اريد اختيار هديه

[دولار]

السلام عليكم
اريد ان اهدي ابي وامي هدايا ولكن لم اجد اي هديه قد تعجبهم
فارجو التكرم واخباري باي هديه قد اهداها الى احد او اهديت له او سمع عنها
علما بان الاعمار بين الخمسين والاربعين

[مهندس 2000]

اشتر لأبوك سيارة هايلكس واشتر لأمك طقم الماس وانا اضمن لك انهم بيفرحون ويستانسون ويدعون لك

[سحاب الليل]

اشتر لأبوك حرمه ثانيه
واشتر لأمك جهاز مراقبه
شعللها

[المتكتك]

حياك اخوي انا اتوقع :-

للوالد الله يسلمه لك اشترله سبحه ((بس تكون سبحه سبحه ))?:

اما للوالده الله يطول عمرها لك انا اعتقد انه قطعه من ذهب على (((((ذوقك)))) شرط انه انت اللي تختارها

والله يوفقك ويسلمك وجزاك الله خير انه عندك هذي الروح



مع تحياتي اخوك المتكتك

[هام السحاب]

انا واعوذ بالله من كلمة انا
اتوقع انك لو تعرف حاجه يبيها ابوك او تبيها امك وهم موقادرين يجيبونها لندورتها او انها غاليه فحاول انك تجيبه لهم... (او اسألهم وش يبون)

اما احنا(القصمان) فنجيب للأب دهن عود وسبحه من نوعيه جيده
وللأم دهن عود أيضاً وقميص ..... عندنا تستانس العجوز اذا جبت لها قميص....


مع تحياتي :
هــــــــــام الــســحــاب

[المتكتك]

اول شئ اهنيك يا هام السحاب على هذا الرد الجميل وبصراحة رد شافي ووافي

والا يعني قصمان وقمصان وش السالفه لا يروح بالك بعيد انا بعد قصيمي




وتشرفنا يا هام السحاب

[ZAK]

ياخي طيبب جب لهم أحد هالعطورات المالية الأسواق ..
وبالمناسبة .. أحيي فيك هذا الشعور نحو امك وابوك وحبك لهم .. ومثل ما قالوا السوارية : نيالك ..

[دولار]

شكرا لكل من شارك في الموضوع

يالمهندس اقول والله لواني لاقي كنز على بابا ما شريت هايلكس والماس
على العموم شكرا

سحاب الليل
والله لابوي احسن هديه بس امي ؟؟؟؟؟

المتكتك
والله هديتك حلوه وانشاء الله بشريها

هام السحاب
هم قالولي لك سنه داخل الكليه وما شريت لنا هديه

شكرا لك يا zak