متحف نينتيندو

[Snake-87]

يحتوي المتحف على الألعاب والملابس وكل شي عن ننتندو

[RIZE]

ممكن اعرف الفايده من ورا الموضوع ؟؟؟

[Snake-87]

let`s see ,,, شنو الفايدة من الفيديو جيمز اصلا ؟

ممكن اعرف الفايده من ورا الموضوع ؟؟؟

وشنو الفايدة من ردك ؟

[Kyuubi Fox]

شنو الفايدة من الفيديو جيمز اصلا ؟

تسلية و وناسة و قضاء وقت الفراغ

يحتوي المتحف على الألعاب والملابس وكل شي عن ننتندو

وين مكانه و في أي دولة ؟؟؟؟؟؟؟؟


وين المصدر


سلام ...........

[RIZE]

وشنو الفايدة من ردك ؟

الفايده من ورا ردي ..

1- هو الأستفسار عن الشي ألى راح نحصله من ورا موضوعك .... يعنى مانى شايف هالشي مستاهل علشان تسوي موضوع بروحه .... وشنو يعنى صورة دميه لماريو .. أو حتى بلوزة لماريو .... يعنى لو هالمتحف بالوطن العربي ... فا اهنى ماكو مشكله .. اما اذا صاير باليابان ما ادري بالبنغال ... فا اهنى الموضوع 32704735745% مال أمه فايده (( لأنه محد ساكن هناك .. وماكو احد يفكر يسافر كرمال هالشي )) ... لأنه الهدف من ورا الموضوع هو إفاده الاعضاء .. وجعلهم يتناقشون ويتحاورون ... مو بس ترس القسم على الفاضي ..

2- حطيت ردي لانه موضوعك توه نازل .... وأى واحد يشوف موضوعك ... ويشوف أنه اكو واحد رد عليه فا أهنى هرمون الفضول يسيطر عليه علشان يشوف الرد مالى .. شنو كتبت فيه .. وانا كتبت (( شنو الفايده )) علشان اخليك ترد على .. علشان حتى ألي ما انتبه بأول مرة على موضوعك .. هالمره بينتبه لانه وصل لل 3 ردود فا يدخلون عليه لانه اكيد بيقول بينه وبين نفسه (( همممم الموضوع عن صور متحف ... أيش ألى يخلي الناس ترد عليه .. وعن شنو كانوا يتكلمون )) .... والغرض من ورا هالشي ... علشان اخليهم يقرون الإعلان الى حاطه بتوقيعي ويدخلون عليه ... بدال لا افتح لى موضوع اهنى واتوهق ...

والدليل على كلامي

لا ممنوع ^^"
بس زين سويت حطيته بالتوقيع .

^^ ... يعنى هالشي مدروس مسبقاً .. وليس صدفه

[Valkyrie]

لو سمحتوا شباب ما نبي مشاكل
أخ رايز ما يحتاج التدقيق الزايد وفايدة وما فايدة ، الموضوع متحف عن ننتندو في منتدى الننتندو وانتهت القضية
بصراحة المتاحف هذي لو نحصلها عندنا بنكون بخير ، بس مجرد الدخول يعطيك احساس رائع بالجو الننتنداوي
مشكور سنيك على الموضوع

[Snake-87]

1- هو الأستفسار عن الشي ألى راح نحصله من ورا موضوعك .... يعنى مانى شايف هالشي مستاهل علشان تسوي موضوع بروحه .... وشنو يعنى صورة دميه لماريو .. أو حتى بلوزة لماريو .... يعنى لو هالمتحف بالوطن العربي ... فا اهنى ماكو مشكله .. اما اذا صاير باليابان ما ادري بالبنغال ... فا اهنى الموضوع 32704735745% مال أمه فايده (( لأنه محد ساكن هناك .. وماكو احد يفكر يسافر كرمال هالشي )) ... لأنه الهدف من ورا الموضوع هو إفاده الاعضاء .. وجعلهم يتناقشون ويتحاورون ... مو بس ترس القسم على الفاضي ..

الشي هذا ما يفهمه إلا الـ FANS ^^

ومثل ما قلت إذا تدور فايدة على الموضوع هذا .. شنو فايدة المنتدى بكبره اصلا ؟ وشنو فايدة الفيديو جيمز ؟

شنو الفايدة من الفيديو جيمز اصلا ؟

علشان اخليك ترد على .. علشان حتى ألي ما انتبه بأول مرة على موضوعك .. هالمره بينتبه لانه وصل لل 3 ردود فا يدخلون عليه لانه اكيد بيقول بينه وبين نفسه

فكرة نصابية ^^" (غشمرة)

والغرض من ورا هالشي ... علشان اخليهم يقرون الإعلان الى حاطه بتوقيعي ويدخلون عليه ... بدال لا افتح لى موضوع اهنى واتوهق ...

اوكي .. ولكن لو سائل مثلا وين المعرض .. او اي تعليق ثاني راح ارد عليك .. مو مثل تعليقك البارد مع احترامي لك

لو سمحتوا شباب ما نبي مشاكل
أخ رايز ما يحتاج التدقيق الزايد وفايدة وما فايدة ، الموضوع متحف عن ننتندو في منتدى الننتندو وانتهت القضية
بصراحة المتاحف هذي لو نحصلها عندنا بنكون بخير ، بس مجرد الدخول يعطيك احساس رائع بالجو الننتنداوي
مشكور سنيك على الموضوع

u ولكم ^^
ما اشوفك وايد ليش ؟

[RIZE]

اوكي .. ولكن لو سائل مثلا وين المعرض .. او اي تعليق ثاني راح ارد عليك .. مو مثل تعليقك البارد مع احترامي لك

؟؟؟؟ ما فهمت شتقصد

وحبيت اوضح شغله ... واعتقد انك ما فهمتها وهى ..

