بسم الله الرحمن الرحيم
الـ
نبدء معكم بأحداث الجولة الـ 26 تذكير بما جاء بأبرز الأحداث
وبعدين ننتقل للجولة الـ 27 من الـ لاليقا
ونفيدكم بأن الدوري الأسباني حصريا ً على ..
موب يجي واحد يقلب الريموت يبغى يشوفها على السعودية الرياضية او الكويت 3
لا يا حبيبي معصي , تبي تشوفها .. ادفع 25 دولار بالسنة << يحلفون انه مندوب للجزيرة خخخخ
اي بالله وين وصلنا ..
أبرز ما صار بالجولة الماضية ..
( برشلونة تعادل مع الريال .. وتصدر الدوري بفارق الأهداف عن إشبيلية )
vs
في مبارة تاريخية وثأرية بنفس الوقت , البرشا بطلعة الروح يتعادل مع الريال بأرضة
والفضل كله يعود لله ثم ميسي ( الأطخم )
بدع فيها واستبسل دفاع برشلونة , بعد نكبة أوليقر يوم صلع بهم وأخذ كرت أحمر الخبل !
وخلا الكفه تميل لصالح الريال .. لكن ربك فكنا
فيما هجوم البرشا والله ماقصر .. ما غير تمزيع بهـ الحارس ابن الايه ( كاسيس )
والحق حق .. عزالله انه تنح للهجوم , بس ميسي عرف شلون يفك الشفرة حقته
هذا الغالي يوم يحتفل بالهدف اللي جابه
V
V
جعل عيني ما تبكيك يا ميسي .. روح الله يكتب لك في كل خطوه سلامة العبدالله
والمبارة الثانية بين اشبيلية و خيمانستيك
vs
في مبارة اشبيلية والفريق الثاني هذا ^
تنحوا لهم خيمانستيك الأشناب كأنهم يقولون لبرشلونه .. حنا سوينا اللي علينا ويله ورونا ركضكم بالسروال
وفعلا ً لصوهم بهدف وقفلوا اللعب .. تضيع وقت وتكسير لين عوفوهم شي اسمه كورة
ونذكركم بأن الفريق الزائر ( اشبيلية ) معهم هداف الدوري كانوتي " الله العالم انه مسلم "
سيماهم في وجوههم
ضاقت به الوسيعة .. ولا يدري وين يذلف .. من اللعب الخايس خخخخ
وبهذي النتيجه يصير اشبيلية متعادل مع البارشا برصيد 50 نقطة لكل واحد بس برشلونة فارقين عنهم بـ لاهداف
أحتفال الاعب خافيير بورتيلوا على الهدف ..
V
V
والمبارة الثالثة بين فياريال وليفنتي
vs
دخل ليفنتي متفائل ورافع خشمه بين جمهورة .. ويوم صفر الحكم من زود الحماس قلت الحين بيمحطون فياريال خمسه / صفر
لكن الشباب طلعوا ( فورة ببسي ) .. من الدقيقة 20 لعبوا فياريال على شواربهم لعب
وخزقوهم بهدفين يحبها قلبك .. وفريق ليفنتي باردا ً وجهه بأرضة وجمهور خسران
وبالنتيجه هاذي يصير بحوزة الغواصة الصفراء 36 نقطة , وليفنتي معه 27 نقطة ومهدد بالأنقراض ( اللهم لا شماته )
وابرز ما جا بعد في جولة 26
الخفافيش ( فالنسيا ) تعادلوا مع باردين الوجه أوساسونا بأرضهم بـ هدف نظيف لك واحد
vs
وتباروا الزقرت صاحبين الشعارات اللي فوق .. بأرض أوساسونا
ونذكركم ان اوساسونا كان برصيدة 30 نقطة ( كاشخ بهن ) ويبي يضيف 3 نقاط فوقهن بعد
لكن الخفافيش ( فالنسيا ) ذو رصيد 46 قالوا لهم ( معصي والله )
وصفر الحكم معلنا ً بداية الشوط الأول وعندك عندك " حده حده " لين صفر الحكم معلن نهاية المبارة
وكل واحد معه هدف
هذا احتفال الخفافيش ^^
وبهذا الهدف يصبح فالنسيا يحمل معه رصيد 47 نقطة , واوساسونا معه 31 نقطة
وهذا سلمكم الله ابرز ما جا في الجولة الـ 26
_-_-_-_-_-_-_-_-_-_-_-_-_-_-_-_-_-_
الاحصائيات العامة
الحين يا نلقي نظرة على الأحصائيات من عقب الأحداث اللي دارت في هـ الجولة ( 26 ) طبعا ً
هذا ترتيب الدوري ..
ونلاحظ ان الفرق بين الأول والسابع 9 نقاط بس !
يعني غلطة الشاطر بعشرة ^^
وهونا نلقي نظرة على الهدافين ..
