عضو جديد في واو وارجوا المساعده

[LordHamad]

السلام عليكم ورحمه الله وبركاته
كيف حالكم اخواني شخباركم
عموما ندخل بالموضوع انا عضو جديد في لعبه وااااو ولا ادري شسالفه وماعارف شسوي فا ممكن مساعدتكم
لاني راح ابدي من ال00 الصفر فأرجوا منكم انه يكون لي سيرفر عربي او ادش فيه لاني صج محتاج المعاونه والصحبه (الصالحه) في اللعبه
انتظر ردكم اخوكم من الكويت

[!! مرجوج07 !!]

حبيبي اختار نوع السيرفر pvp ودش على سيرفر اسمه هاموراش Haomarush واختر لك شخصية وابداء لفل ويوم توصل لفل عالي شوي ادخل قيلد اسمه arura كله عرب
ولا تقولي ليش ما اخشه بعدين ابداء الفل لنه ممنوع تخش القيلد الا وانت لفل عالي ولو تكلم احد من القيلد تساله عن الكلاسات الي يحتاجونها في القيلد يكون احسن عشان يكون لك دور وتحصل مكان بين اخوانك وتفيدهم ويفيدونك
وبقولك نصيحه اذا من جد ودك تخش معهم القيلد خلك ملتزم بالمواعيد والاشغال المطلوبه منك اتجاه القيلد ضروري جدا جدا جدا



وبتوفيق

[firass]

في قيلد عربي في Haomarush هورد طبعا لل low lvls اسمه <almout> خخخ
هذا مسوينه لل مطرودين من قيلد arura ^^

[Demote]

في قيلد عربي في Haomarush هورد طبعا لل low lvls اسمه <almout> خخخ
هذا مسوينه لل مطرودين من قيلد arura ^^

خخخخخخ

ماشفنا لا لاو لفل ولا هاي لفل عربي بالسيرفر

[firass]

خخخخخخ

ماشفنا لا لاو لفل ولا هاي لفل عربي بالسيرفر

في من لفل 8 لين لفل 66 (عرب) وفي يمكن 20 واحد بالقلد اغلبهم 40
+ هو القلد لسه جديد يعني قبل امس بدا

[ميكافلي]

8
8
8
8
ياخي وينكم من زمان ... أنا وصلت لفل 9 بهامورش هورد وطردوني ربعي بأرورا

وسويت ديليت ورحت الاينس بنفس السيرفر بس اني مستانس صراحه فيه ناس محترمين

ياخوي

أنا أنصحك تجي بنفس السيرفر ... بس الاينس .... تعال عندي هناك وأنا أسويلك تدريب خاص ماعليك

بس تكون وارلوك .... ترا الهورد جو موحش وكئيب .... كله زومبي وزحمه

بعدين الأورورا طلباتهم صعبه لك كمبتدئ .... يعني عشان ماتخش معهم يبيلك 5 شهور على الأقل

الآينس تحسهم ناس هاي هاي .... وشخصيات مرموقه .... بس نصيحه

لا تتحدى أي قزم .... تراهم خطيرين .... يعني لايغرك أشكالهم

المهم تعال هامورش الاينس ونسوي قيلد أنا وأنت ونبتدي شغل العصابات

[مفتاح صول]

سيرفر سلفانس حده عجيييب سواء هورد او الاينس ناس عليهم سكل مو طبيعييي وفيه اثنين مشهورين بالسكل مالهم من الهورد Vurtne انديد ميج ومن الالاينس Snaga قنوم ميج
نصيحة اذا تبي سكل قوي بي في بي وتتعلم صح تعال هالسيرفر...صج مافيه عرب وايد لكن ممتاز

[Demote]

في من لفل 8 لين لفل 66 (عرب) وفي يمكن 20 واحد بالقلد اغلبهم 40
+ هو القلد لسه جديد يعني قبل امس بدا

انا جديد اساسا على اللعبة ولفلي 20 بس من اول مالعبت لحد الحين ماشفت الا واحد عربي واسمه Wafi
وطبعا ماعرف كل شي باللعبة طلبني نفتح بوابة عشان يخلي زميله يجي المهم انا مع الخيل يا شقرا سوي سوي جا خويه وعملي تريد 50 فضه وانا مادري شسالفه ماعرف غير اخلص طلبات المهم هوا وافي موجود هنا بالمنتدى واذا موجود ترى احرجتني ياخي
وايش اسم القيلد هذا الجديد نشوف اذا في لنا ملفى عندهم :P

[firass]

<almout>
سوي w kishkuman/
انا راح اسويلك invite
واكيد طبعا راح نساعدك ونعلمك الاساسيات :P