إلى الان ولم يطرح ال ps3 الاوربي بالكويت !!

[Mr.Mohsen]

أضن أنه جميع دول الخليج نزل ال ps3 عند الوكيل الرسمي إلا الكويت ؟؟ ليش ؟ كل ما اروح أسألهم يقولون الجهاز الحالي ما يشغل كل الألعاب وفي مشاكل .. واحنا بعنا بس كم حبه وبعدين وقفنا .. ولو انطرح ماراح يقل سعره عن 280 او 300 ؟؟
ليش الكويت اخر دوله خليجيه ينزل الجهاز عندها واغلى دوله خليجيه تبيع الجهاز ..؟ للعلم اللي بالكويت مو وكيل رسمي انما موزع رسمي .

[الجام العربي]

إصبر أخوي ترى الصبر جميل
نحن عندنا البلاي ستيشن3 بالسعودية بالدرزن وقيمة الجهاز 245 دينار!
وحياك الله بأي وقت بالسعودية

[عاشق يوشي]

غريبة لحد الحين مانزل عندكم

احنا نزل عندنا في قطر ب2599 عند الوكيل ماادري ليش زيادة 100 عن السعودية والامارات

[Guilty Gear X]

هذي الكويت صل على النبي

[FARES360]

هذي الكويت صل على النبي

/off topic
هيا ديرتنا هيا ديرتنا هيا ديرتنا
أوووه .... عرفنا من عمر عرفنا .. جك جكجك جك جك
جااااابر ابونا من عمر عرفناه..

back to topic/
..أممم هالخميس بطقلي فره بفيرجن بمرينا مول , أشوف اذا نزل Pal ولا لأ وأعطيك خبر ..

[q8pro]

السلام عليكم

قالوا اول اسبوع من شهر 4
والى الان ماشفنا شي

شكلهم طولين
انزين سؤال
انا ابشتريها من اوربا
نفسه راح يكون عندنا بالكويت
الاوربي
ولا تنحصوني انطر لين ينزل بالكويت
وشكرا

[Xbot]

معقولة؟ اعتقد الكويت الدولة الخليجية الوحيدة اللي ماحصلت النسخة الاوروبية؟

[joker_zambrotta]

شباب ليش ماتاخذون الياباني ب190 مع لعبه
وريح مخك ياخي

[darkitp]

غريبة ان البلاي ستيشن الاوروبي ما وصلكم ..
مع ان بالكويت عندكم فرجن ميجا ستور " أضخم فرع في الخليج "
و المحل يبيعه بكثرة ..
جربت تسألهم إذا تقدر تطلب جهاز اوروبي من فرجن ميجا - الإمارات .. اتوقع يرسلونه لك

[OneMoment]

انا زهقت منهم ما لقيت اوروبي، فقمت وشريت امريكي ب 180 وفوق هذا معاه لعبة
طبعا من الإنترنت شريته

[Devils Reaper]

اخوي حتى انا رحت ادور على الاروبي

ورحت محل واحد من ربعي بالرحاب سالته يقول لا ما نزل وشكله مطول .

[Devils Reaper]

انا زهقت منهم ما لقيت اوروبي، فقمت وشريت امريكي ب 180 وفوق هذا معاه لعبة
طبعا من الإنترنت شريته

اخوي من اي موقع شريته