تقييم IGN لنسختي البوكيمون بيرل + دياموند

[FAS]

السلام عليكم ,

بعد 10 أعوام من صدور ألعاب البوكيمون على جهاز الغيم بوي , واشتهر موقع IGN بأنه يقيم ألعاب البوكيمون بلتقييم الكالم 10 على 10 .... هذا الكلام على الغيم بوي ...

وتقييم نسختي الدي اس , بيرل + دياموند كان ....
غير متوقع ربما ...

قيموها ب8.5 فقط !
وسبب انخفاض التقييم هو اهمال المبرمجين للإخراج , فركزوا على مستوى اللعب والبوكيمونات والوظائف وخصائص الدي اس ... وغفلوا عن الإخراج ...
هاي مراجعة بيرل
وهاي مراجعة دياموند

[SUPER BUU]

كنت متوقع نقط الضعف من أول ما سمعت عنها P:
"الصوت والجرافيكس"

[CutX]

للأسف سبقتني
بشكل عام الي نزل تقييم اللعبة هو الرسومات والصوت
وانا اتفق مع المراجع.. كان المفروض الرسومات تتطور اكثر!
بإذن الله انا بشتري النسختين.. وبلعب في دياموند وبعطي اخي بيرل

[FAHDXFAHD]

أنت وش قصدك بإخراج


وكل ها الضجة على ولى شي آخاف العبه تافهة

[Dio-Sama]

السلام عليكم

اتوقعت التقييم ينزل لكن لتسعة مش 8.5. عموما تقييم جيد و اهم شي الجايم بلاي خذ تسعة.
بس المفروظ كانوا ياخذون بالاعتبار عدد البوكيمونات و الاونلاين.
الصوت اتفق معاهم المفروظ يتغير بدل الcry القبيح.
اذا نسخة الوي ما ظافو اصوات عدلة للبوكيمونات.
كنت اتمنى انهم يزيدون عدد الهجمات لست او ثمان كنوع من التغيير لانه اربع هجمات قليلة صراحة. او انهم يخلون الليفيل يوصل لألف او حتى 1000000!
و بعد المفروظ يعدلون الstatus للبوكيمونات بحيث يخلونها even لانه الحشرية تعبانه على الاخير مع انه فيهم بموكيمونات كوول مثل butterfree و هيراكروس. بس لا حياة فيما تنادي-_-.
او يغيرون شوي . كيف, مثلا عندكم سول روك بوكيمون ذهني و صخري, يخسر ضد المائي بسهولة, لكن لو حطوا نظام يديد انه يروم يستخدم هجماته الذهنية في صد الهجمات المائية و يعكسها ضد الخصم اهنيه بتكون الطفرة و الكل راح فعلا يختار البوكيمونات اللي يحبهم.
المهم تنتظر اللعبة على أحر من الجمر و كم يسوى الاونلاين اللي فيها^^. هذا روحه عن نص العاب الدي اس^^.
نقطة اخيرة انهم اليديد بهذا الجزء الاونلاين ف ان شاء الله يعدلونه الاجزاء الياية, او الدي اس اليديد اللي اتوقعه يصدر مع الكونسول اليديد اللي بعد الويي.
-------------------
نسيت أسأل متى راح تنزل اللعبة بأسواقنا؟

[K-i-l-u-a]

السلام عليكم

ماني مقتنع بالتقييم نوعا ما بوكيمونات يديده اونلاين اسلوب حلو = 8,5 ماني مقتنع الا لما اجربها صحيح انه 8,5 تقيييم زين لكن هذي بوكيمون لازم 9 وطالع

كنت اتمنى انهم يزيدون عدد الهجمات لست او ثمان كنوع من التغيير لانه اربع هجمات قليلة صراحة. او انهم يخلون الليفيل يوصل لألف او حتى 1000000!

و بعد المفروظ يعدلون الstatus للبوكيمونات بحيث يخلونها even لانه الحشرية تعبانه على الاخير مع انه فيهم بموكيمونات كوول مثل butterfree و هيراكروس. بس لا حياة فيما تنادي-_-.

او يغيرون شوي . كيف, مثلا عندكم سول روك بوكيمون ذهني و صخري, يخسر ضد المائي بسهولة

مستحييييل يسوون هذا لوووول اذ بيسوون جذي بوكيموناتنا القديمة قول لها باي باي وبالنسبة للبوكيمونات الحشرية اذا بيعدلون فيها اعتقد بس بالبوكيمونات اليديده يعنني يضيفون state ثاني قوي وبعدين هيراكروس قوي يتحمل النار والثلج

او يغيرون شوي . كيف, مثلا عندكم سول روك بوكيمون ذهني و صخري, يخسر ضد المائي بسهولة, لكن لو حطوا نظام يديد انه يروم يستخدم هجماته الذهنية في صد الهجمات المائية و يعكسها ضد الخصم اهنيه بتكون الطفرة و الكل راح فعلا يخنار البوكيمونات اللي يحبهم.

