خدمة الـMii ؟

[Kasser]

السلام عليكم

هذا اول موضوع اسويه بحياتي في منتدى حق نينتندو خخخخخ يمكن هذي اول مشاركة كمان فيه
المهم يا جيران البلاي ستيشن

من يوم ماطلعت خدمة الـHome للبلايستيشن ومنتديات الدنيا في فوضى وبدأ الجميع يذكروا الـMii والاخر يترحم على الـLive <<<< لاتخافوا شباب 360 تراها بس مزحة

المهم يا ليت أحد فيكم بالقسم يفيدنا بتفاصيل الـMii لاني دخلت الويكيبيدا ومافهمت شي غير انك تقدر تصمم شخصيات تمثل بروفايلات جهازك والريموت يشيل عشر ميات وبعدها ضعت ما ادري ايش الطبخة ... او تفيدونا بموضوع يتكلم عن خدمات الويي الاونلاين والmii اذا كان فيه لاني بحثت بالمنتدى ومالقيت

ومشكورين لاهتمامكم

[sub_zero]

المي
عبارة عن تسوي شخصية وتكون في بعض الاعاب مثل وي سبورت و لما تتكلم مع الناس (شات) يكون شكل الشخصية موجود

[wario2002]

باختصار...

في قناة من قنوات الوي اسمها Mii Channel .. طبعن في اكثر من قناة واذا بغيت شرح اكثر قلي ولكن ابكتفي بشرح الـ Mii

بقناة الـ Mii تقدر تصمم شخصيات الـ Mii وتخزنها على جهازك او على الويموت .. وطبعن التخزين عالويموت فايدته انك تقدر تنقل الـ Mii معك لأي جهاز Wii ثاني ..

الـ Mii تستطيع اللعب خلالهم ببعض الالعاب مثل .. Wii Sports .. و Wii play .. و هناك لعبه بتنزل اسمها Wii music اظن بتستعملهم ايضا

ولاتنسى ان الـ Mii يظهرون ببعض الالعاب مثل .. Warioware

وايضا تقدر انك تسجل الـ Wii Number حق اي واحد عنده جهاز Wii سواء اخوياك او اي واحد بالعالم عنده Wii .. وبهالطريقه تقدر تشوف الـ Mii حقه بمكان اسمه Mii parade

وتقدر بعد تستخدم صور الـ Mii حقتك بخدمة الرسائل اذا حبيت ترسل لرساله لأي واحد مضيفه عندك بالـ Wii number

هذا كل الاشياء المهمه الي تتعلق بالـ Mii

بس صدقني اذا صممت شخصيه لك وشفتها تلعب والله وناسه تكون هالشخصيه لك لحالك .. وتكون لها نقاط تفررق عن غيرك ..

يعني مثلا انا شخصيتي جايبه Pro (( يعني محترف )) باغلب الرياضات الي بلعبة Wii sports ^^ واخواني المساكين ماقدروا يسوون زيي

واذا جبت Pro مثلا بالبولنق الكوره حقتك (( اسمها كوره ولا ؟ )) يصير عليها نجوم يطلع شكلها رهيب وهي تدور اما الباقين الزلايب ماعندهم بس انت

عالعموم خدمة الـ Mii اعتبرها عاديه جدا ... بس اضافه حلوه للوي

وأي سؤال انا حاضر

[namses]

في قناة من قنوات الوي اسمها Mii Channel .. طبعن في اكثر من قناة واذا بغيت شرح اكثر قلي ولكن ابكتفي بشرح الـ Mii

مابزيد على كلام اخوي واريو بس احب اقولك انه المي يستخدم بالشنلات واتوقع في القريب العاجل انه نينتندو بتنزل شانال يديد بيطلع قدرات المي بشكل كبيييير ونحن بنكون المستفيدين
احب حركه نينتندو بالشنلات

[MeLeE]

عن خدمات الويي الاونلاين

اخوي ويي اونلاين الها اكثر من مجال . فعندك مثلا ال weather chanell تقدر اتشوف فيها درجة الحراره و الاجواء لأي دوله في العالم .. وفي خدمة قناة الاخبار فيها عدد كبير من المجالات ( اخبار سياسيه - رياضيه - علميه و و ) وعندك خدمة ال wii vote تقدر تعمل سؤال وتحط جوابين وبعد اسبوع اتشوف العالم صوتلك ... وفي عندك ال web browser تقدر تتصفح الانترنت فيه وهي خدمه حلوه ^^ ,, واخيرا ال wii shop يمكن ماتهمك بس تقدر اتنزل العاب قديمه بس لازم تشتري بطاقه wii point او عن طريق بطاقة الأتمان وفي قسم للبرامج بعد تقدر اتنزلها بس الحين البرامج المتوفره مجانيه .... اذا عندك اي استفسار نحن في خدمتك في اي وقت وحياك الله في القسم ..

[القبطان فرفشلي]

مثل ماوضحلك الشباب

الخدمة رائعة جدا ولكني شخصيا افضل اشتري الوي كوبي (شهر 5 انشاء الله وقت الصيف )
__________

اللي يقولون ان الهوم تقليد لسوني فمع احترامي له لكنه متعصب + ماعنده سالفة مثل هالمياموتو حق ننتندو مدري شسمه اللي منتقد خدمة الهوم ويقول تقليد للمي

وهو فرق السما عن الارض فليش هالهبالة الزايدة



وشكرا

[Kasser]

مشكورين يا شباب على التوضيح

استنتج منكم ان الـMii كانه يمثل شخصيتك بين لاعبين الويي اونلاين ... اظن الفكرة بدت تخش راسي
ومع اني ابد مب نينتندو فان يمكن اشتري الوي اذا نزلت العاب مثل ناروتو و ون بيس بدي اشوفهم شلون يستخدموا الريموت

للي يقولون ان الهوم تقليد لسوني فمع احترامي له لكنه متعصب + ماعنده سالفة مثل هالمياموتو حق ننتندو مدري شسمه اللي منتقد خدمة الهوم ويقول تقليد للمي

وهو فرق السما عن الارض فليش هالهبالة الزايدة

من وجهة نظري خاصة احنا كلاعبي عرب مدري ليش نتجادل في تقليد ما تقليد واحنا اصلا نشتري اجهزة والعاب مقلدة (مقرصنة) وتجارتنا 50% اشياء مقلدة ... هو بالاخير الزبون يقرر من الاحسن له وبالنسبة لي خدمة هوم ما تنفعني خاصة الانترنت حقي يازينه يفتح المنتدى