شريت Super Paper Mario على الوي .. انطباعاتي و انطباعاتكم ايضا .. بالداخل ^^

[wario2002]

السلام عليكم ...








اضغط هنا



أخيرا وبعد طول انتظار .. هاهي بيبـر ماريو بين يدي الان .. اللعبه الي كانت من المقرر صدورها عالجيم كيوب وتم تحويلها على الوي .. لازالت تحتفظ بطابع بيبر ماريو المعروف .. طبعن انا راح اعطيكم انطباعاتي عن اللعبه ولكن للعلم فقط اني لعبتها لمدة ساعه ونصف فقط !! .. ووصلت لـشبتر 3-1 .. وعلى فكره المراحل مجزءه بهذي الطريقه مثل سوبر ماريو بروس على جهاز العائله

العالم الاول أو الشبتر الاول .. عباره عن 4 اجزاء .. ولكن كل جزء يتطلب منك نص ساعه على ما اظن .. اذا كنت تلعب مثل لعبي وماتبغى يفوتك شي

القصه بسيطه ورائعه .. الوان اللعبه ابداع .. الاصوات رائعه .. التحكم سهل وراح تتعود عليه بسرعه .. ما أظن هناك عيب باللعبه الا العيب الي تكلموا عنه المواقع وهو كثرة الكلام باللعبه ،، الحقيقه الكلام كثير ولكن انا اعتبرها فرصه لتقوية لغتي الانجليزيه .. وصراحه انا استمتع وانا اقرا ماعندي مشكله من هالناحيه

الموهيم اللعبه ممتعه جدا لابعد الحدود .. صدقوني والله مابغى اترك الويموت من الحماس !!

الجزء هذا 90% بلاتفورم .. و10% RPG .. ،، طابع الاربي جي قليل باللعبه

اول شي راح تفتقده بهالجزء هو طريقة القتال الي تعودنا عليها ببير ماريو عالـ64 .. والي عالكيوب .. مادري احس لو انهم حاطين ذيك الطريقه احسن

ولكن طريقة القتال بهالجزء حلوه .. في اسلحه تستعملها ضد الاعداء .. وايضا هز الويموت عند القفز فوق رؤوسهم ..

وعلى فكره في باللعبه Cards (( كروت )) هي عباره عن كروت عن كل عدو يواجهك باللعبه .. او شخصيه تساعدك بالمغامره

كل ماتجمع كرت لعدو من الاعداء راح تغلب العدو بطريقه اسرع .. يعني تضعف من قوته كل مازاد عدد الكرت حقه عندك

المهم انا ماراح ادخل تفاصيل اللعبه .. هذي راح اتركها عليكم انتم تجربونها بنفسك ..


تقييمي للعبه مع اني ببدايتها .. تستاهل 9,3


اللعبه مليئه بالاسرار والاماكن السريه .. لذلك الي يلعبها لايستعجل .. صدقوني في بلاااااوي لقيتها انا من خلال عملية التحويل من الـ2d للـ 3d

بس ياناس وقتها غلط عندي اختبار يوم السبت والاثنين ..

اخيرا وليس آخرا .. اللعبه من افضل العاب ننتندو والوي تحديدا .. ولازم كل واحد عنده وي تكون عنده


وايضا هنا انطباعاتكم عن اللعبه .. أي واحد يشتري اللعبه يحط انطباعاته هنا .. عشان نشوف آرائكم

وشكرا لكم على قراء الموضوع .. واي واحد عنده استفسار او رأي يبغى يشاركنا فيه حنا حاضرين

[FAS]

وعلى فكره في باللعبه Cards (( كروت )) هي عباره عن كروت عن كل عدو يواجهك باللعبه .. او شخصيه تساعدك بالمغامره

بيتن كايتوس ...

.. تستاهل 9,3

ساعه ونص و93% ؟ تحتاج وقت أكثر عشان تحكم

ولازم كل واحد عنده وي تكون عنده

كل واحد عنده وي أمريكي
===
يسلمو واريو , ومنتظرين مراجعتك بعد ما تنهي اللعبة

[Snake-87]

انت حمستني بقوة
شكلي بشتري الجهاز والله .. مع اني مقرر اني أأجل الجهاز لي ينزل سماش @@!

