سعر PS3 الرسمي في الخليج ..

[msm]

أعلنت سوني الخليج Sony Gulf قبل أيام عن سعر وموعد طرح الجهاز في المنطقة ..سيطرح الجهاز يوم 22 من هذا الشهر مارس ..وسيباع بسعر 2500 درهم/ريال لنوع 60GB (الأجهزة ذات 20 GB لن تكون متوفرة) ..ويسري نفس العرض المقدم لأوروبا هنا أيضاً وهو المتعلق بالحصول على نسخة مجنية من فيلم Casino Royale على البلوراي عند التسجيل في شبكة البلايستيشن PLAYSTATION®Network ..

ألعاب الطرف الأول (من نشر سوني) ستكون بسعر 230 درهم/ريال ..



http://www.zawya.com/Story.cfm/sidZAWYA20070305121113/secIndustries/pagTelecoms%20&%20IT
http://www.megamers.com/playstation3/news.php?game_category=8&article_id=976

[d.o.d.y]

2500 سعر معقول جدا
بس بسألك هذي النسخة الأروبية ؟؟

[The Ace Overlord]

خبر رائع و الظاهر يعترفون فينا احنا بالشرق الاوسط ^^
وزين ان عرض الفلم يتطبق علينا مثل اوروبا ... ودي اشوفه
...
و صراحه اذا بشتري الجهاز لازم اخذ هذول الالعاب معه:
1- ريزيستنس << لازم اجربها اونلاين
2- فورمولا ون
3-فيرتوشا فايتر 5
4-اوبليفيون
5-فلو flOw

[Modi]

اغلبية الخليجيين ثقافتهم امريكيه XD
اقصد الاغلبيه بتميل للامريكي اكثر من الاوربي

وسعره معقول تقريبا

[MSF]

ماعندك فكره متى راح تنزل نسخة الـ20 غيغا ؟

بس بسألك هذي النسخة الأروبية ؟؟

yes

[محـ ss uae ـمد]

اغلبية الخليجيين ثقافتهم امريكيه XD

اقصد الاغلبيه بتميل للامريكي اكثر من الاوربي

وسعره معقول تقريبا

مثلي انا ..
انا باخذ الامريكي ..


شباب انا لو كان جهازي اوروبي ..
هل اقدر انزل العاب النيتورك ..؟؟

[BOGEYNIGHT]

2500 بظبط او فيه زياده

<<<<<<<<<<<<< بتصفق اخ

شباب انا لو كان جهازي اوروبي ..
هل اقدر انزل العاب النيتورك ..؟؟

اذا قصدك الديمو واركيد ايه تقدر

[XxLEGENDxX]

سوني تعاقدت مع شاكيرا لاحياء حفل الافتتاح لجهاز سوني 3 الاوروبي في دبي بالتحديد
ومن فتره سوني تقوم بعمل دعايات واعلانات في الصحف المحلية عن قرب اصدار الجهاز في الاسواق الخليجية
اللي اعرفه ان الاصدار الاوروبي مايتوفر الا ب 60 جيجا فقط
والاصدارات القادمه لجميع اجهزة السوني 3 راح تكون 60 جيجا
انا بنتظر لين شهر 5 او 7 بالكثير وراح اخذ السوني 3 ان شاءالله
^_^

[Magnum]

سعره جيد تقريباً 2500 أفضل من 3000 ريال *_* .. لكن عن نفسي راح انتظر كم شهر على امل نزول سعره أكثر وتوفر خدمة الهوم.

[MSF]

شباب انا لو كان جهازي اوروبي ..
هل اقدر انزل العاب النيتورك ..؟؟

yes

اللي اعرفه ان الاصدار الاوروبي مايتوفر الا ب 60 جيجا فقط

متأكد لأني سمعت قبل أن نسخة الـ20 غيغا راح تتوفر في وقت لاحق !

[HUMAED]

السعــــــــر جيد جدا ...
لكن انا افــضل النسخة الامريكية بصراحة ...

[hamad_007]

سعر ممتاز و معقول
و بالنسبة للألعاب
أعتقد معظم العرب بياخذون النسخة الأوربية
و أنا لو بلعب في الأونلاين ما بلعب الا ويا العرب
فعشان جذي أحسن لي النسخة الأوربية

مشكور اخوي على الخبر و في انتظار هاليوم الي أشتري فيه البلاي ستيشن3 .

[ليون كندي99]

سعر ممتاز و معقول
و بالنسبة للألعاب
أعتقد معظم العرب بياخذون النسخة الأوربية
و أنا لو بلعب في الأونلاين ما بلعب الا ويا العرب
فعشان جذي أحسن لي النسخة الأوربية

مشكور اخوي على الخبر و في انتظار هاليوم الي أشتري فيه البلاي ستيشن3 .

ليش تظن العرب مايقدرون يجارون غير العرب في اللعب

[محـ ss uae ـمد]

انا عن نفسي راح اشتري النسخه الامريكيه ..

[عاشق يوشي]

سعر معقول تقريبا

بس هل راح يكون مع الجهاز الاوروبي ضمان من عند الوكيل؟

وهل استطيع العب مع الامريكان ولا بس في اوروبا