ذبحني هالواركرافت ممكن مساعده :@

[UnForGETablE]

بسم الله الرحمن الرحيم
السلام عليكم ورحمة الله بركاته
انا شريت لعبة wow مع الـexpansion set قبل 3 أيام (اوروبي)
وشريت معاه بطاقة لشهرين
ييت ابي اسوي اكاونت والله تغربلت يومين اسوي فيه كل ما اضغط كونتنيو يعيد التسجيل
المهم انا سويت الحين
ييت ابي ادخل الا يقولي يبي يسوي ابديت
بعد ما خلص التنزيل السريع قالي ماتقدر سوي ريستارت سو Re-Install
سويته ورديت دشيت وقالي بيسوي ابديت وهالمرة ضبطت
وامس خليت الكمبيوتر مبطل ورحت رقدت .. قعدت شفته انتهى التحميل .. صكيت الكمبيوتر ورحت المدرسة
توني ياي من المدرسة ابي ادخل اللعبة الا يسويلي يبي ينزل الابديت مرة ثانية والله انقثيت
والمشكلة رد يقول لي ماتقدر تسوي ريستارت يعني لازم اسوي setup من يديد وانطر التنزيل من يديد
شالحل وياه جم مرة بيسوي لي ابديت وجم مرة بيقولي رد نزل اللعبة ؟ غربلني
شكرا

[Sympathy]

لما يقـول Restart Game بـعد الـ Downloading Update اضغط عليها ، و اللعبة من نفسها راح تحمل الباتش عن طريق الـ Blizzard Downloader ، و لما يخلص التحميل يدخلك على اللعبة مرة ثانية ، ما في داعي كل مرة تمسح اللعبة و تنزلها ><

[UnForGETablE]

انا سويت جذي اول مرة , وقالي ماتقدر تسوي ريستارت , مح اللعبة ونزلها مرة ثانية
وهاي اللي سويته بعدين اشتغل الريستارت ونزلت الابديت 7 ساعات
بس يوم ييت ابي العب اللعبة قال لي Downloading Update مرة ثانية !! انا توني منزله بس مادري ليش صار جذي

[مفتاح صول]

في وايد ابديتات مو واحد او اثنين
احسن حل انك تشوفلك واحد من ربعك منزلهم وتنسخهم منه بديفيدي وتحطهم بجهازك
وبعدين ماتمسح اللعبة بس طق على الزر الي مكتوب عليه ريستارت noob

[SILVER BOY]

هذا لازم اول ما تنزل اللعبه تحمل عشرطعشر ابديت <<< اسال مجرب

اذا تعرف احد عنده اللعبه خله يعطيك اياهم ولا حملهم من مواقع لان تحميل بليزرد بطيئ ويقطع

وسلامتك

[UnForGETablE]

اخوي مفتاح انتو فهمتوني غلط انا مامسحت اللعبة الا يوم قال لي امسحها لانه ماقدر يسوي رستارت
http://www.gr8.cc/2/WTHiswrog.jpg
yes, sadly I'm a noob
اخوي سلفر المشكلة محد من ربعي عنده اياها, من وين اقدر انزل هالابديتات ؟
مشكورين واحد واحد

[UnForGETablE]

في احتمال انه ما يشتغل لان RAM عندي 502 أو لان نظامي Windows Vista
لان حسب اللي قريته في هالموقع
http://www.extremetech.com/article2/...2090575,00.asp
انه تصير في مشاكل مع الفستا
عموماً بافرمته مالي حل غير ..,
مشكورين

[q8strike]

عندي الحل ^^

اول شي لازم تنزل الاصدار القديم بعدين الجديد

صارت فيني ^^

و عفواً مقدماً

[UnForGETablE]

thank you my brotha
but, did you mead that I gotta buy another old warcraft game ?
I already paid 94 D to play this game but everytime I find a new problem
now I formatted my computer 4 times and lost a lot of data just to try if it'll work
I buyed a new RAM card 1GB but it still not works
total installs for that game now : 23
Please I need more info
note: I'm working on a Laptop, know that no problem from that, but it's the only diffrent thing..
thanx again
thank you very much

[q8strike]

اذا ممكن تحط صور اللعبتين اللي شريتهم علشان توضح الصوره

[UnForGETablE]

و الـExpansion Set لحد الحين ما جستها

[UnForGETablE]

Thank you guys, the problem is from my system, Windows Vista
for all Vista users..check this out
http://www.blizzard.com/support/wow/?id=aww02098p

[UnForGETablE]

شباب بس ابي اخر طلب
ممكن رابطين للباتشين ابو 219 م.ب و ابو 700 م.ب
لان التنزيل من Blizzard حده بطيء
11 ساعة مانزل غير 33%
ينرفز والله
هذي على الباتش الاول 219 mb
الله يعين الثاني جم شهر بياخذ
وانا الحين ضاع علي اسبوع من بطاقتي ما نزلت الباتشات للحين
مشكورين

[alma7rom]

اخوي كان المفروض انك تنزل الباتشات وبعدها تسوي الحساب
بس مو مشكله
ومبروك الاشتغال
بس الغريب اني نزلت فيستا والحمد لله ما صادفت اي مشكله مع اللعبه
وياخي انت لو تثبت الاكسبانشن اعتقد مو متأكد ان الباتشات راح تخف
وعن بطء التنزيل
تأكد انك فتحت كل البورتات اللازمه للعبه ولبرنامج تنزيل بليزارد
وانشاء الله الشباب ما بيقصرون في الوصلات

[UnForGETablE]

مشكور
بس يمشي معاك كل شي تمام لما تضغط Run as admin
انا شسمه من امس الساعه 8 ونص الصبح للحين ماخلص التنزيل الحين هو 77%
انا التنزيل يقولي ان الفايروول مشغل , مع اني صكيته .. وين ابطل البورتات ؟