دعوة زفاف من نينتندو
http://cache.kotaku.com/assets/resources/2007/04/wedding.jpg

[hussien-11]

ألف مبروك

انطباعاتك عن اللعبة ممتازة ، شي متوقع من لعبة تحمل اسم بيبر ماريو .

بالنسبة للحوارات الكثيرة ، هالشي موجود دائما بألعاب بيبر ماريو ، و صراحة أنا أحب الـscript المتقن و خاصة بألعاب انتلجنت سيستمز ، لهيك أعتبرها ميزة مو عيب

[Kyuubi Fox]

مبروك عليك اللعبة

إن شاء الله أنا راح أشتري الوي الشهر الياي مع بيبر ماريو لأنك شوقتني ألعبها مع إني لاعبها على الكيوب بس أبي أشوف الجرافيكس الجديد.

بالمناسبة : كيف هي طريقة اللعب نفس الكيوب ولا غير

[hussien-11]

غير ، اللعبة إلى حد بعيد تشبه ألعاب ماريو الـ2D بس بعالم ورقي و بعض لمسات الاربيجي مثل تطوير القدرات .

[Super Shadow]

الجزء هذا 90% بلاتفورم .. و10% RPG .. ،، طابع الاربي جي قليل باللعبه

اول شي راح تفتقده بهالجزء هو طريقة القتال الي تعودنا عليها ببير ماريو عالـ64 .. والي عالكيوب .. مادري احس لو انهم حاطين ذيك الطريقه احسن

شفت كيف؟؟

قلت لك أن اللعبة بلات فورم أكثر من آر بي جي

بس أنت منت مصدقني

[haseo]

بصراحة حمستني للعبة

خصوصا اني احب اللعبة اللي فيها اسرار كثير عشان ما تنهيها بسرعة

استفساري الوحيد هو : يا ليت تشرح اكثر شويييي عن طريقة القتال ^^"

وبعد اللي قريته والعرض اللي شفته

اللعبة باحطها مع Zelda في القائمة

[Efreetex]

السلام عليكم...

انا شريت اللعبه من يومين ... و لعبة تقريباً فوق ال 5 ساعات ...

و وصلت الجابتر الثالث xD ...

اللعبه بصراحه ادمان =) .. يوم خذتها نسيت العالم ... قعديت العب 3 ساعات مادري 4 ... وبعدها تعبت شوي طلعت برع تغديت ...

قلت بطالع التلفيزون ... ماقدرت استحمل رديت على الوي و شغليتها xD

اللعبه عجيبه ... بس كانو يقدرون يخلون اللعب احلى شوي P: مثلاً يخلونك تقدر تغير التحكم من ال Option و تخليه مثلاً تخلي الويموت مايل على اليمين يمشي على اليمين ...

التحكم تتعلمه من اول ساعه إذا مب اقل ..

الرسم عجبني ... و خاصه الخلفيات .. 10\10

الاصوات حلوه .. القصه مضحكه ...

تقيمي للعبه .. و خاصه كأنها المفروض تكون على الجيم كيوب
9.6

الصراحه تستاهل اكثر بعد :P

[wario2002]

معليش تأخرت بالرد عليكم كنت اذاكر هاليومين لان عندي اختبارات الاسبوع الجاي .. الله يوفقنا وياكم انشالله


FAS : بخصوص التقييم خلاص حكمت عاللعبه وماراح ارجع بكلمتي وصدقني اللعبه تستاهل هالتقييم ..ويمكن اكثر بعد

كل واحد عنده وي أمريكي
===
يسلمو واريو , ومنتظرين مراجعتك بعد ما تنهي اللعبة

احد قالك اشتر وي اوروبي .. تصدق للحين ماعرف وش السبب الي خلاك تشتريه .. المهم الله يعينك .. وبخصوص المراجعه انت انتظرني بس .. ومشكور عالرد يالغالي

