القوافل قفصه يوم قال كلمة " البروتينات " كان قصده المنشطات ، لأن الكلمة العامة للمنشطات ( للأسف ) هي البروتينات .

لا توقف شرب حليب ، والعكس كيف الحليب يكون سبب صغر عضلاتك ؟ الكوب الواحد من الحليب يعطيك 8 جرام من البروتين .

شف يالحبيب الي صارلك هو ظاهرة عادية ، انت لما تروح النادي وتمرن عضلاتك حتنتفح لأن الدم يكون فيه بكثرة ، أما لما توقف حديد لمدة 3 أيام ( ومدة ما تضر أبدا ) فإن الدم يكون رجع لطبيعته من زماان وبالتالي الانتفاخ ما يكون فيه .
حركة الدم هذي معروفة بالPUMP الي تخلي شكل مظهر جسمك كذا

زي مثلا لما تشوف نفسك في المراية بشكل عاد وبشكل وانت شاد نفسك

العضلات ما تبدأ تروح إلا بعد أسبوعين على الأقل
أهم شيء خل تغذيتك أوكي
واستمر على الحليب

[vocial]

زي ما قال أخوي فاش

لكن ترا مو شرط تستمر على الحليب بس.... في مصادر أفضل منه كالدجاج ( 27 جرام بروتين لكل 100 جرام)

[abosmra]

احصل على التغذيه الصحيه و الجيدة و زيد من عدد الوجبات
و حاول تنام مبكر لانه هذا يساعد الجسم على عملية اليض و زيادة في معدلات الهرمون
تدرب دايما ب اوزان ثقيله لانها تزيد من الضخامه

[ksa21]

تسلمون على المرور ..
بالنسبة للحليب ان شاء الله بشربه مثل ماقال اخوي vash
يعطيكم الف عافية وان شاء الله اقول لكم النتيجة بعدين !!