محتار بين WII و Xbox 360

[نمرمقنع]

شباب انا عندي PS3 وبصراحة مليت من الجهاز فااااااااشل في الوقت الحالي
انا محتار بين الوي والاكس بوكس واميل اللي WII اكثر وناوي اشتري الجاهز الاسبوع هذا تنصحوني في شنووو؟واذا شريت الجهاز اي Mobchip اختار WIIKEY او CycloWiz؟

[Super Shadow]

أخوي اذا أنت تحب الألعاب الجماعية و ألعاب حركية الي تزيد من متعة اللعب خذ الويي

اذا كنت تحب تلعب أون لاين و ألعاب شوترز و غيرها خذ الاكس بوكس

[K-i-l-u-a]

شباب انا عندي PS3 وبصراحة مليت من الجهاز فااااااااشل في الوقت الحالي

لوووول حرام عليك روعة البي اس 3 بس انطر على العابه

اما بالنسبة للتفكير Wii او اكس بوكس 360 دام انه عندك PS3 انصحك بالوي لانه شي يديد ومختلف اما قطع الكوبي ما عندي علم فيها لاني مو مهتم فيها ولا مفكر اركبها

[نمرمقنع]

Super Shadow
انا بصراحة العب اون لاين دايما لان العاب ps3 اللي عندي ممله بشكل رهيييب وانا ناطر ويننج او فيفا تنزل اي شي فيه كرة او العاب
المغامرات.

K-i-l-u-a
انا معاك بصراحة wii مختلف الوي سبورت عجيب البولينج والتنس رهييب ودي اجرب طريقة اللعب في الالعاب الحركية والحلو في الوييي الكوبي ممتاز

ابي واحد عندا الوييي يعطيني معلومات بسيطة تشجع
وكم وصل اسعار الووويي الامريكي

[wario2002]

شف اخوي السوني 3 .. جهاز جبااااااار والكل يرفع له القبعه .. بس الالعاب القويه للحين مانزلت عليه .. مثل ميتل جير .. وننق اليفين 11 .. جران توريزمو 5 .. فاينل فانتسي .. اصبر على الجهاز شوي


اما بخصوص الوي والاكس بوكس 360 ... انا عندي الجهازين كلهم .. وبكل صدق وبدون تعصب اقولك اشتر الوي وانت مغمض

وعلى فكره تراني اعرف العاب الاكس بوكس 360 لحد يحسبني شاري الجهاز عشان قيرز اوف وور بس ..

ولكن الاكس بوكس 360 العابه القويه قليله ..

قيرز اوف وور

وقيرز اوف وور 2 (( أعلنوا عنها )) ..

وهالو 3 ..

وفابل 2 ..

انا اتكلم عن الالعاب الحصريه فقط ويمكن اني ماذكرت الالعاب كلها



اما الوي .. عندك :

زيلدا توايلايت برنسس

زيلدا الجديده الي بتنزل بعدين

سوبر ماريو جالكسي

سوبر بيبر ماريو

سوبر سماش بروذرز براول

بوكيمون ريفلوشن

هارفست مون

ماريو بارتي 8


وعلى فكره انا بس ذكرت الالعاب .. ولم اذكر مميزات الجهازين ومايميز جهاز عن الاخر .. نظرا لعدم فتح موضوع تعصب

ولكن اذا تبي اعطيك معلومات اكثر وبكل صدق وامانه كلمني عالماسنجر .. ارسلي رسله عالخاص عشان اعطيك ايميلي

واي مساعده حنا حاضرين

[نمرمقنع]

wario2002
مشكور اخوي على المعلومات الطيبة شجعتني بصراحة بشتري الجهاز وادري سوني جبار بس ياخي الالعاب تاحذ وقت كبير على ماتنزل وحسافة مافي شي قوي يعني انا بصراحة شريت سوني عشان وننق اليفين و جران توريزمو وبعض الالعاب.

[FAS]

يعتمد على نوعية الألعاب التي تحبها ومدى تمسكك بالألعاب .
الويي , :
- أفضل جهاز يقدملك ألعاب بلاتفورم .
- اسلوب جديد وممتع للتحكم , مع إمكانية ظهور أفكار جديدة بالمستقبل لألعاب تعجز عن دعمها الأجهزة المنافسة .
- جهاز عائلي بحت , بمعنى
أ- أغلب الألعاب بالتصنيف E لجميع الأعمار
ب - أغلب الالعاب بها طور تعدد اللاعبين وبعض الالعاب يزيد العدد بها عن 8 لاعبين .
- أيضاً الجهاز يحتوي على اجهزة ننتندو الأربع الماضية , الفاميلي والسوبر ننتندو و ال64 والكيوب ,
حيث يمكن تنزيل ألعاب كلاسيكيه , كما يمكنه تشغيل ألعاب الكيوب بشكل مباشر .

اما الاكس بوكس 360 يقدملك :
- كمية هائلة من ألعاب الFPS لا تقارن بأي جهاز ( غير الPC )
- لعب أونلاين قوي وممتع ويزيد من عمر اللعبة ( تحتاج اتصال DSL واشتراك بخدمة اللايف )
- أغلب الألعاب تحت تصنيف M للبالغين , فيها عنف وإجرام وسرقة وووو ...
- جهاز مناسب لشخص واحد ( اذا ما عندك أحد في البيت يلعب )



في النهاية الخيار لك , ولذوقك ....

[نمرمقنع]

fas
شكرا على الرد وانا معاك بصراحة كلامك منطقي وانشالله بجرب الاثنين واشوف شنو اشتري

[AISIM]

wii أفضل بكتير من الإكس بوكس 360

[DSL]

في الوقت هذا انصحك بالأكس بوكس 360 .... مع العلم اني من اشد المعجبين بشركه سوني ونينتدو

بس في هذا الوقت بالذات الأكس بوكس للأسف متفوق ...

[انا الحمار]

هو ماقال قولوا قصة حياتكم قولوا شنو احسن الوي او الاكس بوكس
انا اقول الوي

[Super Shadow]

هو ماقال قولوا قصة حياتكم قولوا شنو احسن الوي او الاكس بوكس
انا اقول الوي

محد قال قصة حياته

اقرا الردود مرة ثانية

كل واحد قال مزايا الجهازين عشان الأخ يقرر شو يشتري

ما يشتري جهاز و هو ما يعرف عنه شي