=================================================================
Snake-87 : من جدك بتشتريه اذا نزلت سماش ؟؟ اقول هيه رح اشتره فاتتك زيلدا وبيبر ماريو ووي سبورت وتحكم الويموت الرهيب .. توكل على الله واشتره بس .. ومشكور على الرد تسلم

=================================================================
hussien-11 : الله يبارك فيك اخوي حسين .. وبالنسبه للحوارات انا تعجبني مره .. خصوصا اذا كان يتبعها طابع كوميدي .. استمتع وانا اقرا ^^ ... الف شكر لك اخوي حسين عالرد

=================================================================
fox the master : الله يبارك فيك .. بخصوص الجرافيكس ترى مب جديد .. لان اللعبه كانت مطوره عالوي .. يمكن حسنوا الجرافيكس شوي .. لكني اشوفه ممتاز جدا ومناسب لأجواء اللعبه .. وطريقة اللعب غيييير مره .. وراح تمسك الويموت بشكل افقي .. شكرا لك عالرد

=================================================================
Super Shadow :

شفت كيف؟؟

قلت لك أن اللعبة بلات فورم أكثر من آر بي جي

بس أنت منت مصدقني

خخخخخخخخخخخ لا ياشيخ .. انت قلت انها بلاتفورم فقط .. وانا قلت لك لا بلاتفورم مع ار بي جي .. بعدين قلت لي كيف بلاتفورم مع ار بي جي ماتصلح .. قلت خل الشريط ينزل ونشوف .. وهذا هو فيه ار بي جي ولكن قليل .. حتى مكتوب بغلاف اللعبه من ورا ان فيها ار بي جي شوي .. يعني الخلاصه بلاتفورم + ار بي جي .. اووووص

ومشكور عالرد ياحلو (( غريبه ماحطيت السمايلز ))

=================================================================
haseo : من جد اللعبه حمااااااس .. وبخصوص طريقة القتال ماعليك الا القفز فوق الاعداء في بداية اللعبه .. بس بعدين يتطورون يكون مثلا عدو فوق راسه شوكه .. او راسه من صخرر مايمديك تفوز عليه .. لازم تشيلهم بـ Pixle اسمه ثريوري الظاهر .. واحيانا لازم تحول العالم لثلاثي الابعاد عشان تفوز على بعض الاعداء .. وفي اعداء متطورين باللعبه بس للحين ماوصلت لهم .. وفي Pixle كثييير انا توني ببداية اللعبه ^^ ... ومشكور عالرد اخوي

=================================================================
Efreetex : وعليكم السلام ورحمة الله وبركاته ..

اللعبه بصراحه ادمان =) .. يوم خذتها نسيت العالم ... قعديت العب 3 ساعات مادري 4 ... وبعدها تعبت شوي طلعت برع تغديت ...

من جد انا عجزت اذاكر XD

اللعبه عجيبه ... بس كانو يقدرون يخلون اللعب احلى شوي P: مثلاً يخلونك تقدر تغير التحكم من ال Option و تخليه مثلاً تخلي الويموت مايل على اليمين يمشي على اليمين ...

لا والله التحكم بشكل افقي حلو ماعليه .. تعودت عليه ^^

تقيمي للعبه .. و خاصه كأنها المفروض تكون على الجيم كيوب
9.6

لا وييييين .. اللعبه ممتازه بس ماتستاهل 9,6 .. مثل ماقال فاس خل نخلصها بعدين نقيمها صح .. انا الحقيقه افتقدت لطريقة القتال القديمه كانت عاجبتني مره .. ولكن هالطريقه مش بطاله بعد ^^


ومشكورين جميعا عالردود الحلوه

[FAS]

