السلام عليكم ..................
في البدايه احب اوجه شكري لاخوي نينتندو الذي قاعد يبذل جهده لهذا المنتندى .
لعبة ستار وورز :-
في البدايه ابغي اقول لكم موقفي وشعوري قبل لا اشتري اللعبه ، كنت متحمس لها كثيرا من اول عرض لها في سبيس وورلد 2000 ، وكنت اتابع صورها صوره صوره وحتى اني كتبت تقرير عنها قبل كذا ، يعني كنت متحمس لهذي الدرجه لأبعد حدود .
اول ما نتكلم عن لعبه كل الناس يسالون عن الجرافيك :
لعبة ستار وورز تملك رسومات قويه ومؤثرات ضوئيه جميله جدا فهي افضل ما رايت من رسومات للكيوب ،
صحيح انته الوان اللعبه مثل ما قالوا قليله لكن هناك مراحل متنوعه مثل ما شفت من الصور .
واحلى شيء طور التمارين منطقه صحراويه( مثل الي في عدنان ولينا ) جميله جدا وكثبان رمليه تكاد تكون حقيقه لدرجة انك كلما تقترب من سطح الرمال يبدا الرمل بالتطاير وعندما تطلق بالمسدس على الرمل يبقى للطلقه اثر على الرمال .
طريقة اللعب :-
الازرار
A وهو زر اطلاق
B وهو زر اطلاق صواريخ
Y تطلع لك شاشه فوق الشاشه الاصليه توضح لك اهدافك بالوان مختلفه
X تغيير الكميرا
Z لتحريك الطائره بشكل دائري
L تخفيض سرعة المركبه
R زيادت سرعتها
اول ما تبدا تلقى الشخصيه واقفه على رجليها ( اكيد واقفه على رجليها اجل واقفه على راسها ) انكت على نفسي ، المهم وتختار المركبه الي تبغا تلعب بها لكن للأسف معظم المركبات ما تقدر تستعملها لكن اكيد تقدر تستعملها في فترات متقدمه .
المهمات في اللعبه مختلفه لكن انا ما قدرت اخلص بعض المهمات لصعوبتها ( يعني في بعض المهمات طيارات يتبعنك وانته ما تقدر تضربهن ويطيحن فيك ضرب لين تنفجر وانته لازم تهرب من ممر ضيق وبسرعه كبيره قدامك مدافع يضربنك ووراك طائرات يضربنك حد يقول لي الحل يا جماعه لأني من ذاك اليوم ما شغلت اللعبه )
اللعبه بصراحه ممتعه للي يحبون العاب الطائرات والي ما يحب العاب الطائرات اقوله ابتعد عن هذي اللعبه
وخذ لك لعبه ثانيه .
الاصوات :-
بدون اي كلام كثير الاصوات رائعه وتكفي هذي الكلمه للتعبير عن جمال الاصوات في اللعبه .
العروض :-
على ما سمعت انها اول لعبه تدخل عروض لجهاز نينتندو و العروض ما خوذه من الفلم الحقيقي للعبه وانا مرات اقعد اتابع العروض واشوف اللقطات لأنه العرض يطلع في شاشة البدايه في الوسط وكلمت ستارت وابشن على اليسار .
التقدير العام للعبه مع العلم انه هذا ليس مجال تخصصي اعطيها على تجربتي بها 8.9من عشره مع مرتبت الشرف.
والي عنده اللعبه ابغي منه كم مساعده على الطاير
ارجو اني افدتكم وقدمت لكم الشي المناسب
اخوكم