هذا موجود بالمسلسل بس يعني مثل بيكاتشيو لما فازز على رايهورن وجذي حالات بس صدقني تقدر تفوز بأي بوكيمون وعلى اي بوكيمون بس لازم تختار الطريقة مو مهم الانواع يعني انا عندي فلاريون بوكيموني المفضل ما اخاف انزله اول شي مهما كان الي جدامي

سانك يو Dio-Sama للسؤال عن غيابي بالموضوع الثاني وسوري ما رديت اهناك لووول بس شسوي خاطفيني هالايام ال Wii + اصدقاء المسنجر بعد ما خلصت الامتحانات

سانك يو FAS على الموضوع

[FAS]

سوبر بو

تقريباً نفسك , من شفت رسومها ما اهتموا فيها , بس ما توقعت تنزل لين 8.5
====

CutX

اول ما نزلوا المراجعة ع طول حطيتها ... شفت الوقت ...
=====

وكل ها الضجة على ولى شي آخاف العبه تافهة

خخخخخ لأ مو تافهه , الإخراج يعني الرسوم والأصوات ...
وترى تقييم الغيم بلاي عالي .
===

ديو ساما

بس المفروظ كانوا ياخذون بالاعتبار عدد البوكيمونات و الاونلاين.

خذوها ... شوف الغيم بلاي اخذ 9
وعمر اللعبة أخذ 10 !

نسيت أسأل متى راح تنزل اللعبة بأسواقنا؟

5 أيام بالكثير ,
وبالنسبه للي ينزلونها على السوبر مارد نزلت اليوم الصبح .
====

كيلوا

أ،ت افهم مني بالبوكيمون خخخ عشان جيه ما عرفت ارد على ديو ساما ...

[القبطان فرفشلي]

شكلي بجربهم علشان شيء واحد بس وهو الاووووووووونلاين

بالنسبة للتقييم فعلى الاقل كان افضل من المهزلة السابقة

اما بالنسبة لاجزاء القيم بويس اللي اعطوها 10/10 فهذا وبكل صراحة تخلف

اجزاء القيم بوي كانت عادية جدا وليست بتلك الزود (المحرر متحيز )

وشكرا اخي الكريم فاس

[mgs7]

هلا
اتقييم اشوفه زين واذكر ان تقييم جيم سبوت لروبي كان منخفض

على العمووم اللعبه نازله رووم والي يبي يحملها هذا هو الموقع
NDS-ROMS.COM

[BOGEYNIGHT]

مشكووور فاس

بس عندي سؤال جيم سبوت نزل مرجعته او لا

من الحيت تقيم جيم سبوت منخفض

[FAHDXFAHD]

أمس يوم نزلت اللعبه جربتها وكان الإخراج رائع مدري كيف سبوه وش رأيكم بإخراج

وشكرا على المعلومه Dr/FAS

[Black Box]

ذكروا في المراجعة بأنه اللعبة شبيهة بجزء الجيم بوي أدفانس من نواحي كثيرة.. يعني اللعبة ما تغيرت كثير عن الأجزاء السابقة وهذا السبب في أنه تقييمها 8.5 , ولكن في جميع الأحوال ما أظن أنه التقييمات (لو كانت متدنية) راح تعيقنا عن شراء اللعبة ..

مشكور فاس

[FAHDXFAHD]

كلامهم صحيح يا Black Box ولكن انا جربت اللعبه وهي رائعة


Dr/FASأنت شرت اللعبه ولا لأ

[Kenji 42]

أحب بوكيمون، وحتى 8.5 وايد عليها برأيي الخاص. اللعبة مافيها شي جديد، كالعادة 700 بوكيمون جديد وكم ability جديد وقصة ركيكة، لو بطلّع عيوب اللعبة -مع إني fan للسلسلة- ما راح أخلص.

مو معناتها ما راح ألعبها طبعا ً، هالأسبوع بنقز للسوق وأسحبها من غير تردد، لكن رأيي الصريح: more of the same

قبل لا يجي واحد يناقشني بالرأي، yes آنا لاعب كل ألعاب بوكيمون من الجيم بوي كولور إلى الـDS إضافة ً إلى الـFlop Mini Games

تسلم فيصل، من زمان عنك!

[FAHDXFAHD]

كلامك غريب إلحين تسبها بعدين تقول بأشتريها ماينفع كذا عطنا وجهت نظر ثابته بعدين أنا ناقشت أصدقائي إلي جربوها وكلهم أستغربو من الدرجة هاذي

Dr/FAS يالت ترد على سؤالي