والغرض من ورا هالشي ... علشان اخليهم يقرون الإعلان الى حاطه بتوقيعي ويدخلون عليه ... بدال لا افتح لى موضوع اهنى واتوهق ...

ألى اقصده اهنى .. هو انى اوريهم بأنه عندى جهاز DS للبيع ..

ومثل ما قلت إذا تدور فايدة على الموضوع هذا .. شنو فايدة المنتدى بكبره اصلا ؟ وشنو فايدة الفيديو جيمز ؟

همممم خلنا نبدا بفايده المنتدى ..

مثل ما قلت لك قبل هالمره .... فايده المنتدى بانه واحد يطرح موضوع نقاشي ... علشان الاعضاء يتناقشون وهذا الشي يزيد من تعرفهم على بعض (( يكونواُ صداقه )) ... او يكتب مراجعه , حل , ... إلخ وهالأشياء تفيد العضو ورواد هالقسم .... مو تيي وتبطل لى موضوع شكبره ... وتاخذ مساحه من القسم علشان بس جم صورة .. ومن ثم تقول ( شغلات ما يفهمها إلا الFANS ) .. على فكره ترانى فان..!! وعندى 2 جهاز GC و جهاز دي اس ... لووول شتبي اكثر من جذي ... يعنى لو ما احب نيتندو والعابها ... جان ما شفتنى طبيت لهل القسم خير شر ... وصحيح تقول (( شفيه بو الشباب شاد حيله علي ... وليش ما يقول هالحجي لعضو ثاني )) .. بقول لك يا قلبو .... انت عضو معروف (( على ما اعتقد )) وهالشي مو لصالحك .. ومو لصالح للقسم كا صورة عامه ... يعنى اذا الاعضاء البارزة هذى مواضيعهم .... عيل الاعضاء العاديين شنو مواضيعهم >_> ... وانا ملاحظ بانه مواضيعك السابقه كلهم يمشون على نفس الخطى ...


اما فايده الفيديو جيمز ...

أقل فايده هى هذا المنتدى .... يعنى لو ما كان في فيديو جيمز .. جان هالمنتدى ما انعمل اساساً .. وكمان كان ما تعرفنا عليك ^^ (( هذا غير قضاء وقت الفراغ على الفيديو جيمز ... ومشاركه العائله باللعب .. وتعلم اللغه من الالعاب .. إلخ ))

[hussien-11]

شباب من كل عقلكم تطرحوا هذا السؤال ( ايش فائدة الفيديو جيمز ؟ ) هل انتم فعلا لاعبين و لا ناس تفكر انها تضيّع وقتها و بس ؟؟؟؟ لوول

صحيح المنتدى منتدى الننتندو لكن مو معناه انه أي شي صالح للنشر فيه ...

يعني أنا أوافق الأخ RIZE انو الموضوع ماله فايدة بصراحة ... مع احترامي لأخوي snake

[Valkyrie]

ما اشوفك وايد ليش ؟

الدراسة وما تسوي

المهم لا يخليك الي صار في هالموضوع متردد في طرح المواضيع في المنتدى ، اي موضوع تحب تحطه ، حطه ، اهم شي ما يكون مخالف

[Snake-87]

سانكيو على المرور (الإعلاني ) xD

انه أي شي صالح للنشر فيه ...

اسميها وجهه نظر ؟
شرفتنا حسين ^^

الدراسة وما تسوي

الله يعينك

المهم لا يخليك الي صار في هالموضوع متردد في طرح المواضيع في المنتدى ، اي موضوع تحب تحطه ، حطه ، اهم شي ما يكون مخالف

It`s Ok
انا احط مثل هالمواضيع بين فترة وفترة إذا شفت خمول زايد بالمنتدى ^^
ولا تخاف أنا اسوي إلي مقتنع فيه ومثل ما قلت (مو مخالف)

[pokemon dragon]

متحف نيتندو خخخخ

شرايكم نسوي متحف حق المنتدى نحطك سنيك محنط يورون الناس يقولون هذا من اقدم اعضائنا

والله فكره

[Snake-87]

[Super Shadow]

باختصار شديد

الي مش عاجبه الموضوع ، لا يدخله !

الي يبي مواضيع نقاشية يدخل مواضيع نقاشية و يريح راسه بدال المشاكل

مافي داعي أن العضو يدخل و يقول : شو الفايدة من الموضوع ، لأن رده ما بيسوي شي غير أنه يمكن يسبب بمشكلة

يعني خلوا الشغل حق المراقبين دام أنهم موجودين و هم بيشوفون شغلهم ، أحسن من ما أنكم تفشلون الريال جدام الخلق و تعلقون عليه ، هع

و على فكرة

يمدحون الخاص اذا أنتو تشوفون الموضوع فيه شي

[Snake-87]

يمدحون الخاص اذا أنتو تشوفون الموضوع فيه شي

الخاص 500 مشاركة Baby ^^"
شرايك بالفيديو