_-_-_-_-_-_-_-_-_-_-_-_-_-_-_-_-_-_-_-_-_-_-_-_-_
والحين نبدء مع الجولة الـ 27 من لاليقا
في ظل الأحصائيات التي تم ذكرها , نجد ان الفرق متحمسه لضيق الوقت و تقارب الفرق
وكلا ً يبي يثبت جدارته , لكن انا اقول الدوري لبرشا
نبدء مع مباريات يوم السبت
مالقا × ريال بيتيس
vs
مبارة ما ظنتي تنقلها الجزيرة .. لذالك وشولة اتعب نفسي واعدد لكم احصائيات لقاء الفريقين ببعض
لكن بشكل عام .. الفريقين تقابلوا 17 مرة , فاز فيها ملقا على بيتيس 8 مرات وخسر 7 وتعادلوا مرتين
والمبارة الثانية
ريكرياتيفو × برشلونة
vs
وراح تنقل على ..
واحب انوه ان الفريقين ما تقابلوا واجد , ما غير ثلاث مرات بس .. وكلها محطناهم ثلاث أهداف
وهذي بأذن الله الرابعة ^^ وثلاثة اهداف بعد .
والمباراة الثالثة
اتلتيك بيلباو × أوساسونا
vs
الفريقين تقابلوا 15 مرة .. وكلها في اللاليقا يعني ما تقابلوا بكأس الملك ولا بأي بطولة ثانية
فاز فيها بيلباو 5 مرات وانهزم بـ 4 وتعادلوا 6
في مباراة الذهاب قدر بيلباو انه يخطف التعادل بارض اوساسونا وانتهت المباراة 1 - 1
وتنقل المبارة الساعة 12 بـ الليل على الجزيرة +2 ( تراها السبت مو الأحد )
وفي المباراة اللي يليها ..
فالنسيا ( الخفافيش ) × ريسينق سانتاندير
vs
ويعتبر هذا اللقاء رقم 26 .. حيث انهم تلاقوا 25 مرة , وفاز الخفافيش 11 مرة و خسروا 9 مرات وتعادلوا 5
وأكبر نتيجة فاز فيها الفالنس كانت بعام 98 بأرض فالنسيا وصقعوهم بنتيجة 6 / 1
المباراة الساعة 8 مساءا ومنقولة على الجزيرة +2
^
^
وهذا سلمكم الله مباريات حق يوم السبت ,,,
_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_
ويوم الأحد أبرز المباريات المقامة فية والمنقولة هي :
ريال سراقسطة × أتلتيكو مدريد
vs
سراقسطة يستضيف اتلتيكو مدريد بأرضة .. ويعتبر اللقاء هذا اللقاء الـ 24 بينهم
ونذكر بأن سراقسطة فاز على غريمه 7 مرات وتعادل 9 وخسر 7
وهذا اللقاء انا اشوفه الفصال بحيث ان الفوز والخسارة متساوين بها
وإذا دققنا شوي , راح نلقى ان سرقسطة تلقى اكبر هزيمة في مواجهات هذين الفريقين خمسة / واحد
والمصيبه ان الهزيمة هذي كانت على ارضه وبين جماهيره ( والله قوية )
لكن إذا رجعنا لآخر 6 جولات من الدوري هذا نلقى ان سرقسطة يتفوق على منافسة حيث انه قدر يحصد من آخر 6 مباريات 11 نقطة
بينما اكتفى اتلتيكو بـ 7 نقاط بس
والمباراة منقولة على الجزيرة الرياضية +2
الساعة : 7 مساءا
نجي للمباراة اللي بعدها
عيال مدريد × خيمناستيك
vs
ريال مدريد راح يدخل هالمباراة بكل قوته لأنه يبي يلحق المتصدرين ( برشا و اشبيليه )
ومحتاج انه يقلص الفارق من 5 نقاط الى 2
ولو جينا لمعنويات الفريق فهي صراحه جيده نوعا ما .. لأنه قدر يطلع من تعادل ثمين مع الكتلونيين وما اعطاهم فرصة للثأر بما حصل في البرنابيو في بداية الموسم
الفريقين سبق لهم ان تقابلو مرة وحدة بس في الليقا .. وكانت بارض خيمناستيك
وقدر الريال يدكهم بثلاثه مقابل هدف وحيد
نقدر نقول مبدئيا ان هالمباراة على الورق محسومه للفريق الملكي , لكن عالم الكرة ما يعترف بتاريخ ولا شي
اللي يعطي بالمستطيل الاخضر هو اللي يفوز بالنهاية
( ثاني شي لا تنسون ان الريال يعاني دايمن من الفرق الصغيرة هذي )
<< وجه يتذكر مباراة ريكرياتيفو يوم يومحطون الريال بثلاثية على ارضه وبين جمهوره
على العموم هذا برقراف يبين لكم مسار الفريقين من بداية الموسم للحين
مافي امل هاه
هذا والله الحضيض كان تسمعون به خخخ
ونحب نذكر ان المبارة يوم الأحد على الجزيرة الرياضية +2
الساعة : 9 بالليل
( والله طاح حظي وانا اكتب خخخخ )
الزبدة ..
بقت مباراة بين اشبيلية × سلتا فيقو
( والله ماني حاط شعاراتهم مهم كفو خخخخ )
اللي يبيها يشوفها بكيفه تلقاها على +2 الساعة : 11 بالليل خخخ
والسلام عليكم ورحمة الله وبركاته
أخوكم / فوكس
واصله معهم
... والله يوفق الجميع