احد قالك اشتر وي اوروبي .. تصدق للحين ماعرف وش السبب الي خلاك تشتريه

كنت في فرنسا ... سألت عنه وقالولي بالحجز , دفعت 30 يورو وحجزته , قالوا لو ما خذته بنبيعه وناخذ ال30 يورو عاد قلبي عورني عليها
فكملتها وعطيتهم ال 250 يورو ....
وخذته , ولما سألت عنه عندنا قالوا ب3100 ريال ( سبحان الله , حتى الحاسبة لما ادخل فيها 250 يورو واضربها بالقطري ما تطلع 3000 ريال ؟ مادري شلون جات عندهم ..؟ )
btw
الشماته مو زينه يا عبدالمجيد
, ترى بلعب ماريو فوتبول قبلكم وبجربه أونلاين خلوكم انتوا لين شهر 6 ناطرين البوكيمون خخخخ

بخصوص التقييم خلاص حكمت عاللعبه وماراح ارجع بكلمتي وصدقني

ما قلت ارجع بكلمتك , لكن تدري من الإعجاب أول مرة , خاصه وانك متحمس للعبة , راح تقيمها بتقييم عالي ,
مثلا تويلايت لما لعبتها قلت على طول 100% .... بس بعد ما تعمقت فيها .... اكتشفت ان مستواها أقل حلوه وممتعه وفيها افكار جديدة ....
, وأفضل جزء عندي كان ويند ويكر , هو الي اختلف عن باقي السلسلة من حيث القصة والرسوم وكان لها طابع مميز .

[Super Shadow]

خخخخخخخخخخخ لا ياشيخ .. انت قلت انها بلاتفورم فقط .. وانا قلت لك لا بلاتفورم مع ار بي جي .. بعدين قلت لي كيف بلاتفورم مع ار بي جي ماتصلح .. قلت خل الشريط ينزل ونشوف .. وهذا هو فيه ار بي جي ولكن قليل .. حتى مكتوب بغلاف اللعبه من ورا ان فيها ار بي جي شوي .. يعني الخلاصه بلاتفورم + ار بي جي .. اووووص

قرضني قرض الصراحة

ما أعرف شو أقول

لا تعليق .............

بوقف نفسي الأسبوع كامل

ومشكور عالرد ياحلو (( غريبه ماحطيت السمايلز ))

العفو

بخصوص السمايلز ، أحطها على حسب المزاج

[wario2002]

FAS : اهاااا اجل كذا القصه .. كان قلت لنا من أول ياخي .. لا والله لك عذر اجل

بخصوص التقييم انا ماقيمتها على طول عشاني معجب انا عارف قصدك .. انا خلاص تعمقت باللعبه وعرفت كيف طريقتها والله ابداع وتستاهل هالتقييم .. ولاتخاف راح اقيمها مره ثانيه بعد مانهيها

ترى بلعب ماريو فوتبول قبلكم وبجربه أونلاين خلوكم انتوا لين شهر 6 ناطرين البوكيمون خخخخ

خخخخخخخ ياحظك ياشيخ انقهرت انا .. جربها بيديك ورجليك وقلنا اللاق فيها كيف خخخخخخ .. وشكرا عالرد

(( اقول فاس عطني وصلة موضوع Nintendo fans club الصفحه الاخيره .. لاني مسحته عندي بالغلط ))

=================================================================
Super Shadow : خخخخخخخخ مره ثانيه لاتطلع كلام على كيفك ،، وبخصوص السمايلز خخخخخخخ ابشررررك معد صارت تطلع عندي .. شكل الموقع الي تجيب منه هالسمايلز حجبوه بالسعوديه .. مبروك عليكم يالسعوديين

[hussien-11]

خخخ شباب بكل بساطة

بيبر ماريو = اربيجي بعناصر بلاتفورم

سوبر بيبر ماريو = بلاتفورم بعناصر اربيجي



واريو الله يسلمك

[Super Shadow]

وبخصوص السمايلز خخخخخخخ ابشررررك معد صارت تطلع عندي .. شكل الموقع الي تجيب منه هالسمايلز حجبوه بالسعوديه .. مبروك عليكم يالسعوديين

لا تفرح وايد

أصلا السمايلات مزاجية مرات تطلع و مرات لا

هذا لأن الموقع الي أجيب منه مرات يصير ضغط عليه و يتعدل بعدين

So

تحملوا عذاب السمايلات

و على فكرة

يمدحون تحميل من المواقع الثانية