نسيم المنتدى الباقي
بسم الله الرحمن الرحيم
كيف الحال شباب؟انشاء الله بخير…
…
…..هممممممممممممم وش كنت بقووووول يا ربي وش كنت بقوووول..ايوه!
ما تجي للواحد الطبيعي يا اخوان لحظات يكون فيها وحيد؟انا اقول الطبيعي يعني اللي عنده اصدقاء كثيرين مهوب مثلي.
اذا كان وحيد تطري في باله افكار كثير…الفكره العامه عن هذي الافكار انها سيئه و الواحد المفروض ما يطول قاعد لوحده عشان ما ترواده افكار او ما يسمونها مخلفات الفراغ…لكن فيه افكار الواحد ما يحب ينساها ابدا…لكنه ينساها…ممكن يكون مضطر و ممكن ينساها لانها جميله مره…كذا الانسان, يهمل الجميل الى ان يكاد يفقده…و انا اهملت اشياء كثيره و الان فقدتها…يوووووه لا تعطوني وجه احكي عن نفسي و الا و الله ما اسكت ابد…معذور يا شباب ما فيه احد اكلمه فعليا الا في المنتدى هنا ..الوحده بتقتلني…نرجع لموضوع الافكار. الافكار هذي تروح و لا تبقى ما يبقى دائما الا اسواء الذكريات.فيه مواقف برضه حلوه لكنها تبغاك تنساها يمكن لانك ما تستحقها…لانها اجمل من انك تحتفظ فيها انت و الادناس و الافكار الغير جيده و الذكريات السيئه.
كذا الدنيا…على الاقل بالنسبه لي …الاشياء الجميله تروح مثل نسيم تعتقد فجئه انه خلق عشان يلحفك مثل القماش الناعم و يذكرك بنفسك لكنه يروح…يروح بعيد ما تجزم انه لقى احد غيرك . و لو كان هذا النسيم العابر شخص يمر امامك كان ما التفت لك…الدر …عزيزي مثل هذا النسيم…او مثل هذا الشخص لكن الفرق انه التفت لي . و لنا . و عشاني تعلمت من غلطاتي القديمه
ما راح اتركه يروح لاني ادركت قيمته من زمان . لكن هو يدري ان ما بيدي حيله تجاهه . انا عاجز عن أي شيء الا اني اعلمه انه فيه ناس هنا يحبونه و هم ما شافوه … و لا يدرون هم يشوفونه؟ او بتدوم معرفتهم به ؟و حتى لو ما شافوه ..ملتقانا كلنا بأذن الله الجنه . الدر ما قال شيء حتى الان و انشاء الله اكون فاهم غلط . لكني حاس و احاسيسي المفاجئه ما تكذب . لكن الحين يوم حسيت بنية خروج الدر و انها لازالت نيه لم تتحقق . اخيرا بسوي شيء عشان ادفع تحقق احاسيسي هذي…احاسيسي هذي ما جابت لي من قبل غير استباق الالم و القهر . لكن الحين بدفع كل شيء بأذن الله . اخيرا فيه احد بيساعدني على دفع احاسيسي هذي و عقدتي الاخيره في حياتي . الدر هو اللي بيساعدني . اقسم لك بالله يا الدر انك اذا كنت ناوي تطلع و صدقت احسيسي لكنك ساعدتني و قعدت في المنتدى انك اسديت لي خدمه لا يعلمها الا الله . هذا بأفتراض ان احاسيسي صادقه . انا كنت دائما احس بموت احدهم قبل لا يصير . و الحين احس بفقدان احدهم و ما فيه فرق . على أي حال اتمنى ان احاسيسي كذابه هذي المره .
اخوكم سعد
لو لم اصنع اسوأ الذكريات...لما كانت جزءا مني...
كتبها سعد الذي بحث عن السعادة عبثا فلم يجدها...فباع نفسه لحياة الشقاء عن طيب خاطر...
