إذا كنت من مستخدمي نظام Windows XP فيمكنك إرسال رسالة فورية إلى زميل لك على شبكة الاتصال المحلية ( LAN ) بإحدى طريقتين :
الطريقة الأولى
الطريقة الأولى يلزمها أن تعرف رقم ال IP للشخص ( المشترك معك فى الشبكة المحلية LAN ) اللى هتراسله 000 ال IP بتاع الشبكة اللى أنتم مشتركين فيها ( وهو يختلف كلية عن ال IP التى يظهر بها جهازك على النت ) 00 بعد ما تعرفه تروح على الدوس اللى فى الويندوز ال XP و دى لو مش عارف فأنت تقدر توصلها كما بالشكل التالى
بعد ما تظهر لك شاشة الدوس السوداء تكتب كلمتين بينهم مسافة و بعدين كمان مسافة و تروح كاتب ال IP و تسيب كمان مسافة و بعدين أكتب الرسالة اللى أنت عايزها 000 عيب الطريقة دى هى إنها ما بتكتبش فيها بالعربى ( لاحظ التعديل الذى سيرد بعد قليل و قبل الطريقة الثانية مباشرة ) بعكس الطريقة التانية اللى تحت 000 مثال على ما ستكتبه net send 192.168.1.5
بعد ما تخلص الرسالة أضغط على Enter بلوحة المفاتيح فتصل الرسالة فى التو للمرسل اليه و يعلمك الدوس الأسود بنجاح وصولها 000
ملحوظة : ال IP للمشتركين بالشبكة كل على حده يمكنك أن تعرفها ببرنامج مجانى أسمه Look@LAN و الذى يمكنك تحميله من موقع الشركة المنتجة له و هو :
http://www.lookatlan.com/
أيضا هناك طريقة تستطيع بها معرفة ال IP الخاصة بك و كذلك تلك الخاصة بالروتر و لكن للأسف لا تعرض لك ال IP الخاصة بباقى أعضاء الشبكة LAN و هى كتابة الأمر ipconfig فى شاشة الدوس السوداء و المشار اليها فى أول هذا الموضوع 00 أنظر الى الصورتين التاليتين للتأكد :
من الصورتين يتبين لك أن ال IP الخاصة بالروتر هو 192.168.1.1 و الخاص بى هو 192.168.1.5 و بطبيعة الحال لباقى الأعضاء هتكون 192.168.1.2 لأحدهم و 192.168.1.3 لآخر و 192.168.1.4 لغيره 00 وهكذا 00
أى زميل مشترك معك فى الشبكة يمكنه أن يكتب نفس الأمر ipconfig فى شاشة الدوس السوداء بجهازه و يخبرك بها لتراسله عليها 00 لو عندك ويندوز XP على البارتيشن ال C و ويندوز XP على بارتيشن آخر فكل ويندوز بيكون لها IP مختلف عن الآخر 00 كمان ال IP بيتغير كل ما تشيل الويندوز و تسطب و يندوز جديد لكن المهم إنه فى اللحظة الواحدة يستحيل يكون لجهازين على الشبكة نفس ال IP
تعديل 00 تعديل 00 تعديل
بعد ما قرأت مشاركة من أحد الأخوان عندما عملت هذا الموضوع من قبل و التى جاء فيها ما نصه
00( امر Net send ip text ممكن ينفذ من ال run او من دوس الويندوز ) 000
قلت أما أجربه طمعا فى حاجتين أتنين 00 الأولى هى أن الكتابة فى ال RUN بتكون أسرع و أسهل من الكتابة فى دوس الويندوز ( المبين عاليه ) 000 و التانية هى أن فيه أحتمال أن يقبل الكتابة فيه بالعربى و بالتبعية أقدر أستغنى عن الكتابة فى الدوس الأسود 000و أبشركم بأن طمعى كان فى محله 000 تابع معى صورتين التجربة حيث أرسلت لنفسى رسالة و أستقبلتها على الفور 000
تعديل آخر
بالنسبة لعمل الرسالة من RUN --- قمت الآن بعمل رسالة و أرسلتها لنفسى و على غير ما هو مذكور عاليه فقد أستعنت بأسم الكمبيوتر بدلا من ال IP و نجحت الطريقة و وصلتنى الرسالة و كما هو مبين بالصور التالية :
و هذا معناه أنك تقدر تبعت للمشتركين معك فى ال LAN لو عرفت أسماء أجهزتهم 000 كل على حده 00
شرح برنامج Look@LAN
أول ما يظهر لنا من البرنامج بعد تنصيبه النافذة المزدوجة التالية
فى الأمامية منهما نضغط على المفتاح Create New Profile
تظهر لنا أو بالأصح يظهر لنا رقم ال IP الخاص بجهازى على الشبكة الداخلية و كما بالشكل التالى :
بأظلل الرقم الخاص بى 00 و هو كما بالصورة التالية : 192.168.1.2 و بعدها أضغط على المفتاح Next
تظهر لنا الصورة التالية و تفسيرها كما يلى :
الرقم الأول و هو 192.168.1.1 يخص الروتر 00 أى لا يخص أى جهاز كمبيوتر على الشبكة 00 عشان كده بتلاقى مكتوب فى السطر بتاعه NOT WIN أى أن النظام اللى عليه مش نظام الويندوز 00أما الجهاز بتاعى فمكتوب أمامه فى صف نظام التشغيل OS مكتوب WIN لأنى بأستخدم نظام النوافذ ( الويندوز )
بالصدفة و لأنى عملت الشرح ده صباح اليوم فللأسف و لأن باقى الأجهزة على الشبكة مغلقة حاليا فلم يتعرف البرنامج على أى منها 00 و لكن المعتاد هو أنه يتعرف فى أول مرة بعد التنصيب على المفتوح منها فقط ثم بعدها كلما تم فتح أو تشغيل جهاز منها يتم التعرف عليه فورا 00 و على فكرة أحنا بنضغط على المفتاح Create New Profile فى أول مرة بس ( بعد التنصيب ) 00 لكن بعد كده كل ما نشغل البرنامج بنضغط على المفتاح Open Last Profile و بالمناسبة لو جهازك عليه 2 ويندوز مثلا واحد على ال C و التانى على ال D فهيتم التعرف عليهما و كأنهما جهازين 00 أعتقد فيه صورة داخل الموضوع فيها أكتر من مشترك 00 للتوضيح
كويس إنى لقيت الصورة بسرعة 00 المهم و كما هو واضح منها أشرح بسرعة ما يلى :
ال IP بتاعة الروتر لا تتغير .. هى عادة أو بالأصح بتكون أول IP و اللى رقمها هنا 192.168.1.1 و دائما بيكون مكتوب فى سطرها NOT WIN .. أول رقم من اليمين دائما بيكون 1 ( واحد ) ...
ASD و بالرغم من إن عنده جهاز واحد إلا أنه واخد 2 IP و ده لان عنده 2 ويندوز على جهازه ( وكما أشرت الى ذلك من قبل ) 00
الجهاز اللى أمامه دائرة حمراء معناها إن مش داخل على الشبكة فى الوقت ده ( مغلق )
الجهاز اللى أمامه مربع أخضر معناه إنه حاليا على الشبكة ( مفتوح )
كمان هنا هتلاقى الجهاز بتاعى اللى أسمه CNN - E واخد رقم مختلف و هو : 192.168.1.6 و ليس 192.168.1.2 تفتكر ليه 00 أيه رأيك أسيبك تفكر فى السبب لوحدك 00 أعتقد يكون أفضل